VOV4.K’ho - Pơrjum dơ\ 2, Gơnoar ala măt dà lơgar kơnă 14 neh mùl màl mu\t pơrjum tàm càr lơgar Hà Nội. Mờ ală dơ\ tìp mờ cau te\ khà lài mờ pơrjum, cau te\ khà tàm Tây Nguyên neh đơs tus uă broă gơbàn ờ niam tàm lơgar, bè broă lơh sa mpồl bơtiàn, ring niam lơh sa dờng, khà priă tăc phan geh bơh broă lơh sa suơn sre, di pal broă kờ` bơsram mờ ai broă lơh oh kòn pa jơh bơsram in… Sền mờ iăt pơrjum Gơnoar ala măt dà lơgar geh pờ tơl^k tàm ală jơnau tơng^t, cau te\ khà ală càr Tây Nguyên kung tơl^k nùs nhơm kơ\p kờ` Gơnoar ala măt dà lơgar, Gơnoar atbồ lơgar geh ală broă lơh di pal mờ mùl màl rơlao kờ` tơnguh bơtàu lơh sa mpồl bơtiàn, tơnguh rài kis làng bol.

Pah ngai sền pơrjum dơ\ 2, Gơnoar ala măt dà lơgar bơh tàm ti vi, iăt tàm rađio, cau te\ khà Lê Khôi Nguyên, kis tàm sơnah [òn Tân Lập, [òn dờng Buôn Ma Thuột, càr Dak Lak pà g^t, ồng sền gròi ngan tus mờ broă lơh adăt boh lam. Jăt ồng yal, broă lơh ală sră nggal adăt boh lam pal kah tus bồ tơngoh kơlôi sơnơng, tàm hơ\ uă ngan là tơngai ngui adăt tơnơ\ mờ tu\ geh tơl^k, kờ` pleh mờ broă adăt tơl^k ờ di pal mờ broă lơh mùl màl ha là rơ\p tơl^k neh pal tam gơl. Ồng Lê Khôi Nguyên đơs: “A` sền gròi ngan tus mờ broă lơh sră nggal adăt boh lam, tài broă lơh sră nggal adăt boh lam là broă lơh tòm, là tơngu me kờ` đơng lam dà lơgar, sền gàr mpồl bơtiàn. Den tàng, ală adăt bu\ lah neh geh tơl^k kờ` làng bol in g^t, làng bol cri bơyai, mơya pal kah tus mờ bồ tơngoh kơlôi sơnơng, adăt boh lam hơ\ pal geh ngui tàm tơngai nđờ nam tơnơ\ mờ tu\ geh lơh wơl bơtơl tai”.

Jăt broă sền gròi jơnau yal bơh kuang gơs gơnăp gơnoar atbồ hờ đang rơlao jơh dà lơgar yal tềng đăp mờ Gơnoar ala măt dà lơgar dê bè broă tơnguh bơtàu lơh sa mpồl bơtiàn, cau te\ khà Vi Hoa Lư, kis tàm sơnah [òn Nghĩa Tân, [òn drà Gia Nghĩa, càr Dak Nông kơ\p kờ`: Gơnoar atbồ lơgar pal đơng lam tơnguh rơlao tai broă sền gàr brê, kờ` tơmù ală bơta ờ niam bơh tam gơl trồ tiah: “Ồng Nguyễn Xuân Phúc, Kuang gơs gơnăp gơnoar atbồ hờ đang rơlao jơh dà lơgar yal cồng nha tềng đăp mờ gơnoar ala măt dà lơgar tàm nam pa do dà lơgar gơbàn uă rềs àr bè trồ prang uă, gơmu\t dà hang, pal do den gơbàn dà tih dà cò tiah tàm gùl lơgar tai. Bu\ lah gơbàn uă kal ke bè hơ\, mơya Gơnoar atbồ lơgar neh lơh ngan đơng lam, jơnau đơs pal di pal mờ broă lơh. Mờ càr Dak Nông den kơ\p kờ` Gơnoar atbồ lơgar pal lơh ngan ba` gơbàn mus kơl chi brê, pal gàr niam brê. A` go\ tàm ală nam pa do, broă mus kơl chi brê gơbàn uă ngan. Nam 2016 den ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh geh đơng lam uă, ba` lời gơbàn sơgràm mờ lơh aniai brê”.

