VOV4.K’ho - Tàm ală dơ\ tìp mờ cau te\ khà bơh mpồl kuang bàng tàm Gơnoar ala măt dà lơgar kơnă 14 tàm 10 kơnhoàl, [òn dờng tàm càr Kon Tum, cau te\ khà neh tơl^k uă jơnau đơs kuơ màng tus mờ Gơnoar atbồ lơgar kung bè ală broă pal bơsong tàm càr do dê.

Tàm ală anih tìp, tơnơ\ mờ tu\ iăt kuang bàng tàm Gơnoar ala măt dà lơgar yal bè cồng nha pơrjum dơ\ sơnrờp, cau te\ khà càr Kon Tum tơl^k nùs nhơm chờ hờp tus mờ Gơnoar ala măt dà lơgar kơnă pa neh sền wơl, ai tơl^k broă bơyai lơh, pồ mờ k^ tơnpồ mpồl kuang bàng dờng màng tàm ală anih lơh broă dà lơgar. Cau te\ khà pin dờn, ală kuang bàng tàm Gơnoar ala măt dà lơgar kơnă 14 geh lơh jơh nùs, tài bơta kuơ dà lơgar bal mờ làng bol dê. Kuơ màng ngan là bè Gơnoar atbồ lơgar kơnă pa, tàm ală tìp mờ cau te\ khà mờ lơh broă mờ ală Gah, Mpồl lơh broă dà lơgar, ală càr, [òn dờng tàm ală ngai pa do, dờp geh uă jơnau đơs niam bơh cau te\ khà càr Kon Tum dê. Cau te\ khà tơl^k nùs nhơm pin dờn tàm broă tam gơl pa bè broă đơng lam bơh Gơnoar atbồ lơgar dê, kuơ màng ngan là gùng dà bơ\t bơtàu “Gơnoar atbồ lơgar song dơ pă, bơceh pa, drơng broă làng bol; bè broă kuang bàng, ngui cau jăk chài, bơsong jơh ală broă geh pơnrơ uă, ờ su\k ơm. Cau te\ khà Sa Phương, kis tàm kơnhoàl Đak Tô, càr Kon Tum pà g^t jơnau đơs bơh să tòm dê: “Bơh tàm broă sền mờ iăt tàm anih yal tơng^t, a` go\ là gơwèt mờ Gơnoar atbồ lơgar tơngai lơh broă pa, kuơ màng ngan là tus mờ să tòm Kuang gơs gơnăp gơnoar atbồ hờ đang rơlao jơh dà lơgar a` go\ là tàm broă đơng lam, lam bồ tàm ală gah broă lơh, a` go\ làng bol chờ hờp ngan, kuơ màng là bơh tàm ală broă đơng lam nền nòn bơh Kuang gơs gơnăp gơnoar atbồ hờ đang rơlao jơh dà lơgar gơrềng tus mờ ală broă gơbàn ờ niam tàm dà lơgar. Bè broă kloh niam ờ do ờ dă tàm phan sa, gơnoar làng bol dê bè sră kham, sơm kòp ờ sa priă…”

Bơdìh hơ\ tai, tàm ală dơ\ tìp, cau te\ khà càr Kon Tum kung dan mờ ală kuang bàng tàm Gơnoar atbồ lơgar bè broă chồl pràn rơlao tai broă sơndră mờ sa kuề sa koà, ờ niam, hoàc huơr; tơl^k loh làng ndrờm bal phan bơna bơh kuang bàng, cau lơh broă sa priă nhai; pơn jăt tai sền gròi, bơcri priă lơh ală broă tàm tiah sar lơgar ngài, tiah làng bol kòn cau mờ ală tiah lơh sa tòm càr Kon Tum dê bè tiah lơh sa mpồng nhàr dà lơgar Bờ Y, [òn dờng Kon Tum, tiah nhơl chờ tàm brê Măng Đen…

Cau te\ khà dan ai priă uă rơlao tus mờ 2 broă lơh jăt khà dà lơgar dê bè tơmù rơ[ah kơl jăp mờ bơ\t bơtàu [òn lơgar pa tơngai bơh nam 2016 tus 2020; dan bơsong jơh ală dơ\ yal yă tam phà bè ù tiah bơh làng bol mờ anih lơh sa kă bro bal 1 nă să lơh is Cao su Kon Tum; geh broă lơh kờ` jòi geh anih tăc phan geh lơh bơh broă lơh sa suơn sre, tàm hơ\ uă ngan là cao su mờ kơphe. Cau te\ khà Lê Văn Quân, kis tàm [òn drà Đak Glei, kơnhoàl Đak Glei đơs, broă lơh jăt kơrnoăt sồ 50 bơh Gơnoar atbồ lơgar dê tơngai bơh nam 2015 tus 2020 tàm càr ờ hềt di tu\: “Tàm kơrnoăt sồ 50 bơh Kuang gơs…bè broă dong kờl ală hìu làng bol ròng phan. Jăt kơrnoăt do bơh nam 2015 tus nam 2016 kung neh mờr jơh tơngai, neh mờr 1 nam nggùl mơya làng bol kung ờ hềt geh dờp bơh broă dong kờl do. Den tàng, dan mờ ală kơnă, ală gah lơh broă kơrnoăt neh tơl^k den he pal lơh jăt kờ` làng bol geh dờp broă dong kờl bơh dà lơgar di tu\”.

Gơwèt mờ gah sền gàr brê, cau te\ khà dan pal bơsong nền nòn ală dơ\ tìs; dan mờ Gah lơh sa mờ tơnguh bơtàu [òn lơgar dà lơgar geh broă chồl pràn broă rơndăp wơl ală anih lơh sa suơn dờng lơh broă ờ geh cồng nha; tam gơl bă brê mờ ală anih lơh sa kă bro ờ tơl pràn sền gàr kờ` ai làng bol sền gàr kờ` tơnguh rài kis làng bol in; dong kờl priă, phan lơh broă kờ` làng bol pờ ơnàng bă ù tam kơnuh sơnơm Ngọc Linh mờ ờ uă bơta sơnơm geh kuơ ndai tàm càr Kon Tum.

      Cau cih mờ yal tơng^t Ndong Brawl