VOV4.K’ho- Tàm tiah nhàr lơgar kơnhòal Ea Sup, càr Dak Lak, Thượng úy Hoàng Ngọc Linh, cau drơng broă cơl du\ kham kòp ling klàng làng bol pơ gồp bal gơ wèt Pôs đồng ling sền gàr tiah nhàr lơgar Ia R’vê (Mpồl ling sền gàr tiah nhàr lơgar càr Dak Lak) sùm jơh nùs ngan kham sơm kòp mờ pà sơ nơm sơm kòp ai làng bol in bè ală cau tàm hìu bơnhă bi dê sơl.

Deh mờ dờng tàm [òn lơgar geh bơhìan kac màng Nghệ An, klau pơnu Hoàng Ngọc Linh deh nam 1982, tơ nơ\ jơh bơsram kấp pe, neh cih is sră dan lòt ling. Jơh 2 nam lơh kơ nòl broă ling klàng, bi pơn jat tai jat bơsram tàm Hìu bơsram Cao đẳng Quân y 2 [òn dờng Hồ Chí Minh. Jơh bơsam mờ sră bơsram jak, bi geh sồr rê lơh broă tàm Mpồl ling sền gàr tiah nhàr lơgar càr Gia Lai. 

                                                       Thượng úy Hoàng Ngọc Linh châm cứu ai cau kòp in

 Nam 2018, Hoàng Ngọc Linh geh sồr rê lơh broă tàm Pôs đồng ling sền gàr tiah nhàr lơgar Ia R’vê, kơnhòal Ea Sup, càr Dak Lak drơng broă kham sơm kòp ling klàng làng bol pơ gồp bal, lơh jat broă kham pràn kơl dang să jan ai ală kuang bàng, cau ling Pôs đồng mờ làng bol tàm xã in.Thượng úy Hoàng Ngọc Linh đơs.

Bơta krơi is tàm tiah nhàr lơgar dê là tàm kàl mìu den sùm gơlik geh kòp sốt xuất huyết; ai tàm kàl prang den kòp jê ndul gơ jroh, as sồt gùng tă nhơm… mờ pah ngai geh bơh 10 tus 15 nă cau tus kham mờ ndrờm geh bol a` sơm bời lơm. Pah nam tơr gùm wơl den pal geh rlau 4 rơ bô nă cau kòp geh sơm bời di tu\. Bulah gal ngan mơya dong kờl pràn kơl dang să jan ai làng bol in den jơh ală oh mi bol a` ndrờm chờ hờp mờ sùm lơh ngan. Bal mờ broă jơh nùs kham sơm kòp den oh mi gam mblàng yal làng bol in lơh jat broă lơh pơs wàs jùt rào hìu đam, lơh jat broă sa duh hùc sin… gàr niam bơta pràn kơl dang să jan.

Ồng Vi Văn Ngút 67 sơ nam, ơm tàm thôn 5, xã Ia R'vê, kơnhòal Ea Súp pà g^t, thôn ngài pơ gap mờ anih tờm kơnhòal Ea Sup dê tus rlau 60 kơi sồ, gùng lòt den kal ke, ngan tàm kàl mìu. Bơh tu\ geh cơl du\ kham kòp ling klàng làng bol Pôs đồng ling sền gàr tiah nhàr Ia Rvê, den làng bol ờ duh pal lòt ngài nàng kham sơm kòp tai. 

                Cơl du\ kham kòp ling klàng làng bol bơh Pôs đồng ling sền gàr tiah nhàr lơgar (737) tàm xã Ia R'vê dê

Ờ mìng bè hơ\, kuang bàng cau ling lơh sơ nơm gam lơh ngan tus tơn tàm hìu nàng kham, sơm kòp ai ală cau kòp dờng sơ nam, cau kòp jroa\ in… Kung kơ nờm bơh geh cơl du\ kham mờ cau lơh sơ nơm Hoàng Ngọc Linh mờ ală cau gơbàn kòp jo\ nam bè pơ ùr ồng dê neh gơtùi lòt rê. Ồng Vi Văn Ngút yal.

Pơ ùr a` gơtìp lò ntìng nggòr ngkời kơn jơ\ ngan, hìu sơ nơm khi đơs là ờ gơtùi sơm bời jơh ờ, pơ ùr a`  ờ gơtùi lòt rê `ă ntào. A` kơ no đơs là tàm cơl du\ kham kòp ling klàng làng bol geh bác sĩ Linh gơ tùi châm cứu bời den a` jun bơ ùr tus kham. Bơh sơm kòp châm cứu pơgap 18 ngai den pơ ùr a` neh đỡ đau, gơtùi lòt rê. Jơh hìu bơnhă chờ hờp ngan.

Ia R'vê là xã tiah nhàr lơgar ngan rlau jơh kơnhòal Ea Sup dê, mờ 6 rơ bô 800 nă cau gơ wèt 28 jơi bơtìan oh mi ơm kis bal. Lơh sa kal ke den broă sền gròi pràn kơl dang să jan bơh làng bol dê gam ua\ ngan kal ke. Jat ồng Lê Văn Hoàng Lâm Chủ tịch UBND xã Ia R'vê, ală nam do, cơl du\ kham ling klàng làng bol pơ gồp bal bơh Pôs đồng ling sền gàr tiah nhàr lơgar Ia R’vê neh lơh jat niam ngan kơ nòl broă kham, sơm kòp ai làng bol tàm ù tiah tiah nhàr lơgar in. Să tờm Thượng úy Hoàng Ngọc Linh neh dờp geh ua\ ngan nùs nhơm kờ` gơ boh bơh làng bol jơi bơtìan kòn cau tàm tiah do dê. Ồng Lê Văn Hoàng Lâm đơs:

 Thượng úy Hoàng Ngọc Linh là dul nă bác sĩ jơh nùs jơh tồr ngan mờ broă kham sơm kòp ai làng bol in. Pah dơ\ geh làng bol sồr den ờ ngòt ngai mang hala gùng dà ngài tus nàng dong kờl làng bol. Bal mờ kham sơm kòp, Thượng úy Linh gam mblàng yal ai làng bol in pơs wàs tiah ơm kis, lơh broă lơh sa duh hùc sin, mblàng yal broă lơh rcang sơn dră kòp Covid-19 lơh geh bơta pin dờn tàm làng bol…

Mờ ală bơta lơh ngan tàm tu\ lơh broă, Thượng úy Hoàng Ngọc Linh neh geh ua\ kấp, gah sơnah lơh broă pà ală phan jờng dờng màng. Mơya gơ wèt mờ bi, bơta chờ hờp dờng ngan rlau jơh là geh cau ling bal, làng bol ală jơi bơtìan kờ` gơ boh pin dờn, sền gròi pràn kơl dang să jan pơgồp bal bơt bơtàu tiah nhàr lơgar ngai sơlơ pas niam.

Cau mblàng K’ Hạnh