VOV4.K’ho- Tàm càr Kon Tum, ală Sở, gah sơnah lơh broă geh gơnoar gam pơn jăt tai lơh broă lơh dong kờl cau lơh broă mờ cau ngui cau lơh broă tìp kal ke tài bơh kòp dờng Covid-19 jăt jơnau cih tàm Kơrnoat sồ 68 bơh Chính phủ dê.

Jăt mờ hơ̆, gơwèt mờ broă dong kờl tơrmù ƀà khà tă pơgồp tàm Kes priă sền gàr rềs àr lơh broă, kòp bơh broă lơh, jơh gùt càr Kon Tum geh 872 mpồl geh dong kờl bal mờ khà rlau 15 rbô 300 nă cau lơh broă. Priă geh tơrmù khà tă tàm 12 nhai kờp bơh nhai 07 nam 2021 là rlau 4 tơmàn 670 tơlak đong. Gơwèt mờ cau lơh broă tơn jơh sră pơrgon lơh broă mơya ờ tơl bơta nàng geh dờp priă dong kờl ờ geh broă lơh, Sở Lao động, Thương binh mờ Xã hội càr Kon Tum neh lơh sir sră nggal bơh 50 nă cau lơh broă geh tơl bơta geh dong kờl, tàm hơ̆ geh dong kờl bơtơl 28 nă kơnòm dềt là kòn bơh cau lơh broă dê bal mờ kờp jơh priă tă là rlau 213 tơlak đong.

 Cau mblàng Lơ Mu K’Yến