VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc neh lơh broă mờ kuang đơng lam bồ 2, 3 bộ, gah broă lơh mờ ală mpồl lơh sa kă bro khà dùl lơgar Việt Nam dê tàm ală gah bơh rài lơh sa dê, ua\ ngan là mpồl lơh sa kă bro dùl nă să is, nàng iat kuang đơng lam bồ ală tập đoàn, tổng kong ti tă pơgồp jơnau bơceh pa, đơs ală jơnau ai tơlik pal tă bơsong nàng dong mpồl lơh sa kă bro sơr lèt gan kal ke tàm tơngai kòp Covid-19 gơbàn ua\. Thủ tướng đơs nền jơnau đơs, kòp bơ tờp lơh bol he kal ke ua\ rlau 2 dơ\ den bol he pal lơh ngan ua\ rlau 3 dơ\.

Tàm dơ\ lơh broă, jơh ală mpồl lơh sa kă bro dờng ala mat ai ală gah broă lơh bơh rài lơh sa dê in ndrờm geh Thủ tướng jà tă pơgồp jơnau đơs, geh bal gah lơh sa suơn sre, công nghệ cao, công nghệ thông tin, nhơl chờ, ù tiah hìu đam, ngân hàng, tac phan rah rài….

Jơnau kờ` pơyua loh làng ngan mờ ală mpồl lơh sa kă bro đơs tus hơ\ là bulah hoàc huơr tài bơh kòp Covid-19 mơya ală mpồl lơh sa kă bro ndrờm ai tơnggo\ bơta tam pà bal kal ke mờ Chính phủ, tu\ lơi kung kờ` at tê bal, lòt bal mờ Chính phủ tàm broă lam lơh jơnau kờ` dơ\ le\ bal, ờ mìng sơndră kòp geh cồng nha, mờ gam lơh geh ală jơnau kờ` bơtàu tơnguh lơh sa mpồl bơtìan tàm nam do. Să tờm ală mpồl lơh sa kă bro kung geh hòi jà kuang bàng, cau lơh broă lòt bal, tam pà bal kal ke mờ mpồl lơh sa kă bro.

Mò Nguyễn Thị Nga, Chủ tịch Tập đoàn BRG, là mpồl geh 22 rbô nă cau lơh broă pà git, bơh tu\ geh kòp, tập đoàn do neh hoàc huơr pơgap 100 tơmàn đông, mơya tập đoàn đal git là geh tam pà kal ke do mờ dà lơgar mờ pà git:

“Mùl màl tu\ do, ală mpồl lơh sa kă bro lơgar Việt Nam, cau Việt Nam ơm kis tàm lơgar ndai, ală mpồl lơh sa kă bro dunia ki ngàm ngan Chính phủ mờ dà lơgar Việt Nam bol he dê. Ua\ lơgar ơm rềp mờ pràn rlau mờ bol he, ală broă lơh kung ờ krà` bè bol he. Dan đơs jơnau kơlôi sơnơng là bol a` iang nùs ngan mờ lơh ngan bal mờ Chính phủ mờ ală bộ, mpồl, gah broă lơh nàng gàr sùm broă lơh sa mờ gàr sùm broă lơh ai cau lơh broă in nàng tu\ jơh kòp den bơtàu tơnguh pràn kơldang tai”.

Đơs nền tàm tơngai tu\ do, bơta pin dờn mpồl bơtìan là kuơmàng ngan, ồng Đỗ Minh Phú, Chủ tịch Tập đoàn Doji mờ là Chủ tịch Tienphongbank đơs là, Mpồl lơh sa kă bro mờ làng bol ndrờm pin dờn tàm nùs nhơm lơh ngan bơh Chính phủ dê tàm broă rơcang sơndră kòp bơ tờp mờ mblàng wơl jơnau đơs bơh Thủ tướng dê tus kuang bàng, cau lơh broă in.

