VOV4.K’ho - Dờp jơnau jà bơh Chủ tịch Quốc hội lơgar Thuỵ Điển ồng Urban Ahlin, Chủ tịch Quốc hội lơgar Hungary ồng Kover Laszlo mờ Chủ tịch Thượng viện lơgar Séc ồng Milan Stech, tàm poh lài, mpồl kuang bàng dờng màng Quốc hội lơgar Việt Nam geh Chủ tịch Quốc hội mò Nguyễn Thị Kim Ngân lam bồ neh tus còp mùl màl lơgar Thuỵ Điển, Hungary mờ lơgar Czech. Dơ\ tus còp do kờ` tơnguh rơlao tai broă lơh g^t gơ\p, lơh bơyô bal, lơh broă bal ờs mờng bơh lơgar he mờ ală lơgar dê; chồl pràn Quốc hội 3 lơgar kờ` bal k^ mùl màl Hiệp định kă bro khăt gơboh bơh lơgar Việt Nam mờ mpồl tam klăc châu Âu (EU) (EVFTA). Di tàm dơ\ do, ală he sền wơl broă lơh bal, g^t gơ\p, lơh bơyô bal mờ lơgar Thuỵ Điển, Hungary mờ Czech, mờ sền wơl bè bơta kuơ màng bơh dơ\ tus còp Chủ tịch Quốc hội mò Nguyễn Thị Kim Ngân dê tus mờ 3 lơgar do.

Tàm dơ\ tus còp sơnrờp ngan tus ală lơgar tàm châu Âu tàm gơnoar là Chủ tịch Quốc hội, Chủ tịch Quốc hội mò Nguyễn Thị Kim Ngân neh rơwah lơgar Thuỵ Điển là lơgar tus còp lài ngan.

Lơgar Thuỵ Điển là lơgar phương Tây sơnrờp ngan dờp mờ crơng gơs broă lơh bal mờ lơgar Việt Nam tàm nam 1969.

Lơgar Thuỵ Điển là lơgar dong kờl priă ODA uă dơ\ 2 ai lơgar Việt Nam in tàm ală nam 1980. Hìu sơnơm Nhi, hìu sơnơm Uông Bí là rùp rài tơl^k cồng nha mờ kơl jăp bè nùs nhơm tam klăc bal lơgar Thuỵ Điển ai lơgar Việt Nam in.

Tus tu\ do, broă lơh bal tàm broă lơh sa, kă bro, bơcri priă bơh 2 lơgar sùm pơn jăt tai tơnguh mờ khà geh nam 2016 rơlao 1 tơmàn 200 tơlăk đôlar Mỹ. Uă Tập đoàn lơh sa dờng bơh lơgar Thuỵ Điển neh gờ` tus tàm lơgar Việt Nam bè Ericsson, ABB, IKEA, Electrolux…

Tơnơ\ mờ lơgar Thuỵ Điển, Chủ tịch Quốc hội mò Nguyễn Thị Kim Ngân bal mờ mpồl kuang bàng dờng màng Quốc hội lơgar Việt Nam neh tus lơgar Hungary. Tàm broă sền gàr mờ bơ\t bơtàu dà lơgar, lơgar Việt Nam neh dờp uă broă kờ` bal mờ dong kờl kuơ màng bơh dà lơgar bal mờ làng bol lơgar Hungary dê. Neh geh g^t nđờ rơbô nă kuang bàng, kỹ sư lơgar Việt Nam geh bơto tàm lơgar Hungary mờ uă cau gam lơh kuang bàng đơng lam tàm Dà lơgar.

Broă lơh bal broă lơh sa, kă bro, bơcri priă bơh 2 lơgar gam tơnguh bơtàu mờ geh cồng nha. Khà 2 đah lơh sa bal nam 2016 geh 200 tơlăk đôlar Mỹ. Lơgar Hungary neh dong kờl lơgar Việt Nam lơh hìu sơnơm Ung Bướu Cần Thơ, do là broă lơh ai tơl^k bơta niam bơne\ ngan tàm broă lơh bal bơh 2 lơgar dê tàm uă nam do.

Ală gah broă bơh 2 lơgar lơh broă bal, bơcri priă bè bơta chài rơgơi, nhơl chờ, bơto bơtê mờ bơsram, lơh sơnơm, khoa học, tiah kis, sùm geh lơh sùm mờ tơnguh bơtàu. 2 lơgar sùm bơyai ală poh chài rơgơi Việt Nam mờ Hungary kờ` tơguh broă g^t wă bal.

Lơgar Czech là lơgar du\t ndơl bơh Chủ tịch Quốc hội mò Nguyễn Thị Kim Ngân bal mờ mpồl kuang bàng dờng màng Quốc hội lơgar Việt Nam dê tus còp. Lơgar Czech là lơgar đah măt tơngai l^k châu Âu sơnrờp ngan ai priă ODA lơgar Việt Nam in. Khà kă bro 2 đah nam 2016 geh 249 tơlăk đôlar Mỹ.

Mờ mpồl cau lơgar Việt Nam kis tàm lơgar Czech, Chính phủ lơgar Czech neh tơl^k kơrnoăt dờp mpồl cau lơgar Việt Nam là jơi bơtiàn kòn cau lơgar do dê. Do là kơrnoăt geh kuơ màng ngan, ai tơl^k bơta niam cau lơgar Việt Nam kis tàm lơgar Czech in ring bal mờ ală jơi bơtiàn kòn cau ndai gam kis tàm ù tiah lơgar Czech, geh bơcri priă, geh prăp gàr bơta chài rơgơi, geh jơnau đơs mờ akhar cih kòn cau dê.

Ală cồng nha neh geh tàm broă lơh bal bơh lơgar Việt Nam mờ lơgar Thuỵ Điển, Hungary mờ Czech tàm uă 10 nam do pà go\, dơ\ tus còp bơh Chủ tịch Quốc hội mò Nguyễn Thị Kim Ngân bal mờ mpồl kuang bàng dờng màng Quốc hội lơgar Việt Nam geh pơn jăt tai geh sùm mờ tơnguh rơlao tai broă lơh g^t gơ\p, lơh bơyô bal, lơh broă bal ờs mờng; tơnguh broă lơh bal bơh Quốc hội lơgar he mờ anih lơh broă adăt boh lam bơh ală lơgar dê; tơnguh broă tòm bal boh ală kuang bàng Quốc hội mờ mpồl cau lơgar Việt Nam gam kis mờ lơh broă tàm 3 lơgar do; sền gròi kờ` g^t cồng nha broă lơh bơh anih lơh broă ala măt broă lơh bal tàm 3 lơgar do. Dơ\ tus còp do kung geh chồl pràn Quốc hội 3 lơgar kờ` bal broă k^ mùl màl Hiệp định kă bro khăt gơboh lơgar Việt Nam mờ mpồl tam klăc châu Âu dê.

Cau cih mờ yal tơng^t Ndong Brawl