VOV4.K’ho - Broă tà` ồi là 1 broă lơh bơhiàn làng bol kòn cau Rơđê, Mnông dê… geh broă dong kờl, lam sồr bơh gơnoar atbồ bal mờ ală gah, mpồl lơh broă geh gơnoar, ală nam pa do, xã Ea Tul, kơnhoàl Cư\ Mgar, càr Dak Lak neh bơyai lơh pờ ală ơdu\ bơto broă tà` ồi bơhàn ai cau ùr kòn cau Rơđê in. Bơh tu\ hơ\, ờ mìng tơnguh wơl broă tà` ồi bơhiàn kòn cau dê mờ gam pơgồp bal tàm broă tơnguh rài kis làng bol tàm [òn lơgar.

Kis tàm [òn, den tàng bơh gam dềt, lo\ H’ Hương Niê, kis tàm [òn H’ Ding, xã Ea Tul, kơnhoàl Cư\ Mgar neh gơboh kờ` mờ rùp rài alau mò, ală mè tàm [òn ngai pah ngai nnggui tềng gah bơnơ\ tà` ồi, rồi ală che brài kờ` tà` gơs ală ào, ồi niam.

                                                       Lo\ H' Hương Niê gam bơto cau tà` ồi

Geh mò bơto tà` ồi, bal mờ jơnau g^t wă neh bơsram bơh hìu bơsram Cao đẳng broă lơh ơruh pơnu kòn cau Tây Nguyên bơto, tus tu\ do, lo\ H’ Hương Niê neh gơs cau tà` ồi kòn cau Rơđê dê chài ngan.

Mờ nùs nhơm gơboh kờ` mờ kơ\p kờ` geh prăp bơta niam chài ờs mờng kòn cau dê, lo\ H’ Hương Niê neh ai jơh bơta pràn bal mờ tơngai tàm broă lơh tà` ồi mờ rơhời lo\ neh gơs cau bơto broă tà` ồi do ai ală rơnàng kơnòm să in tai. Khuơ màng, lo\  neh crơng gơs mpồl lơh broă pơgồp bal ồi, ào geh tà` gơs Ea Tul, xã Ea Tul, kơnhoàl Cư\ Mgar dê:

-Bơhiàn tà` ồi do, a` go\ cau kra lài do g^t tà`, mơya rơnàng kơnòm să tu\ do ờ g^t den tàng a` neh kơlôi tus broă pal bơto tà` ồi ală rơnàng kơnòm să in kờ` tơnơ\ do, ală cau do geh prăp wơl jăt mờ tơngai. Bơh broă kơlôi bè hơ\ a` neh lòt bơto tàm uă tiah ai ală cauu tơl 18 sơnam rơlao hờ đang kờ` bơsram broă tà` ồi den mu\t bơsram, kờ` tơnơ\ do ờ gơbàn roh broă do.

Kung bè lo\ H’ Hương Niê, ală pang ồi, ồi mbơn, ồi mă kòn geh tà` gơs là ală phan ngui mờng gan pah ngai lo\ H’ Nuôl Niê, kis tàm [òn Brăh, xã Ea Tul, kơnhoàl Cư\ Mgar, mơya tus 30 sơnam hơ\ sồng lo\ H’ Nuôl g^t mờ broă tà` ồi kòn cau lo\ dê. Lo\ Nuôl yal, pah dơ\ sền go\ cau kra tàm [òn tà` ồi, sền ală gùng brài bơka niam tàm pang ồi, lo\ gơlơh chờ ngan mờ kơ\p kờ` geh tà` is ală pang ồi bè hơ\ sơl.

                               Lo\ H' Nuôl Niê, kis tàm [òn Brăh, xã Ea Tul, kơnhoàl Cư\ Mgar gam nggui tà` ồi

Tus nam 2015, tơnơ\ mờ tu\ neh tus bal bơsram ơdu\ tà` ồi geh xã Ea Tul bơyai loh, lo\ neh tà` is geh ală pang ồi, ào lo\ dê. Lài ngan, lo\ tà` gơs ală phan buơn ngan, bè kơl dung, rơhời chài den lo\ tà` gơs ală bơta kal kal ke rơlao, niam bơne\ rơlao bè ồi mbơn, ào, ồi tơ\... Ờ mìng tà` jăt nùs nhơm gơboh kờ` lo\ dê, broă tà` ồi gam dong kờl lo\ tus bal mờ mpồl lơh broă bal bơh tu\ hơ\ geh tai priă tàm rài kis hìu nhă.

-Rài kis làng bol tàm [òn kal ke ngan, lòt lơh broă tàm mìr mơya tu\ do geh tai broă tà` ồi kung neh tơmù kal ke. Bơtơl bal tàm broă lơh kơphe mờ tiêu. Tu\ do geh broă do tu\ trồ mìu kung gam geh tà`, di lah ờ trồ ngai lòt lơh broă, mang rê tà` kung geh priă đao sơl.

Bơh broă gơboh kờ`, jơnau kơ\p kờ` prăp gàr bơta kuơ bơhiàn, ală oh mi cau ùr tàm mpồl lơh broă bal tà` ìô Ea Tul neh tà` gơs bơh ồi tơ\, phan soh, kơl dung trao tus mờ ồi ma\ kòn… ờ mòng geh bơta niam mờ gam geh uă bơta bè phan lơh gơs, khà priă kung di pal, bơta kơl jăp uă, bơta niam, lơh niam di pal mờ cau ngui den tàng mhar ngan geh cau kờ` blơi.

Lo\ H’ Brưi Niê, kis tàm [òn Phơng, xã Ea Tul, kơnhoàl Cư\ Mgar là cau tàm mpồl tà` ồi pà g^t, bơh broă lơh mpồl lơh broă bal dê, ală oh mi cau ùr tàm mpồl wă bal, broă đềt mềr bal mờ broă tà` ồi ờ mìng tài kờ` lơh broă sa mờ gam là bơta tus bal, lơh ngan kờ` prăp gàr bơta niam chài rơgơi kòn cau dê bơh rơnàng lài do lời wơl.

-Tu\ do, gam uă cau kơnòm să kòn cau Rơđê ờ hềt sền gròi tus mờ broă tà` ồi, a` kơ\p kờ` ală bơyô geh tus bal bơsram kờ` g^t broă tà` ồi kờ` geh tơnguh rài kis hìu nhă kung bè prăp gàr broă tà` phan ờs mờng bơh mò pàng lời wơl.

Tơl bơta phan tà` gơs ờ mìng tơl^k bơta niam, bơta chài bơh mpàng tê cau ùr kòn cau Rơđê dê, mờ gam là broă lơh ngan prăp gàr ală bơta kuơ chài rơgơi ờs mờng kòn cau dê. Gơtùi go\, mờ nùs nhơm cha đơs, khin lơh bơh ală oh mi cau ùr kòn cau Rơđê tàm càr Dak Lak dê, broă tà` ồi ờs mờng làng bol kòn cau Rơđê geh prăp gàr, tơnguh bơtàu mờ ai geh broă lơh, ai geh priă tus mờ uă hìu nhă geh rài kis kal ke in.

Cau mblàng Ndong Brawl