VOV4.K’ho - Drim òr (16/06), UBND càr Lâm Đồng neh geh sră nggal pa pơyoa tus Sở Tài chính, Sở Giáo dục mờ Đào tạo, UBND ală kơnhoàl, ƀòn dờng ring bal pơn jăt tai lơh jăt broă dong kờl priă nhai nam lơh broă cau pơgru in tus tàm tŭ geh kơrnoăt mờ jơnau bơto sồr pa bơh Dà lơgar.

Sră nggal cih loh, adăt bơto bơtê sồ 43 ngai 14 nhai 6 nam 2019 geh lơh jăt bơh ngai 01 nhai 07 nam 2020 bè priă nhai: “Cau pơgru geh rơndăp săp sèng priă nhai di pal mờ broă lơh mờ lơh broă; geh ai dờp priă dong kờl krơi is broă lơh jăt mờ kơrnoăt bơh Chính pủ dê”. Mơya, tus tŭ do, Dà lơgar ờ hềt geh sră nggal geh cih mờ bơto sồr broă dong kờl priă nhai pa. Den tàng, tàm tŭ kơ̆p Chính phủ mờ ală bộ, gah lơh broă Dà lơgar tơlĭk kơrnoăt, bơto sồr broă dong kờl priă nhai pa mờ nàng dong kờl cau pơgru ring niam rài kis, iang nùs tàm broă bơto, UBND càr ring bal pơn jăt tai lơh jăt broă dong kờl priă nhai jăt nam cau pơgru in tus tàm tŭ geh kơrnoăt mờ jơnau bơto sồr pa bơh Dà lơgar dê.

Cau mblàng Ndong Brawl