VOV4.K’ho - Broă lơh jăt broă tơm priă sền gàr brê tàm càr Kon Tum ală nam do pà go\ ală cồng tàm broă gùt mpồl bơtiàn tus bal tàm broă sền gàr mờ tơnguh bơtàu brê. Pah nam Kes priă sền gàr mờ tơnguh bơtàu brê càr Kon Tum neh hòi jà geh g^t nđờ rơhiang tơmàn priă bơh gùt mpồl bơtiàn kờ` bơcri priă ai broă sền gàr mờ tơnguh bơtàu brê. Tàm jơnau đơs ngai do, geh dơ\ lùp ồng Hồ Thanh Hoàng, kuang atbồ Kes priă sền gàr mờ tơnguh bơtàu brê càr Kon Tum.

-Lài jơh, dan ưn ngài ồng Hồ Thanh Hoàng, kuang atbồ kes priă mờ tơnguh bơtàu brê càr Kon Tum neh ai tơngai tus mờ dơ\ cri bơyai do? Ơ ồng, bơh mùl màl lơh jăt tàm càr Kon Tum, ồng geh jơnau đơs bè lơi bè broă pal geh mờ di tu\ bơh broă lơh adăt boh lam bè crơng gơs, atbồ, ngui kes priă sền gàr mờ tơnguh bơtàu brê?

Ồng Hồ Thanh Hoàng: Broă lơh adăt boh lam bè crơng gơs, atbồ, ngui kes priă sền gàr mờ tơnguh bơtàu brê tơl^k tàm bơta jal mhar mờ di tu\.

Sền gàr mờ tơnguh bơtàu brê là kơnòl geh Đảng mờ Dà lơgar he sền gròi ngan; bơh nam 1992 tu\ brê hòn is neh gơmù mhar ngan jơh bè bă brê bal mờ bơta niam, Chính phủ neh bơcri kes priă kờ` lơh jăt ală rơndăp broă: lơh geh tơlir tàm ù tiah ờ geh chi, dòr bơnơm gời, tam pa 5 tơlăk lồ brê.

Bu\ lah neh geh dà lơgar sền gròi mờ bơcri priă, mơya kes priă dà lơgar ờ uă, rơlao mờ hơ\ tai brê ờ mìng cèng wơl bơta kuơ mìng is gah lơh sa mờ brê bal mờ ală cau lơh broă mờ brê mờ gam cèng bơta kuơ tus mờ gùt mpồl bơtiàn, tàm hơ\ geh ală cau geh dờp kuơ tơn bơh brê.

Den tàng, pal hòi jà ală bơta pràn bơh mpồl bơtiàn kờ` sền gàr brê, den tàng Chính phủ neh tơl^k Nghị định bè Kes priă sền gàr mờ tơnguh bơtàu brê mờ Nghị định bè broă tơm priă sền gàr brê.

Broă tơl^k broă dong kờl neh hòi jà di tu\ dùl khà priă uă bơh mpồl bơtiàn ai broă sền gàr brê neh dong kờl sền gàr brê niam, tơnguh khà gơtìm chi brê bơh gùt lơgar tus 42%, mìng is càr Kon Tum geh sùm 62,2%.

-Broă tơm priă sền gàr brê di pal bè lơi mờ mùl màl broă atbồ mờ sền gàr brê tu\ do, ơ ồng?

Ồng Hồ Thanh Hoàng: Broă lơh di pal: broă tơm priă sền gàr brê geh Bộ Nông nghiệp và Phát triển nông thôn đơs là dùl tàm 10 cồng nha geh pơnrơ ngan bơh gah lơh sa suơn sre mờ tơnguh bơtàu [òn lơgar tàm tơngai bơh nam 2010 tus 2015.

Do là dùl broă tơnguh pa, tơl^k bơta tam gơl pràn, geh nùs nhơm niam ờ mìng tàm bồ tơngoh kơlôi sơnơng, mờ gam geh broă lơh tàm jơh tơngai lơh, bơ\t bơtàu, tơl^k mờ lơh jăt broă dong kờl lơh sa gơwèt gah lơh sa mờ brê bơnơm lơgar Việt Nam dê; tam gơl broă lơh bơh broă kơnờm tàm kes priă dà lơgar jăt mờ bè ờs tus mờ broă tơnguh broă hìu jà ală priă bơcri bơdìh mờ kes priă dà lơgar, broă bơh mpồl bơtiàn ai broă tơnguh bơtàu gah lơh sa mờ brê bơnơm.

