VOV4.K’ho- Nam do neh rlau 76 sơnam, dùl nă cau ling yau kòn cau Mạ, kis tàm [òn 1, xã Lộc Phú, kơnhoàl Bảo Lâm, càr Lâm Đồng bulah să ja` ờ gam pràn tai, mơya kung gam kờ` ngan iat mờ đơs jơnau pơnđick kòn cau he dê.

Sền go\ ală bơta tam gơl tàm rài kis pa hờm ram bơh làng bol [òn lơgar dê, ồng jồm jơnau đơs pơnđick nàng tơngo\ nùs nhơm bơh ồng dê ưn ngài Đảng, Dà lơgar, pơn dờm pơnđiang làng bol lơh ngan sơrlèt gan kal ke, brồ guh tàm rài kis mờ sền gàr bơhiàn niam chài is kòn cau he dê.

“Lài do, làng bol ơm kis nrah nrềng tàm brê bơnà dà bơnà, rài kis ntrờn làm bă tiah ờ kơ\ kơl jăp dùl bă tiah, ko\ng jơgloh r[ah mrềt noăt, kòp tê jê să, rài kis ờ geh bơta gơn kơnờm, klam jơngo, ờ geh dùl bơta àng sơ`io gùng…

Kơnờm geh bơta àng sòl pơđàng bơh Đảng dê, Bác Hồ lam gùng, [òn lơgar hơ\ sồng geh rài kis bè ngai do. Dà lơgar tơrgùm dùl, làng bol kòn cau Mạ hơ\ sồng geh rài kis lơngăp lơngai, chờ hờp, iang nùs ơm kis lơh sa, ờ go\ di pal kis gơlềng gơlàng khat gơboh làm bă tiah tai”.

Hơ\ là ală jơnau đơs crih mờ ồng K’Năm bơceh akhar is jat jơnau đơs loong bơh kòn cau Mạ dê, tơngo\ bơta kơlôi sơnơng bơh ồng dê bè rài kis pa. Đơs bè rài kis ring lơngai mờ bơtàu tơnguh bè ngai do, ồng pơn jat tai đơs dùl gơl jơnau đơs pơnđick tam pơ\t bè do:

“Lài do, làng bol [òn lơgar bòl glar kal ke ngan, pal hàu kơh hàu bơnơm, tiă dà croh dà sơdiang ngòt rơngơ\t ngan, bơta sơbơng roh gơ pơhìn sùm. Mơya, ngai do, kơnờm geh Đảng, Dà lơgar sền gròi dong kờl, bơcri priă lơh uă broă, rơndăp broă lơh dờng, bè: Broă lơh 135, 132, 134…tu\ do làng bol [òn lơgar chờ hờp ngan, mờ gi\t ưn ngài ngan Đảng, Dà lơgar.

Tu\ do, tam lơh ờ gam tai, rài kis ờ gam jơgloh r[ah tai, ờ gam ơm tàm rài kis dô tàm đơr tàm brê ngòt bol sò tơm tai bè bèp, bè ồng he dê lài do…Jơh ală bơta neh geh Đảng, Dà lơgar jun rê tơn tềng mpồng hìu. Jơh ală kòn cau tàm ù tiah dà lơgar do ndrờm ring bal, tơryang tơryồng lơh broă lơh sa”.

Ồng K’Năm đơs, kơnờm geh Đảng, Dà lơgar mờ ală làng bol [òn lơgar neh ờ gam jơgloh r[ah bòl glar kal ke tai bè lài do. Tu\ do, gùng lòt neh [ươn [oài, rơndeh rơndồ geh uă ngan, ồs đèng geh sùm tàm làm jơh ală [òn lơgar, rài kis ơm kơ\ lơh sa dùl bă tiah, kòi phe, kơphê …cau kòn cau ndrờm neh lơh geh is.

Jơnau mờ ồng kơ\p kờ` ngan rlau jơh tu\ do là lơh bè lơi nàng rài kis niam chài ờs mờng bơh yau bơh làng bol kòn cau dê geh sền gàr mờ bơtàu tơnguh. Ồng K’Năm đơs bè do:

“Bơh rài yô rài yau jơnau pơnđick sùm rềp mềl ngan mờ rài kis bơh làng bol kòn cau Mạ dê. Den tàng bè hơ\, kơ\p kờ` ngan Đảng, Dà lơgar sền gròi, dong kờl bơto yal wơl bơhiàn niam chài bơh yau bơh ồng mò bol a` dê lời wơl, nàng rơnàng kơnòm să tu\ do in ờ go\ di lơh hi\u roh te\ bơhiàn niam chài ờs mờng bơh yau bơh kòn cau he dê.

Bè đơs tam pơ\t, đơs loong, dròng cing ja` mồng, yal yau…jơh ală ndrờm niam lơm. Lơh bè lơi nàng làng bol kòn cau bol a` dê pơn jat tai sền gàr bơhiàn niam chài ờs mờng bơh yau bơh ồng mò dê, nàng rài kis in ngai sơlơ niam bơne\ bơtàu tơnguh rlau”.

Ồng kung kơ\p kờ` oh kòn, kòn sau kòn cau Mạ, cau K’ho dê kung bè ală kòn cau oh mi ndai tàm Lâm Đồng, tàm Tây Nguyên sùm tam klac, kờ` gơboh bal, gi\t ngui niam bơhìan niam chài ờs mờng bơh yau bơh ồng mò dê, tơryang tơryồng tàm broă bơsram sră, lơh broă lơh sa, nàng rài kis in ngai sơlơ hờm ram lơngăp lơngai chờ hờp!

Cau cih mờ yal tơngi\t- Lơ Mu K’ Yến