VOV4.K’ho - Tàm ală nhai bồ nam do, geh 1 broă lơh ờ niam tàm broă blơi sră kham, sơm kòp ờ sa priă is tàm càr Kon Tum dê. Jăt khà kờp bơh anih lơh broă kham sơm kòp ờ sa priă càr, kờp bơh ngai lơh jăt adăt kham, sơm kòp ờ sa priă tam gơl ngai 01-1-2015 tus tu\ do, gùt càr Kon Tum mìng geh 7 rơbô 202 nă cau blơi sră kham, sơm kòp ờ sa priă is, di lah pơn drờm mờ tu\ do nam làigơmù mờr 1 rơbô 200 nă. Nđan la 1 broă lơh mpồl bơtiàn geh kuơ màng, dong kờl làng bol geh tìp bal mờ broă lơh sơnơm geh khà niam, drơng gàr bơta pràn kơl dang să jan làng bol in lah ờ geh dờp uă jơnau kờ` bal.

Rơlao 1 nhai do, mơya lo\ Lê Thị Bích Phượng, kis tàm [òn Nghĩa An, ntum Ya Chim, [òn dờng Kon Tum kung gam ờ su\k ơm ngan sơl tu\ yal bè broă blơi sră kham sơm kòp is ờ sa priă mè bèp in. Lo\ Phượng pà g^t, kờ` blơi geh sră kham sơm kòp ờ sa priă mè, bèp in, neh rơlao bơh 5 tus 7 dơ\ lo\ pal lòt sùm bơh hìu tus ntum, hơ\ sồng tus tàm anih tăc sră kham sơm kòp ờ sa priă tềng Bưu điện càr. Gùng lòt sê sùm pah dơ\ di lah kờp neh tus rơlao 100 kơi sồ. Glar bòl rơlao là broă lơh gơs ală sră nggal kờ` blơi geh sră kham, sơm kòp ờ sa priă: “Lòt 1 dơ\ den ờ hềt g^t là pal geh sră nggal lơi. Cau sồr pal foto sră kim ta. Sră nggal oh tàm Sài Gòn pal pơyoa sră kim ta mờ sră kham sơm kòp ờ sa priă tus. Mờ pal ai sơnah [òn in k^ dờp tai, hơ\ sồng tus [òn cih dờp tai. Lòt bơh 5 tus 7 dơ\ mờ kung ờ hềt blơi geh sơl sră kham sơm kòp ờ sa priă. Geh uă cau pal sơbì tài ờ kờ` blơi tai”.

Tàm dơ\ tìp pa do mờ cau te\ khà bơh ală kuang bàng tàm Gơnoar ala măt dà lơgar càr Kon Tum dê, cau te\ khà Nguyễn Đức Tuyến, cau tàm mpồl cau ling yau sơnah [òn Thống Nhất, [òn dờng Kon Tum đơs là, tàm gơl 3, bơta 13 adăt sră kham sơm kòp ờ sa priă tam gơl mờ tơl^k, ală cau tàm 1 hìu nhă bal pal blơi sră kham sơm kòp ờ sa priă là 1 broă lơh kờ` tam pà bal bơta kuơ, kơnòl. Tơl^k kơrnoăt do kung kờ` lam sồr ală làng bol tus bal blơi sră kham sơm kòp ờ sa priă mờ là gùng dà broă lơh niam ngan. Mơya tu\ lơh jăt mùl màl sră nggal tăc sră kham, sơm kòp ờ sa priă den gơl^k geh uă ir, ờ di pal, ờ ai bơta [uơn cau blơi in: “Kờ` blơi sră kham, sơm kòp ờ sa priă ală cau tàm hìu nhă bal, pal foto jơh ală sră kham, sơm kòp ờ sa priă ală cau tàm hìu nhă neh blơi. Tàm sră măt hìu nhă geh 1 nă cau tàm hìu tài lơh broă tàm tiah ngài ha là tài geh broă ndai ờ foto geh sră kham sơm kòp ờ sa priă neh blơi den ờ tăc cau in sơl. Den bè hơ\, làng bol kơ\p kờ` mờ sră kham, sơm kòp ờ sa priă tàm bơta lơi? Pin dờn sră kham, sơm kòp ờ sa priă tềng lơi? Pin dờn sră kham, sơm kòp ờ s apriă ai tơl bơta [uơn làng bol in, kờ` làng bol [uơn blơi den sơlơ lơh kal ke tus mờ cau blơi sră kham, sơm kòp ờ sa priă. Hơ\ là 1 bơta kal ke ngan tus mờ làng bol dê”.

