VOV4.K’ho - Ù tiah là phan lơh sa tòm bơh uă làng bol kòn cau tàm càr Gai lai dê. Mơya, tàm tơngai do, g^t nđờ rơbô hìu làng bol tàm do neh ai cau ndai in ơpah ù lơh sa, hơ\ sồng lòt lơh broă ơpah, lơh rài kis làng bol gơbàn kal ke mờ gơtìp jơgloh rơ[ah sùm.

Pơgăp mờ do 12 nam, tàm tu\ ờ geh priă bơcri tàm broă blơi ding dà tus tàm suơn kơphe hìu nhă tòm, bi Y Yơi, deh nam 1968 tàm [òn Gri, xã Cư\ Đăng Ya, kơnhoàl Cư\ Pah, càr Gia Lai ai 1 nă cau kis bal tàm kơnhoàl in ơpah 2 lồ ù suơn hìu nhă tòm mờ khà 30 tơlăk priă tàm 15 nam.

                     Xã Cư\ Đăng Ya, kơnhoàl Cư\ Pah ờ hềt geh bơtơ\t rơbòng dà kờ` geh dà tuh phan tam in

Bơh tu\ hơ\ tus tu\ do, mìng gam 3 sào ù lơh sre mờ 5 sào ù suơn, ùr bơklao bi gơbàn kal ke ngan kờ` jòi tơl piag sào, ào sọh nă kòn in. 12 nam ai ơpah ù là 12 nam pal lòt lơh broă ơpah tơn tàm bă ù suơn tòm bi dê. Mờ kung kàr hơ\ tơngai hìu nhă bi pal dờp phe dong kờl sùm bơh dơ\ tus kàl puh pah. Mơya moăt jrùng rơlao jơh là jơgloh, rơ[ah geh sùm, lơh ală kòn bi ờ kờ` lòt bơsram:

-Ơpah jo\ nam ir, ờ gơtùi ngan. Tu\ do di lah kờp den go\ hoàc huơr ngan. Di lah toh wơl ù, di gơlan a` lơh tàm hìu nhă a` mơ, ờ ai ơpah tai. Go\ tu\ do neh glar bòl ngan, ờ geh broă lơh tai, ngai lơi kung lòt lơh broă ơpah cau dê, lơh suơn sre sa ờ tơl. Glar ngan. Ală kòn neh ơm gời tàm hìu jơh, bơsram tus ơdu\ 7 den sơbì jơh.

Ờ kah tơngai ai ơpah ù, hơ\ sồng gơbàn cau ơpah ù sơgràm tơn gơnoar ngui ù là broă gơbàn hìu nhă ồng Siu An, kis tàm [òn Kó, xã Cư\ Đăng Ya, kơnhoàl Cư\ Pah dê. Jăt jơnau ring bal geh cih mờ tê bơh 2 gah, ồng Siu An ai hìu nhă ồng Nguyễn Văn Hồ kis tàm xã Cư\ Jôr, kơnhoàl Cư\ Pah 5 lồ ù tàm 10 nam kờp bơh nam 2002.

           Broă ai ơpah ù lơh sa tàm làng bol kòn cau lơh uă làng bol ờ tơl ù lơh sa, ờ tơl pràn kờ` klàs mờ rơ[ah

Mơya, tu\ jơh tơngai ơpah, go\ ồng Siu An hu^ pơrgon, hìu nhă ồng Hồ neh tus is phòng tài nguyên môi trường kơnhoàl Cư\ Pah yal bă ù do gơwèt ù rồ, hơ\ sồng ai sră ngui ù. Bơtoah ngan tơnơ\ mờ hơ\, kơnờm mờ broă tus bal bơh ală gah lơh broă geh gơnoar, hơ\ sồng bă ù do neh geh toh mờ rê wơl mờ cau tòm ù.

