Tơnơ mờ 5 nam kờp bơh ngai làng bol tàm ntum Dak Plao, kơnhoàl Dak Glong, càr Dak Nông trờn tus ơm tiah pa, nàng ai ù rơndap lơh hìu mai\ pờ tơlik ồs đèng Đồng Nai 3, tus  tu\ do, rài kis khi dê kung ờ hềt kơ\ kơljap tài ờ tơl ù lơh sa mờ ua\ kal ke ndai. Tàm bòn ơm kis pa tu\ do, geh git nđờ jơt nơm hìu gơtìp sang lời gờ` tài làng bol pal lòt làm ba\ tiah nàng jòi sa gơtùi kis. Cau te\ khà tàm bòn ơm kis ntum Dak Plao kơp kờ` Gơnoar atbồ lơgar, cau tờm bơcri lơh hìu mai\ pờ tơlik ồs đèng Đồng Nai 3 mhar bơsong ù lơh sa nàng kơ\ kơljap rài kis.

Mpờl bơh ngài, bòn ơm kis pa ntum Dak Plao, kơnhoàl Dak Glong, càr Dak Nông niam ngan. G^t nđờ rơhiang hìu pa lơh rềp bal làm jơh gùt dòr. Mơya tu\ tus tàm bòn sền hơ\ sồng gi\t, tàm bòn ơm kis pa do, geh g^t nđờ 10 hìu gơtìp sơbì gời, `hơ\t neh hòn klăp klê, geh uă hìu neh sơbì gời g^t nđờ nam, gơtìp rùs, ờ kơl jăp tai. Lo\ K’Bung kis tàm bòn 3, [òn ơm kis pa ntum Dak Plao là 1 tàm ờ uă cau gam kis tàm bòn pa do ờ su\k ơm đơs: bơh nhai 08/2010, hìu nhă lo\ l^k bơh bòn yau, lời ù suơn rơlao 1 lồ kờ` hìu măi pờ tơl^k ồs đèng in mờ tus bòn pa ơm kis, mơya mìng geh ai 4 cuờng ù lơh hìu ơm, geh hìu, mơya ờ geh ù lơh sa, rài kis kal ke ngan:“Hìu đam den Dà lơgar lơh, mơya ù lơh sa den ờ geh, kơ\p tam pà, mơya ờ tam pà sơl, làng bol tàm [òn do ờ geh ù lơh sa den tàng rài kis gơtìp jơgloh, rơbah lơm. Jơgloh den lòt lơh broă ngài, ù ờ geh den pal sơbì hìu đam lòt jòi ù lơh sa, hìu ờ geh cau ơm”.

Ồng K’ Nga kuang jăt jơng atbồ anih duh broă ntum Dak Plao pà g^t, tài kal ke ờ geh ù lơh sa, tus tu\ do neh geh mờr 90 hìu pal sơbì hìu đam lòt lơh broă ngài. Tàm hơ\ geh uă hìu cau kra mờ kơnòm dềt ndrờm lòt jơh, ntum ờ g^t ală cau do lòt tus tàm tiah lơi mờ geh rê wơl lah ờ. Tàm dơ\ tìp mờ cau te\ khà ală kơnă, cau te\ khà mờ gơnoar atbồ tàm ntum neh yal mờ dan, mơya kung gam ờ hềt geh bơsong jơh sơl:“Bơh nam 2010 làng bol neh rê tus bòn ơm kis pa, bơh tu\ hơ\ tus tu\ do, ù lơh sa ờ geh, ờ hềt ai jơh làng bol in, den tàng geh uă hìu pal sơbì hìu đam lòt lơh sa tàm tiah ngài. Mpồl đơng lam Đảng, anih duh broă, mpồl duh broă ala măt làng bol ntum pơrjum kung bè tìp mờ cau te\ khà ndrờm đơs tus broă do, kơ\p kờ` gờ` geh ù nàng làng bol ring niam tàm rài kis”.

Ồng Phạm Hồng Thái gơnoar atbồ anih lơh broă tơnguh bơtàu ù tiah kơnhoàl Dak Glong dờp: kơnhoàl do mờ cau tòm bơcri priă lơh hìu măi geh uă bơta tìs tàm broă bơsong ù tiah tơm ndrờm, kal ke tàm broă lơh sa, dà ngui sa làng bol tàm bòn ơm kis pa Dak Plao in. Geh uă kal ke tàm bòn ơm kis pa neh 5 nam do, mơya tus tu\ do, hơ\ sồng kơnhoàl rơ\p geh sră nggal yal mờ càr Dak Nông kờ` geh jơnau đơng lam tus mờ anih lơh sa kă bro bơcri priă lơh hìu măy pờ tơl^k ồs đèng ai tai priă kờ` ai tai ù lơh sa làng bol in:“Ngan là neh geh broă jàu ù làng bol in ờ di di tu\, ờ tơl khà ù tàm bòn ơm kis pa, tam pà làng bol in ờ tơl khà ù. Tu\ do, neh geh sră yal tus mờ anih duh broă càr Dak Nông kờ` càr geh jơnau đơng lam tus mờ mpồl lơh ồs đèng Việt Nam kờ` ai tai priă, rồ ù tam pà làng bol in”.

Bè ală kal ke tàm bòn ơm kis ntum Dak Plao, mpồl kuang bàng tàm Gơnoar ala măt dà lơgar càr Dak Nông neh tơrgùm ală jơnau đơs kờ` yal mờ Gơnoar ala măt dà lơgar mờ lùp ală gah, mpồl lơh broă geh gơnoar. Mò Tôn Thị Ngọc Hạnh kuang jăt jơng atbồ mpồl kuang bàng tàm Gơnoar ala măt dà lơgar càr Dak Nông pà g^t:“Bơh tàm broă sền gròi mờ ală jơnau đơs bơh cau te\ khà, mpồl kuang bàng tàm Gơnoar ala măt dà lơgar neh g^t nùs nhơm làng bol tàm bòn ơm kis pa Dak Plao mờ neh yal tus mờ Gơnoar ala măt dà lơgar. Tàm hơ\, să tòm a` kung neh lùp kuang atbồ gah kă bro dà lơgar. Dờp jơnau đơs do, Gah kă bro dà lơgar neh đơng lam anih lơh broă geh gơnoar mờ neh tus lơh broă kờ` bơsong ală kal ke gam gơl^k geh. Bol a` gam uă jơnau ờ su\k ơm tài tus tu\ do, kung ờ hềt bơsong gơs ală broă. Bol a` kơ\p kờ` là Gah kă bro dà lơgar geh đơng lam anih lơh broă geh kơnòl rơlao, ai tơl bơta niam nàng làng bol in iang nùs ơm kis mờ geh ù lơh sa. Mpồl kuang bàng bol a` geh pơn jăt tai sền gròi broă do tàm tơngai tus”.

                                                                         Cau mblàng Ndong Brawl.