Den cau te\ khà Nguyễn Khắc Huệ, kuang atbồ cau ling yau sơnah [òn Lê Lợi, [òn dờng Kon Tum, càr Kon Tum đơs niam broă đơng lam bơh Gơnoar atbồ lơgar kơnă pa do, mờ tơl^k nùs nhơm kơ\p kờ` Gơnoar ala măt dà lơgar, Gơnoar atbồ lơgar geh broă dong kờl làng bol kòn cau tàm ală tiah kal ke kờ` tơnguh rài kis: “A` go\ Kuang gơs gơnăp gơnoar atbồ hờ đang rơlao jơh dà lơgar neh nền nòn ngan tàm broă tơnguh lơh sa. Bu\ lah tơnguh bơtàu lơh sa dờng gùt lơgar lơyài, mơya Gơnoar atbồ lơgar neh tus bal nền nòn. A` go\ do là 1 bơta tơngo\ chờ hờp ngan. Mơya, rài kis làng bol, tàm hơ\ uă ngan là làng bol kòn cau gam kal ke. Cau te\ khà bol a` kơ\p kờ` Gơnoar ala măt dà lơgar tàm broă sền gròi, đơng lam bơh Gơnoar atbồ lơgar dê den lơh bè lơi geh ală kơrnoăt broă lơh kờ` dong kờl làng bol kòn cau, tàm hơ\ uă ngan là ală tiah kal ke geh rài kis niam rơlao”.

Mờ ală broă mùl màl tàm tơl tiah dê, tàm ală dơ\ tìp mờ cau te\ khà lài mờ pơrjum dơ\ 2, Gơnoar ala măt dà lơgar kơnă 14, cau te\ khà kơnhoàl Cư\ Mgar, càr Dak Lak yal geh uă bơta ờ su\k ngan bè: uă gơl gùng sồ 14 lòt gan tàm càr do neh lơh gơbàn ờ niam tus mờ broă tơl^k dà, lơh gơbam dà pah tu\ mìu dờng. Broă tơm ntrờn ù tiah kờ` lơh gùng pleh tàm [òn drà Buôn Hồ ờ hềt di pal. Broă ai sră kham sơm kòp ờ sa priă ală hìu nhă geh sră dong kờl bơh dà lơgar gam lơyài. Ală hìu bơsram ờ kơl jăp, jơdu\ bơsram gam ờ tơl, tàm tu\ khà kơnòm bơsram tơnguh mhar. Mò Trần Thị Bạch Yến, cau te\ khà kis tàm ntum Cuôr Dăng, kơnhoàl Cư\ Mgar, càr Dak Lak dan: “Dan geh lơh sùm broă bơto bơtơl, ai tơl bơta niam ală kơnòm dềt tàm sơnam in geh lòt bơsram, tàm hơ\ uă ngan là ală kơnòm bơsram kòn cau, dà lơgar pal pơn jăt tai geh ală broă dong kờl tus ală oh in. Dơ\ 2 tai là sền gròi bơcri priă lơh hìu bơsram, jơdu\ bơsram, phan bơto mờ bơsram kờ` hòi jà ală oh lòt bơsram mờ geh tơl niam jăt mờ gùng dà, broă lơh bơh Đảng, dà lơgar dê bè broă tam gơl pa tơl ală bơta bè broă bơto bơtê mờ bơsram”.

Cau te\ khà kung dan broă lơh jăt kơrnoăt sồr bơh Kuang gơs gơnăp gơnoar atbồ hờ đang rơlao jơh dà lơgar bè broă sền gàr rơndeh lơ-òr hoài rơmo\k lòt tàm gùng, pal geh tơngai mờ broă lơh di pal, tàm hơ\ uă ngan là tus mờ làng bol kòn cau. Cau te\ khà Y Lý Niê, kis tàm ntum Ea Drơng, kơnhoàl Cư\ Mgar, càr Dak Lak dan: “A` dan pal geh tơngai loh làng bè broă sền gàr ală rơndeh do. Bơdìh hơ\ tai, broă lơh adăt pal geh sră bơto kờ` bơto ală cau măy rơndeh do in di pal mờ jơnau g^t wă bal làng bol kòn cau tàm càr do dê. Broă tai là priă bơto mờ bơsram gơtùi tơmù ờ uă ngan mờ ai mpồl cau pơgru tus bơto tơn tàm [òn. Di lah geh sră bơto di pal mờ khà  priă ờ kas den di gơlan geh uă làng bol tus bơsram kờ` geh sră măy rơndeh lơ-òr mờ g^t tus mờ broă lòt rê tàm gùng dờng bè lơi kờ` tơmù ờ uă ngan rềs àr tàm broă lòt tàm gùng”.

Cau cih mờ yal tơng^t Ndong Brawl