Mùl màl, broă ai ơpah ù tàm kơnhoàl Cư\ Pah neh lơh gơbàn ală broă mờ anih lơh broă atbồ dà lơgar kal ke kờ` bơsong. Ồng Lê Xuân Dũng, atbồ phòng tài nguyên môi trường kơnhoàl Cư\ Pah, càr Gia Lai pà g^t:

-Bè broă ồng Siu Phang, kis tàm xã Ia Ka, lài mờ tu\ ai kòn in ù den geh ai 1 nă cau ndai in ơpah 20 nam kờ` tam kơphe. Gam tai neh tăc mờ cau ndai. Tài gơrềng tus mờ phan bơna cau ndai, ù bơh cau ndai, hơ\ là broă kal ke, yă uă dơ\ l^k cah rơ`a. Tơmù gơnoar ngui ù cau ndai den tìs. Di lah UBND ală xã tơmù den làng bol l^k hờ bơdìh lơh.

Jăt khà kờp ờ hềt tơl, tu\ do, tàm kơnhoàl Cư\ Pah geh rơlao 400 nă cau ai ơpah rơlao 250 lồ ù lơh sa mờ là kơnhoàl geh bă ù ai ơpah uă dơ\ 2 tàm càr Gia Lai dê. Kung jăt khà kờp, xã Cư\ Đăng Ya là xã geh bă ù ai ơpah lơh sa uă ngan, kung là xã geh khà hìu rơ[ah uă gan kơnhoàl dê sơl. Ồng Nguyễn Văn Nội, Chủ tịch UBND xã Cư\ Đăng Ya pà g^t, tu\ do xã geh mờr 14 lồ ù brê gơbàn sơgràm mờ nggùl khà là tài ală cau ai ơpah ù, tàm tu\ bơta jơgloh rơ[ah tài ờ tơl ù lơh sa gam ờ hềt geh bơsong:

-Broă ai ơpah ù, ờ geh ù lơh sa là 1 tàm ală bơta tòm lơh xã uă nam tơn kờ` klàs mờ rơ[ah lơyài ngan, khà hìu rơ[ah gam uă. Bơ\t bơtàu [òn lơgar pa den làng bol pal geh ù. Tu\ do ai broă lơh làng bol kòn cau geh rài kis rơ[ah do in kờ` geh priă tàm rài kis mìng gam geh 1 broă lơh là ai wơl ù kờ` geh ù lơh sa, tơnguh bơtàu broă lơh sa.

Jăt cồng nha sền gròi bơh HĐND càr Gia Lai yal, kờp tus lồi nam 2017, gùt càr do geh rơlao 2 rơbô hìu làng bol kòn cau ai ơpah mờr 1 rơbô 900 lồ ù lơh sa. Bơta moăt jrùng ngan là, geh uă cau tàm khà do neh tăc tơn ù dà lơgar pà jăt broă dong kờl bơh nam 2004 rê hờ lài. Khà hìu do pơn jăt tai gơbàn ờ tơl ù lơh sa. Bơta tòm geh ai là broă lơh bơtơ\t rơbòng dà ờ pràn, bal mờ bơta ngăc ngar tàm broă tam phan ờ uă den tàng làng bol ờ hềt g^t tàm broă lơh geh kuơ tàm bă ù tòm. Ồng Nay Kiên, Phó Chủ tịch UBND kơnhoàl Cư\ Pah đơs là:

-Broă lơh di pal là pal rơcang tam phan mờ dà tuh. Gơwèt mờ ală tiah ờ tơl dà, pal kơlôi tus mờ broă tam gơl phan tam. Tàm kơnhoàl do là tòm bời lời. Tiah lơi làng bol geh dà tuh den lơh broă kàl prang, lơh sre 2 kàl. Di lah he pal sồr, geh geh tơl broă lơh mơya broă lơh bơtơ\t rơbòng dà tàm Tây Nguyên ờ tơl den ờ gơtùi bơsong jơh.

Bơdìh mờ broă tơnguh bơta ngăc ngar tàm broă tam phan, jòi phan tam di pal, ală gah, mpồl lơh broă geh gơnoar tàm càr Gai Lai pal geh broă lơh di pal tàm broă bơ\t bơtàu, lơh ală broă lơh bơtơ\t rơbòng dà, dong kờl làng bol kòn cau lơh geh cồng nha tàm bă ù tòm.

Cau cih mờ yal tơng^t Ndong Brawl