VOV4.K’ho – Anih duh broă làng bol càr Dak Nông gam dan mờ Gơnoar atbồ lơgar tam gơl tiah prăp gàr phan geh is Tà Đùng gơs brê dà lơgar mờ dan geh ai gơs là tiah phan tềl kah yau ASEAN dê. Mơya, tàm tiah dơlam tiah prăp gàr do tu\ do geh 42 hìu làng bol, bal mờ g^t nđờ rơhiang nă cau gam ơm kis,  Ơm tàm tiah prăp gàr phan geh is Tà Đùng ơning ơnàng là 2 [òn ơm kis lơh mìr, suơn tam phan, lơh ờ niam tus mờ brê. Bơta do, gơnoar atbồ càr Dak Nông bal mờ ală gah, mpồl lơh broă gơrềng bal pal geh broă lơh pràn rơlao tai kờ` ntrờn ală hìu do rê ơm kis kơ\ 1 bă tiah, ai wơl brê tiah prăp gàr phan geh is Tà Đùng in.

Ơm tàm tiah prăp gàr phan geh is Tà Đùng ơning ơnàng là 2 [òn ơm kis, mờ g^t nđờ rơhiang nă cau gam ơm kis. Do là ală hìu làng bol gơwèt tiah ntrờn ơm kis bơh hìu măy pờ tơl^k ồs đèng Đồng Nai 3, tàm ntum Dak Plao, kơnhoàl Dak Glong tài ờ tơl ù lơh sa, den tàng neh tus tàm tiah prăp gàr phan geh is do kờ` rồ ù, lơh [òn ơm kis. Tàm kàl mìu do, làng bol gam tơrgùm sih tam ală bơta phan tam ờ jo\ tơngai bal mờ tòm chi sa plai jo\ nam bè [ơ, sầu riêng. Ồng Vương Văn Khì, bơh tiah ntrờn ơm kis tus ơm tàm do pà g^t: “Tàm [òn ơm kis pa lài do gơnoar atbồ hơ mờ làng bol bol a` là 2 lồ ù, 3 sào sre, du\t ndơl mìng ai 4 sào; mờ 4 sào ù do geh hìu geh, geh hìu ờ geh, den tàng làng bol kal ke ngan kờ` kis”.

Rài kis kal ke bơh ală hìu làng bol kis tàm tiah prăp gàr brê hòn is Tà Đùng

Rài kis tàm do ờ tơl uă bơta ngan, tài ờ geh ală bơta geh kuơ mùl màl; gùng lòt gơbàn kal ke, ờ geh broă lơh dà sàng, hìu bơsram mờ hìu sơnơm ngài rơlao 20 kơi sồ, mơya làng bol kung gam kis tài ù lơh sa. Jăt khà kờp bơh tiah prăp gàr phan geh is Tà Đùng dê, 42 hìu làng bol do neh sơgràm 60 lồ ù brê kờ` lơh ù lơh sa. Bu\ lah làng bol ờ mus tai brê, mìng tam phan tàm bă ù neh lơh lài do, mơya ồng Trần Quốc Toàn, kuang atbồ anih sền gàr brê sồ 2 kung gam ờ su\k ơm bè broă gàr brê mờ gàr phan geh is, tu\ làng bol tus kis tàm do pơn jăt tai tơnguh: “Mùl màl tu\ do, làng bol neh geh lam sồr bè broă gàr brê, den làng bol kung g^t. Mơya bè jo\ jòng, khà làng bol tàm do geh tai ală hìu tàm hìu nhă l^k ơm is den broă prăp gàr mờ gàr brê kal ke ngan”.

Pa do, anih duh broă làng bol càr Dak Nông neh dan mờ Gơnoar atbồ lơgar ai tam gơl tiah prăp gàr phan geh is Tà Đùng gơs brê dà lơgar, mờ dan ai tơl^k là brê tềl kah yau ASEAN dê. Kờ` geh dờp, gơnoar atbồ tàm do bal mờ ală gah, mpồl lơh broă geh gơnoar pal ntrờn 42 hìu làng bol l^k bơdìh tiah dơlam Tiah prăp gàr phan geh is Tà Đùng. Ồng Lê Quang Dần, kuang jăt jơng atbồ anih duh broă làng bol kơnhoàl Dak Glong đơs: “Broă di pal mờ broă kờ` bơh ală hìu làng bol kis tàm [òn ơm kis pa mờ ơm kis kơ\ 1 bă tiah ờ hềt niam. Den tàng, tàm tơngai do, gam geh 42 hìu ơm kis tàm tiah prăp gàr Tà Đùng. Lơh jăt broă đơng lam bơh anih duh broă làng bol càr, bol a` gam bơyai lơh lam sồr kờ` làng bol lơh jăt bal”.

Lam sồr ờ di là broă lơh geh cồng nha, di lah broă lơh tòm là ù lơh sa làng bol in gam ờ geh bơsong jơh. Tiah prăp gàr phan geh is Tà Đùng kờ` gơs là brê dà lơgar ha là brê tềl kah yau ASEAN dê, den lài jơh, gơnoar atbồ bal mờ ală gah, mpồl lơh broă geh gơnoar tàm càr Dak Nông pal gàr niam rài kis làng bol tàm [òn ơm kis pa, mờ kis kơ\ 1 bă tiah ntrờn bơh hìu măy pờ tơl^k ồs đèng Đồng Nai 3 dê.

             Cau cih mờ yal tơng^t Ndong Brawl