VOV4.K’ho – Tàm tơngai lơh broă tàm hìu sơnơm Quân y 15, Binh đoàn 15, Bộ Quốc phòng, Thượng uý, bác sĩ Nguyễn Đức Nam (deh nam 1989) neh lơh ngan tơnguh mờng chài lơh broă, jơh nùs tus bal tàm broă lơh đoàn mờ broă lơh lam sồr làng bol. Den tàng, bác sĩ sùm geh kuang đơng lam hìu sơnơm đơs là cau pơn rơ jak, lơh àng gơ crà rùp să cau ling lơh sơnơm bơh hìu sơnơm dê tàm [òn lơgar:

Jơh bơsram Học viện Quân y, geh ai rê lơh broă tàm hìu sơnơm Quân y 15, Binh đoàn 15, tus tu\ do, thượng uý Nguyễn Đức Nam neh geh 4 nam rềp mềr mờ càr Gialai, càr tiah kơh bơnơm kal ke bơh Tây Nguyên dê. Pah ngai tam tìp, sền go\, kham mờ sơm kòp làng bol kòn cau tiah do in, bác sĩ Nam go\, làng bol ờ hềt mùl màl sền gròi tus broă lơh rơcang sơndră kòp, den tàng khà cau gơbàn kòp bơ tờp bè sốt xuất huyết, jê ndul gơ jroh gam uă. Bơh hơ\, pơ gồp bal mờ broă lơh sơm kòp, bác sĩ Nam sùm mblàng yal, bơto bơtê bơta chài rơcang sơndră mờ kòp làng bol in tàm Khoa Nội trung, bal mờ hơ\ tàm ală ngai rlô, bác sĩ sùm tus tàm ală [òn làng bol kòn cau Jarai nàng mblàng yal, dong làng bol tơnguh jơnau git wă rơcang sơndră kòp. Mờ bơta jơh nùs bè hơ\, neh bơh jo\, cau ling lơh sơ nơm kơ nòm să hơ\ neh gơ gơs là cau tờm rềp mềr ngan mờ làng bol tàm [òn lơgar. Ồng Ksor Leo, atbồ [òn Nang, xã Ia Sao, kơnhoàl Ia Grai pà git: “Bác sĩ nting tơngkah bic pal kơt mờ dùh kơmùng, rơcang sơndră kòp rlau mờ sơm kòp. Bác sĩ Nam là cau kham, sơm kòp tơn làng bol tàm [òn in. A` go\ bác sĩ Nam gam kơ nòm să ngan, jơh nùs ngan mờ cau kòp, ngan là làng bol kòn cau bơh [òn bol a` dê. Làng bol tàm [òn pin dờn mờ kờ` ngan bác sĩ.”

Tàm gơnoar broă là Phó Bí thư Đoàn TNCSHCM bơh Đoàn hìu sơnơm Quân y 15 dê, bác sĩ Nguyễn Đức Nam lam lơh bơt bơtàu broă lơh suơn sơnơm chi ơruh pơnu, pơ gồp bơnah lơh niam tiah ơm kis; lơh jiơ nờng piam kòp ơruh pơnu tàm khoa Nội nhi, bơh hơ\ lơh gơs tiah sơm kòp lam lài, rềp mềr tus mờ kơnòm dềt kòp tàm hìu sơnơm. Bal mờ hơ\, pah nam, bác sĩ Nguyễn Đức Nam gam jơh nùs tus bal broă lơh kham mờ pà sơnơm ờ sa priă, tă pơ gồp ngai lơh broă nàng lơh hìu nùs nhơm, pà phan hìu bơnhă geh sră dong kờl bơh dà lơgar in tàm ală ngai chờ, bơyai lơh nhơl `o\ kơnòm dềt in tàm uă xã tiah sar, lơgar ngài bơh càr Gialai dê. Thiếu tá, bác sĩ chuyên khoa 1 Nguyễn Ánh, Phó Kuang atbồ hìu sơnơm Quân y 15 pà git: “Bác sĩ Nam bulah gam kơnòm să mơya neh ai go\ nùs nhơm bơh bác sĩ quân y dê, geh nùs nhơm niam, jơh nùs mờ cau kòp. Kuơ màng, bác sĩ geh cau kòp pin dờn ngan. Bulah hìu bơnhă bác sĩ dê kal ke ngan, mơya tàm bác sĩ Nam den lơh broă nhap nhar, jơh nùs ngan tàm srơh đoàn dê, jơh nùs mờ broă lơh, lam lài tàm tơl broă lơh bơh srơh đoàn ơruh pơnu dê.”

Mờ ală broă lơh ngan tàm broă lơh mờng chài mờ broă lơh đoàn, bác sĩ Nguyễn Đức Nam neh uă nam sùm geh pà khà jờng cau ling pơr lòng kơnă [òn lơgar mờ geh pà bằng khen jak ngan bơh Gah đơng lam Binh đoàn 15 dê. Bi yal, bơta chờ hờp dờng ngan rlau jơh là pah ngai geh tìp mờ cau kòp. Tài tàm hơ\, bi go\ broă bi lơh geh kuơ, cèng wơl pràn kơldang, bơta kis kòn bơnus in, mờ tàm hơ\ ròng siam nùs nhơm lơ bơn niam bơh 1 nă cau lơh sơnơm dê. Bác sĩ Nguyễn Đức Nam pà git: “Pah dơ\ sơm bời 1 nă cau kòp in, a` go\ gơ lơh chờ hờp ngan. A` kung sùm kờ` lơh bác sĩ, pah ngai tìp mờ cau kòp, sền go\, git mờ tam pà bal bơta jê sồt bơh kòp jê khi dê.”

Bác sĩ Nguyễn Đức Nam mờ ală broă lơh ngan ngồn bi dê tàm hìu sơnơm Quân y 15 neh lơh àng gơ crà sùm să cau ling lơh sơnơm bơh Binh đoàn 15 dê tàm ù tiah đah tô Tây Nguyên.

             Cau cih mờ yal tơnggit K’Duẩn