VOV4.K’ho - UBND càr Lâm Đồng bơyai lơh pơrjum tơn jơh rơndăp broă tơrlòng rơwah cau ngăc ngar kơnòm să lơh broă nùs nhơm dong kờl tus tàm ală xã nàng tus bal tơnguh bơtàu [òn lơgar, tiah kơh bơnơm tơngai bơh nam 2013 tus 2020 gam sơnđan là rơndăp broă 500 jăt mờ kơrnoăt bơh Thủ tướng Chính phủ tàm càr Lâm Đồng.

Rơndăp broă geh lơh tàm kơnhoàl Dam Rông, do là kơnhoàl rơ[ah càr dê bơh nam 2014.

Cồng nha geh, bơh 51 pang sră jơh bơsram bơh đại học rơlao hờ đang, càr Lâm Đồng neh rơwah geh 7 đội viên jăt rơndăp broă nàng ai broă lơh tàm ală xã kơnhoàl Dam Rông dê; tàm hơ\ geh 4 đội viên là cau kòn cau.

7 đội viên do geh lơh broă bal tàm broă lơh 5 nam mờ UBND kơnhoàl Dam Rông. Tơn jơh 5 nam lơh broă, geh 5 tàm 7 đội viên neh geh rơwah tàm dơ\ pơrlòng công chức cấp kơnhoàl.

Kuang đơng lam càr Lâm Đồng sồr ală cấp, ală gah lơh broă pal sền wơl ală bơto bơtê mờ ngui cau lơh broă là dùl broă lơh sùm, sồr ală sở, gah lơh broă gơrềng bal tàm càr pơn jăt tai sền gròi dong kờl kơnhoàl rơ[ah Dam Rông bè ală bơta.

Cau mblàng Ndong Brawl