VOV4.K’ho- Sùm bơh bồ nam tus tu\ do, nhai lơi tàm càr Kon Tum kung geh lơm cau gơtìp kòp den hơ\ sồng chơ\t mờ jơnau tờm là tài bơh so sơnrang kăp. Jơnau yal bơh gah lơh sơnơm tiah do dê pà go\, tàm nhai 3 geh 2 nă cau, ai lài hơ\ tàm nhai 1 mờ nhai 2, nhai lơi kung geh dùl nă cau chơ\t tài bơh so sơnrang kăp.

Jơh ală cau tu\ tus tàm hìu sơnơm sơm kòp ndrờm gơ ơm tàm bơta să jan kòp sơnrang neh gơtìp mờ ală bơta gơ tơngo\, bè: gơtìp chơ\t ngguh, ngòt càl, ngòt dà, gơ rơm pơ\t să. Ồng Đào Duy Khánh, Giám đốc Sở Y tế càr Kon Tum pà gi\t, kờp sền ngan ngồn tàm [òn dờng Kon Tum mờ kơnhoàl Đăk Glei, tiah geh 4 nă cau chơ\t pà go\, digơlan làng bol gơtìp bơtờp kòp so sơnrang kăp là uă ngan.

Tềng đap mat, gah lơh sơnơm càr Kon Tum gam hòi jà jơh ală cau gơtìp so, mèo kăp tàm 3 nam rềp ndo tus tàm ală hìu sơnơm nàng ci\t sơnơm vaccine rơcang sơndră kòp. Gơwèt mờ ală cau là hìu r[ah halà cau hìu chính sách ndai, gah lơh sơnơm tiah do geh ngui priă jền rơcang sơndră kòp nàng dong kờl cau kòp.

Cau mblàng mờ yal tơngi\t- Lơ Mu K’Yến