VOV4.K’ho - Bal mờ uă càr, [òn dờng tàm gùt lơgar, broă lơh bràs, lu\ rơdeh ờ geh sră ai lơh tàm càr Gia Lai gơbàn kal ke. Uă cau lơh bràs ờ geh sră ai lơh gam lơh sùm ngai kung bè mang, lơh gơbàn ờ niam uă ngan tus mờ tiah kis, lơh tơrlah ù tiah gah dà dờng, dà croh mờ lơh ờ su\k ơm tàm làng bol.

Bơh jơnau yal làng bol dê, bồ nhai 8 do, Phòng Cảnh sát Môi trường, kuang bàng càr Gia Lai neh pơgồp bal mờ gơnoar atbồ xã Ia Mơ Nông, kơnhoàl Cư\ Pah ku\p 1 dơ\ lơh bràs tàm croh dà Ia Grăm, [òn A Mơng.

Mờ mờr 1 rơbô khối bràs gam tơrgùm tàm [làng, do là dơ\ lơh bràs ờ geh sră ai lơh uă ngan mờ mpồl cảnh sát môi trường geh go\. Cau tòm [làng bràs do geh g^t là ồng Ngô Quang Tuân, kis tàm xã Ia Nhin, kơnhoàl Cư\ Pah.

Jơnau kờ` đơs ngan, do là dơ\ 2 go\ mờ ku\p tơn ồng Tuân bơyai lơh bràs. Dơ\ lài mờ hơ\ mìng rơ\p di pơgăp 20 ngai mờ kuang bàng môi trường kung neh lơh sră ku\p, jào gơnoar atbồ xã Ia Mơ Nông lơh glài. Bu\ lah neh 2 dơ\ gơbàn ku\p, mơya ồng Ngô Quang Tuân kung gam ràs bơr tus mờ broă lơh tìs ồng dê:

- Tu\ trồ mìu là bràs pơrdô uă den tàng a` tus lơh. Jồp bràs tàm do dê a` kơlôi là ờ di lơh ờ niam tus mờ croh dà. Go\ bràs pơlai ngan den tàng jồp kờ` drơng tàm broă lơh hìu đam làng bol in mơ.

Jăt khà kờp, tu\ do tàm càr Gia Lai geh 21 mpồl geh ai sră lơh, jòi mờ blơi phan geh is. Tàm hơ\, geh 12 pang sră lơh, 8 pang sră ai jòi mờ 1 pang sră blơi tàm 43 anih tàm 10 kơnhoàl, thị xã.

Mơya, uă cau bu\ lah ờ hềt geh ai sră kung gam ai ală phan lơh broă, măy mo\k tus tàm ală anih kờ` lơh bràs sơl. Broă lơh bràs ờ geh sră ai lơh gơbàn uă ngan tàm ală tiah ngài mờ [òn, rềp mờ nhàr bal kờ` pleh mờ anih lơh broă geh gơnoar go\.

Mờ jăt Đại tá Nguyễn Văn Minh, atbồ phòng Cảnh sát Môi trường, Kuang bàng càr Gia Lai yal, kơrnoăt lơh glài tìs tàm gah lơh bràs tu\ do kal ke, ờ tơl pràn den tàng lơh tus tàm broă gơbàn tìs:

- Di lah bè lài do, jăt Nghị định sồ 142 nam 2013, mìng geh ală phan tu\p tus ală bràs, lu\ rơdeh, phan geh is kờ` bơ\t bơtàu bè ờs là bơdìh mờ broă lơh glài tìs mờ priă gam gơbàn ku\p phan lơh broă tai.

Mơya pa do, Nghị định sồ 33 bơh Chính phủ, geh ngui bơh ngai 20 nhai 5 nam 2017 do geh tơl^k, ală cau lơh bràs geh khà bơh 50 khối rơlao hờ đang hơ\ sồng gơbàn ku\p phan lơh broă.

Do là kơrnoăt ai lơh kal ke ngan tus mờ mpồl lơh broă geh gơnoar. Mờ lơh glài mờ priă den ờ uă ngan. Den tàng, gơwèt mờ ală cau pa gơbàn lơh glài den gam lơh tìs tai.

Den jăt ồng Võ Văn Phán, Chủ tịch UBND kơnhoàl Kbang yal, tài broă kờ` bràs lơh hìu tu\ do uă, bơta kuơ bơh broă lơh bràs ờ geh sră ai lơh geh uă den tàng lơh broă lơh bràs ờ geh sră ai lơh tu\ do gam geh uă, jo\ nam do.

Bơta kuơ màng ngan tàm tu\ do là pal tơnguh broă sền gàr dà lơgar tus mờ broă lơh bràs. Ală tiah geh bràs uă den pal lơh jăt broă đấu giá gờ`, ală tiah mìng geh bràs bồr, ờ uă den pal geh gùng dà jào mờ gơnoar ai gơnoar atbồ xã in sền gàr. Ồng Võ Văn Phán pà g^t tai:

- Bơh tàm broă sền kơnhoàl bal mờ Sở Tài nguyên lài do den go\ 4 tiah geh đấu giá lơh bràs. Sở Tài nguyên kung neh ring bal ai đấu giá mơya tu\ do ờ hềt geh đấu giá gơtùi.

Den tàm ală dà dờng, dà croh dềt, ală [làng bràs dềt mìng geh bồr bơh tàm ală dơ\ mìu, kơnhoàl neh geh sră ngal dan mờ Sở Tài nguyên geh broă lơh, sră nggal bè lơi kờ` ală tiah gơbồr bràs pah nam den kơnhoàl blơi, pơgồp bal tàm kes priă mờ bơ\t bơtàu [òn lơgar pa, lơh niam sră nggal.

Bơh bồ nam tus tu\ do, gùt càr Gia Lai neh go\ mờ ku\p 17 dơ\ lơh bràs ờ geh sră ai lơh. Tàm hơ\ mìng mpồl cảnh sát môi trường neh ku\p 14 dơ\.

Mơya, do mìng là bơnah geh go\ bơh tàm ală bơnah gam ờ go\ dê, broă tìs mờ ală kơrnoăt bè lơh bràs tàm càr Gia Lai gam uă kal ke, den tàng pal geh broă tam gơl kơrnoăt lơh glài kung bè geh broă tus bal pràn rơlao tai bơh gơnoar atbồ, mpồl lơh broă geh gơnoar, tàm hơ\ uă ngan là tàm ală tiah.

Cau cih mờ yal tơng^t Ndong Brawl