Dơ\ sơnrờp dùl broă lơh sa pa tàm gah lơh sa mờ brê bơnơm geh lơh, lơh broă tàm bơta dờng dà lơgar dê, geh ală cấp, ală gah broă bal mờ làng bol ring nùs kờ` bal; geh gơrềng bal uă, ai geh bơta niam, di pal mờ kơrnoăt lơh jăt drà lơh sa kă bro bal mờ broă tam gơl bal bơh dunia dê, cèng geh bơta pràn, bơta kuơ bal ai làng bol bal mờ mpồl bơtiàn; ai geh broă lơh bal nền nòn bơh cau tòm brê tàm gơnoar là đah ai broă lơh bal mờ ală mpồl bơtiàn, cau dùl nă să lơh sa kă bro dờp bơta kuơ bơh brê bơnơm tàm gơnoar là đah ngui priă tơm sền gàr brê. Mùl màl geh dờp broă lơh do neh geh ală cồng nha, broă gơrềng bal niam.

-Bal mờ broă pal geh lơh, di tu\, di pal, broă tơm priă sền gàr brê geh tơl^k nùs nhơm tơl, ndrờm bal, ring bal mờ geh bơta pràn, cồng nha bè lơi?

Ồng Hồ Thanh Hoàng: Broă tơm priă sền gàr brê geh sền là broă lơh sơnrờp ngan bơh gah lơh sa brê bơnơm dê, gàr niam nùs nhơm tơl, ndrờm bal, ring bal, bơh adăt boh lam geh Quốc hội ai geh, Nghị định bơh Chính phủ tus mờ ală thông tư bơto sồr bơh ală Bộ, gah lơh broă dà lơgar; broă lơh jăt ndrờm bal, ring bal tơl^k bơh broă yal, sền gròi, lùp sền, kờp sền, bơsong broă sền gròi, sền wơl broă lơh jăt broă tơm priă sền gàr brê.

Nùs nhơm pràn, geh cồng nha: Do là priă geh tơl niam, kơl jăp, tơmù kal ke tus mờ kes priă dà lơgar bơcri ai broă lơh sa brê bơnơm. Broă tơm priă sền gàr brê neh bơsong kal ke ai ală cau tòm brê là mpồl lơh broă Dà lơgar, tàm hơ\ uă ngan là gơwèt mờ ală cau tòm brê là ală Công ty TNHH MTV lâm nghiệp ală kơnhoàl, tàm tu\ broă lơh sa, kă bro tìp uă kal ke, tàm tơngai ơm kơl chi brê hòn is; rài kis bơh ală kuang bàng, cau lơh broă ală mpồl lơh broă geh tơnguh loh làng bơh tơl nam, bơh tu\ hơ\, iang nùs lơh broă, kis đềt mềr mờ brê; broă lơh do neh ai geh broă lơh g^t nđờ rơbô nă làng bol tàm tiah sar lơgar ngài tus bal sền gàr brê.

-Ồng đơs bè lơi bè broă càr Kon Tum lơh, bơyai lơh jăt adăt boh lam bè broă atbồ, ngui Kes priă sền gàr mờ tơnguh bơtàu brê tàm tơngai do?

Ồng Hồ Thanh Hoàng: Broă lơh jăt adăt boh lam bè atbồ, ngui kes priă sền gàr mờ tơnguh bơtàu brê càr Kon Tum dê tàm tơngai pa do neh geh lơh, bơyai lơh di tu\, di mờ kơrnoăt tàm adăt boh lam.

Kes priă sền gàr mờ tơnguh bơtàu brê càr Kon Tum dong kờl gah lơh sa brê bơnơm càr Kon Tum geh cồng nha bơh broă hòi jà ală bơta pràn gùt mpồl bơtiàn tus bal tàm broă sền gàr mờ tơnguh bơtàu brê; atbồ brê kơl jăp; tơmù ờ uă ngan mờ gơdờp mờ tam gơl trồ tiah; tơnguh rài kis lơh broă sa ai cau lơh broă mờ brê; prăp gàr uă sinh học.

Bè tơngu me hòi jà ală bơta pràn gùt mpồl bơtiàn kờ` sền gàr mờ tơnguh bơtàu brê tàm càr, pơgồp bal tàm broă lơh jăt gùng dà gùt mpồl bơtiàn tus bal lơh broă mờ brê.

-Ơi, dan ưn ngài ồng!

Cau mblàng Ndong Brawl