VOV4.K’ho - Dờp bal jơnau bơto sồr bơh Bác Hồ dê “Nam pa là satềp tam chi, lơh dà lơgar sơlơ pa”, tàm càr Hải Dương geh bơyai lơh lam sồr satềp tam chi nam pa tàm tiah tềl kah yau dà lơgar Văn Miếu Mao Điền, do là tiah pơn jờng cau bơsram tiah Đông.

Đơs tàm dơ\ lam sồr, Chủ tịch Quốc hội mò Nguyễn Thị Kim Ngân đơs tòm, pal ai broă tam chi là broă lơh kuơ màng, pal geh lơh mờ lơh mhar, pơgồp bal mờ broă tơnguh bơtàu broă lơh [òn drà, ờ mìng ngai do, mờ ai jơh ală rài tơnơ\ do in tai.

Kah mờ lơh jăt jơnau bơto sồr bơh Bác Hồ dê, mờr 60 nam do, pah tu\ nam pa satềp tus, làng bol lơgar hen bơyai lơh ngai chờ “Satềp tam chi rài rài kah ưn ngài Bác Hồ”. Satềp tam chi neh gơs bơta niam chài rơgơi ờs mờng làng bol dê tàm ală ngai chờ satềp, wă rò nam pa mờ cèng geh ală cồng nha dờng màng, pơgồp bal niam tàm broă sền gàr tiah kis, tơnguh bơtàu kơl jăp [òn lơgar, dà lơgar.

CHủ tịch Quốc hội mò Nguyễn Thị Kim Ngân đơs là, tu\ do, broă gơbàn [ơ\ tàm tiah kis, tam gơl trồ tiah gùt dunia neh lơh gơbàn uă ngan tus rài kis bơh tơl nă làng bol. Tàm bơta dà lơgar he gam chồl pràn broă bơ\t bơtàu dà lơgar, broă sền gàr tiah kis geh kuơ màng ngan kờ` gàr niam ring bal tiah kis, geh sùm broă tơnguh bơtàu kơl jăp, sền gàr bơta niam rài kis làng bol in:

-He pal ai broă tam chi là broă lơh kuơ màng, pal geh lơh mờ lơh mhar, pơgồp bal mờ broă tơnguh bơtàu [òn drà, ờ mìng ngai do, mờ jơh ală rài tơnơ\ do. Dùl jơnau bơsram broă lơh mờng chài kuơ màng neh pà go\, tòm chi geh hòn gơs niam, tiah kis geh kloh niam, den hơ\ sồng kòn bơnus pràn kơl dang, tơnguh bơtàu tơl ală bơta, tơl pràn, ngăc ngar kờ` kơrian mờ rềs àr bơh trồ tiah, kòp tê jê să mờ lơh tòm khoa học kỹ thuật, di pal mờ broă lơh sa mờ măy mo\k pa kờ` bơ\t bơtàu dà lơgar.

Tàm ală nam do, bal mờ gùt lơgar, càr Hải Dương neh sùm lơh niam broă đơng lam mờ lơh jăt kơnòl tam chi, tam brê. Pah nam, gùt càr neh sơnka sền gàr rơlao 11 rơbô lồ brê; tam rơlao 1 tơlăk tòm chi, sơnka mờ sền gàr rơlao 22 rơbô lồ tòm chi sa plai; đơng lam uă tiah geh tòm chi sa plai geh lơh jăt VietGAP kờ` ai tus làng bol in ală phan sa kloh niam ờ do ờ dă, tơnguh bơta pràn să jan mờ sền gàr tiah kis.

Ala măt Đảng, Dà lơgar, mò Nguyễn Thị Kim Ngân neh dờp ală cồng nha mờ càr Hải Dương neh lơh geh tàm broă tam chi tơngai do. Tàm tơngai tus, mò Nguyễn Thị Kim Ngân sồr ală tiah, ală gah, mpồl lơh broă bơyai lơh geh cồng nha rơndăp broă satềp tam chi nam pa Mậu Tuất 2018:

-Tơnguh broă lam sồr, bơto bơtê bè bơta kờ` lơh, bơta kuơ bơh broă satềp tam chi, bè gơnoar, bơta gơkờ` kuơ màng, geh kuơ tơl ală bơta, jo\ jòng, bơta niam bơh broă tam chi, tam brê dê. Đơng lam, bơto sồr mờ lam sồr ală làng bol, ală mpồl lơh broă tus bal kờ` mùl màl gơs là ngai chờ gùt làng bol; mờ lam sồr ală kơnă, ală gah lơh broă bal mờ làng bol tus bal “Satềp tam chi rài rài kah ưn ngài Bác Hồ”.

Bơdìh hơ\ tai, pal lam sồr tơnguh jơnau g^t wă bơh ală làng bol in bè gơnoar, bơta gơkờ`, geh kuơ bơh brê, bơta kuơ bơh broă tam chi, tam brê, broă sền gàr brê, sền gàr tiah kis brê, pơgồp bal tàm broă lơh tơmù rềs àr bơh trồ tiah, sơndră mờ tam gơl trồ tiah.

Di tàm dơ\ do, mò Nguyễn Thị Kim Ngân neh hòi jà ală làng bol tus bal tam chi, ală cau tam chi, ală hìu tam chi; mờ tus bal tam brê, sền gàr brê, kơrian broă mùs kơl chi brê, chu brê, kơl chi brê ờ di mờ adăt boh lam. Pơgồp bal tàm broă tơnguh bơtàu lơh sa, tơn jơh jơgloh, tơmù rơ[ah, tơnguh rài kis, tơnguh bơta niam rài kis làng bol in, geh sền gàr tiah kis tu\ do in mờ ai jơh rài tơnơ\ do oh kòn in tai.

Cau cih mờ yal tơng^t Ndong Brawl