VOV4.K’ho- Tus tŭ do, càr Gia Lai neh lam lơh dong kờl ai rlau 2 rbô 500 mpồl lơh sa kă bro, hìu bơnhă kă bro mờ rlau 7 rbô nă cau lơh broă kal ke tài bơh kòp Covid-19 in.

Mùl màl, neh geh mờr 2 rbô mpồl lơh sa kă bro neh tơrmù khà tă priă blơi bảo hiểm rềs àr lơh broă, kòp broă lơh ai cau lơh broă in tàm pơgap 1 nam mờ khà priă 11 tơmàn 500 tơlak đông; rlau 500 hìu bơnhă kă bro geh dong kờl rlau 1 tơmàn 600 tơlak đông. Bal mờ hơ̆, git nđờ rhiang nă cau lơh broă tàm gah niam chài- nghệ thuật, cau pơlam nhơl chờ, cau lơh broă gơtìp roh broă lơh kung neh geh dong kờl jat jơnau sồr. Gơwèt mờ khà cau lơh broă khat gơboh gơtìp kal ke tài bơh kòp dờng, càr Gia Lai neh lam lơh dong kờl ai rlau 6 rbô 700 nă cau in mờ khà priă rlau 10 tơmàn đông.

Cau mblàng K’Duẩn