VOV4.K’ho - Tềng đăp mờ bơta gơtìp lơyài lơh jăt mờ ală broă dong kờl ală cau gơtìp kal ke tài bơh kòp Covid-19, kuang đơng lam UBND càr Dăk Nông sồr ală tiah tàm càr do pal mhar jào priă tus tàm tê ală cau neh geh cih măt lài mờ ngai 05 nhai 11, mờ tàm 10 ngai tus pal lơh gơs broă dong kờl ai rơlao 37 rơbô 600 nă cau in.

                    Càr Dăk Nông geh 37 rơbô 600 nă cau kal ke tài bơh kòp Covid-19 pal geh dong kờl

Jăt mờ jơnau yal bơh Sở Lao động-Thương binh mờ Xã hội càr Dăk Nông, gùt càr neh sền wơl, kờp geh rơlao 37 rơbô 600 nă cau gơtìp kal ke tài bơh kòp Covid-19 mờ kờp jơh khà priă di gơlan geh dong kờl rơlao 53 tơmàn đong. Tàm pơrjum pờ tơlik tàm internet mờ ală tiah tàm càr, Chủ tịch UBND càr Dăk Nông sồr jơh ală gơnoar atbồ pal tơrgùm lơh jăt broă dong kờl cau lơh broă mờ cau ngui cau lơh broă gơtìp gơrềng bơh kòp Covid-19, tài tàm tŭ do làng bol gam gơtìp uă kal ke den tàng pal geh sền gròi, dong kờl di tŭ.

Cau mblàng Ndong Brawl