Tàm gah nhơl chờ, ồng Nguyễn Quốc Kỳ, Kuang atbồ dờng Vietravel đơs là, tài kal ke, den tàng ală mpồl lơh sa kă bro nhơl chờ pal geh dờp ală broă dong kờl ai càn pria\. Ai gơ wèt mờ să tờm ală mpồl lơh sa kă bro nhơl chờ, ồng Nguyễn Quốc Kỳ đơs là:

“Bol a` kờ` đơs nền gơnoar broă bơh VCCI dê (hơ\ là Phòng Thuơng mại mờ Công nghiệp Việt Nam) mờ Hiệp hội mpồl lơh sa kă bro. VCCI ơm tềng lơi tàm tơngai do, do là mpồl lơh broă bơh mpồl lơh sa kă bro dê, den ai tơnggo\ te\ he bè mpồl lơh broă bơh mpồl lơh sa kă bro dê. Ai ală mpồl lơh sa kă bro nggui ndo geh gah rơndeh par, hìu nac, hìu ơm wơl, ngân hàng, `chi bơh tài bol he ờ ki\ hơ pơrgon bal mờ gơp, hơ tàm dong kờl bal mờ gơp nàng bal mờ gơp lơh gơlik bơta kuơ. Pria\ cồng lơh geh tơrgùm tàm dùl nă cau mờ cau hơ\ geh tam pà wơl ai jơh gùt mpồl in”.

Đơs tàm dơ\ lơh broă, Thủ tướng Nguyễn Xuân Phúc đơs niam ală mpồl lơh sa kă bro neh ai tơnggo\ nùs nhơm pràn kơldang lơgar Việt Nam dê, git bơsong kal ke, geh bơta pràn sơndră niam, ai tơlik dùl broă lơh tàm tơngai kal ke bè tu\ do. Thủ tướng pà git, Chính phủ geh cih dờp ua\ ngan rlau jơh nàng lơh sir broă lơh, lơh gơlik bơta [uơn rlau tai nàng mpồl lơh sa kă bro in bơtàu tơnguh. Tàm hơ\, Thủ tướng ring bal mờ ală mpồl lơh sa kă bro bè 3 jơnau sồr kuơmàng tàm tu\ do, hơ\ là lơh gơlik bơta niam ai bơtàu tơnguh in, gàr tơl niam rài kis mpồl bơtìan mờ sơndră kòp dùl bă gơ in niam. Thủ tướng đơs ngan, mờr 800 rbô mpồl lơh sa kă bro Việt Nam là ală anih rơcang sơndră kòp ai să tờm mpồl lơh sa kă bro mờ hìu bơnhă khi dê in. Bal mờ sơndră kòp là sơndră bơta gơmù, ngan là gàr niam broă lơh sa dờng.

Thủ tướng kung pà git, Chính phủ geh dùl broă lơh bal, mờ jơh ală broă lơh tơl làm, tơmù pria\ tă lơh broă ai mpồl lơh sa kă bro in, kờp bal tơmù pria\ dia, pria\ tă lơh broă, bảo hiểm, pria\ cồng ai càn, tơn jo\ tơngai tơm dồs, kuơmàng là ală mpồl lơh sa kă bro kong gơ rềng kơn jơ\ kơn jut bơh kòp dê. Jat mờ hơ\, Thủ tướng sồr ală bộ, gah broă lơh, mpồl lơh sa kă bro mờ ală tiah ndrờm pal geh bơta lơh ngan brồ guh, at tê bal lam lơh jơnau kờ` dơ\ le\ tàm nam do:

“Dùl nùs nhơm là kòp bơ tờp lơh bol he gơtìp kal ke ua\ rlau 2 dơ\ den bol he pal lơh ngan ua\ rlau 3 dơ\. Hơ\ là jơnau đơs chồl pràn bơtàu tơnguh bơh bol he dê. Să tờm ală mpồl lơh sa kă bro, cau bơcri pria\ geh chồl pràn broă lơh hơ\ mờ bồ tơngoh jak, nùs nhơm pràn kơldang he dê. A` chờ hờp ngan là ală mpồl lơh sa kă bro ờ moat jrùm mờ ndrờm geh broă lơh tàm tơngai kòp gơlik geh kal ke, tơnơ\ kòp den lơh bè lơi nàng bơtàu tơnguh. Bè hơ\ den tàng, tu\ kal ke do là tu\ niam nàng rơndap tap sèng wơl mpồl lơh sa kă bro, ngui broă đơng pơlam niam, lơh broă bal mờ tam pà bal. A` sồr ală mpồl lơh sa kă bro geh jơnau rơcang lài nàng gàr niam lơh broă sùm, ờ gơtìp aniai tàm khat dùl bơta gơlik geh lơi. Pal geh bơta chài ngui công nghệ nàng rơcang lài ai dơ\ tam dră pràn rlau, lam lơh sa Việt nam dê bơtàu tơnguh bơh ală tập đoàn, tổng kong ti, mpồl lơh sa kă bro”.

Cau mblàng K’Duẩn