Tàm càr Kon Tum, broă tăc sră kham, sơm kòp ờ sa priă is làng bol in geh gah sền gàr mpồl bơtiàn càr lơh broă bal mờ gah Bưu điện tăc tơn tềng hìu lơh broă Bưu điện tàm ală ntum. Mùl màl pà go\, bal mờ sră nggal gam uă ir, ờ niam den jơnau g^t wă tàm broă lơh cau lơh broă tàm Bưu điện-do là ală cau lơh jăt broă lơh mờ làng bol kung là broă kung pal geh sền gròi. Bơdìh hơ\ tai, tàm jơnau đơs bè tàm [òn dờng Kon Tum, di lah cau lơi kờ` den geh blơi tơn tềng hìu Bưu điện chài rơgơi ntum, mơya mùl màl den làng bol kung gam pal tus hờ hìu tăc sră kham sơm kòp ờ sa priă tàm hìu Bưu điện càr kờ` lơh sră nggal du\t ndơl. Mò Lê Thị Quý, kis tàm sồ hìu 100, gùng Ngô Đức Kế, sơnah [òn Lê Lợi, [òn dờng Kon Tum yal: “Ờ go\ di là cau lơi kung ơm kis bal 1 sơnah [òn. Ală cau kis tàm ntum, lòt tus mờ ờ geh sơl sră. Mờ đơs là tu\ do lơh niam wơl, a` đơs jơnau do is, 1 nă cau ndai is tai ờ g^t. Cau lơi tus kung bè hơ\ lơm, ờ go\ di mìng 1 nă a`. Lài mờ tu\ tus blơi, neh jàu priă tàm ntum, mơya tu\ tus geh sră kham sơm kòp den lòt tus Bưu điện càr. Lơh broă lơi den lơh kung pal lòt tus hờ Bưu điện càr”.

Tềng đăp mờ ală jơnau bơh cau te\ khà tàm do yal, mò Phạm Thị Điệp, kuang atbồ anih tă priă-gah sền gàr mpồl bơtiàn càr Kon Tum pà g^t: “Mùl màl gơl^k geh ală kal ke hơ\ là loh làng ngan, mơya gah sền gàr mpồl bơtiàn den kung pal lơh jăt ală sră nggal geh ai bơh gơnoar atbồ hờ đang dê”.

Mùl màl pà go\, broă blơi sră kham, sơm kòp ờ sa priă is jăt hìu nhă làng bol geh uă bơta niam. Mùl màl, cau lài ngan blơi, pal tă priă ndrờm mờ 6% khà priă nhai, hơ\ là ndrờm mờ 600 rơbô priă. Tus cau dơ\ 2, dơ\ 3, dơ\ 4 tàm hìu nhă bal mìng pal tă ndrờm mờ 70%, 60% mờ 50%. Bơh cau dơ\ 5 mìng pal tă 40%. G^t là geh kuơ, mơya cau te\ khà càr Kon Tum đơs là, mờ 1 hìu lơh sa suơn sre geh 5 nă cau, rài kis mìng kơnờm tàm 1 bă sre den broă tă di pơgăp 2 tơlăk priă tàm 1 nam kờ` blơi sră kham sơm kòp ờ sa priă ală cau tàm hìu nhă in kung ờ di là khà priă ờ uă. Do kung là bơta tòm tai lơh mờr 1 rơbô 200 nă làng bol tàm càr Kon Tum tàm ală nhai bồ nam do ờ tus bal blơi sră kham sơm kòp is.

Ơ làng bol mờ cau te\ khà!

Tềng đăp mờ broă tăc sră kham sơm kòp is jăt hìu nhă mờ sră nggal gam uă kal ke, uă ir, ờ di pal, geh g^t gah sền gàr mpồl bơtiàn Việt Nam kung neh tơl^k kơrnoăt tơnjo\ ing tơngai lơh jăt broă tăc sră kham, sơm kòp ờ sa priă is jăt hìu nhă tus ngai 01/1/2016. Do là broă pal geh lơh mờ geh cau te\ khà càr Kon Tum kờ` bal. Cau te\ khà kơ\p kờ`, 1 broă lơh niam, dong kờl làng bol geh tus bal mờ ală broă kham, sơm kòp ờ sa priă geh khà niam, drơng bơta pràn kơl dang să jan làng bol in, kờ` tus mùl màl tàm rài kis pal lơh lơbơn niam mờ ndrờm bal.

Cau mblàng Ndong Brawl