VOV4.K’ho - Mut lơh jat thông tư sồ 37 bơh Gah lơh sơnơm dà lơgar, kờp bơh ngai 1/3/2016, ala\ hìu sơnơm dà lơgar tàm gùt lơgar geh broa\ lơh rơndap wơl  tơngguh khà pria\ 30% bơh 1.887 broa\ lơh ngui phan bơna kham sơm kòp mờ pria\ sơnơm. Broa\ rơndap wơl khà pria\ dơ\ do geh dong ala\ hìu sơnơm geh pria\,  rhời geh broa\ lơh drơng  gơtùi is pria\ jền, pơnjờng làng bol  blơi sra\ kham sơm kòp ờ sa pria\ nàng  kham sơm kòp pràn kơldang sa\ ja` slơ ngai slơ niam rlau.

            Tàm hìu sơnơm dờng [òn dờng Buôn Ma Thuột, càr Daklak, ua\ ngan làng bol ndrờm geh git jơnau bè tơngguh khà pria\ ngui ma\y mok phan  kham sơm kòp mờ  pria\ sơnơm lài hơ\, den  tàng neh ờ gơ lơh nisơna tu\ tus kham sơm kòp. Broa\ lơh kham sơm kòp kung geh lơh buơn boài. Khà cau kòp tus gam gam sùm tàm bơta bơh 800 tus 1 rbô na\ cau dùl ngai. Ồng Lê Bốn kis tàm [òn 9, ntum Hoà Thắng, [òn dờng Buôn  Ma Thuột ai git:“A` kung neh git khà pria\ geh ngui phan ma\y mok  kham kòp mờ pria\ sơnơm geh tơngguh bơh ngai 1/3. Mơya ờ sền sơnơng nền nòn rlau, ờ git  la nđờ.  Gơya tu\ lòt kham mờ  sra\ kham sơm kòp ờ sa pria\ (Dà Yuan la Bảo hiểm y tế) den go\ pria\ gơguh  kung ờ ua\ ir. Bè a` gơbàn kòp gơguh mhàm, pria\ sơnơm kung ờ gơguh ua\ rlau  sơl”.

            Bulah ua\ ngan làng bol geh kờ` bal broa\  ngui pria\ mut hìu sơnơm pa,  mơya kung geh ờ ua\ jơnau gam ờ suk. Khi  geh đơs la,  tàm tu\ geh ngui ua\ ngan broa\ lơh ma\y mok kham kòp geh tơngguh pria\ pah ngai, den tu\ do broa\ tơnguh pria\ mut  hìu sơnơm geh la  bơta kơnjơ\ ngan tus hìu nha\, ngan la cau ờ geh sra\ kham sơm kòp ờ sa pria\. Mò Nguyễn Thị Lệ kis tàm [òn 3, Bình Hoà, ntum Hoà Thuận, [òn dờng Buôn Ma Thuột đơs:“Tu\ pria\ kham sơm kòp mờ pria\ sơnơm  gơguh den cau lơh broa\ sa pal kong  aniai. A` kung kơp kờ` gơguh pria\ kung êt  sơl, tài bơh ờ geh tơl den cau hơ\ sồng blơi  sra\ kham  sơm kòp ờ sa pria\.”

            Tơnơ\ dờp geh thông tư sồ 37 nam 2015 bơh Gah lơh sơnơm dà lơgar mờ Gah pria\ jền dà lơgar geh  cih  rơndap wơl pria\ kham sơm kòp mờ sra\ kham sơm kòp ờ sa pria\ bơh ala\ hìu sơnơm  drờm bal tàm gùt lơgar, Hìu sơnơm [òn dờng Buôn Ma Thuột neh bơyai lơh ai pơrjum pơlam tus jơh mờ cau kuang, cau atbồ, cau lơh broa\ tàm hìu sơnơm nàng geh loh tơnggu me bơh thông tư. Mơ kung geh crơng gơs mpồl ngui khà pria\ geh mut lơh mo tàm ala\ ngai bồ thông tư geh ngui ngan ngồn. Bác sỹ chuyên khoa I, Lại Quang Miễn kuang jat jơng atbồ Hìu sơnơm dờng [òn dờng Buôn Ma Thuột, ai git: “Bơh tu\ geh mut ngui thông tư sồ 37, bol a` kung  gơtìp geh ua\ ngan gơ kòl yan. Lài jơh la, bol a`  neh sền sơnơng mờ git ngan tơngguh me bơh thông tư. Tơnơ\ hơ\, a` geh crơng gơs mpồl khà pria\ nàng geh ngui pria\ bơh tàm thông tư do tàm ala\  broa\ ngui phan ma\y mok kham kòp mờ pria\ sơnơm mờ broa\ kham sơm kòp mờ sra\ kham sơm kòp ờ  sa pria\ den tàng tu\ mut ngui den geh ngui niam”.

            Tềng anih cih mat dan kham kòp, ta\ pria\  bic hìu sơnơm, hìu sơnơm neh ai tai cau lơh broa\ nàng geh  dong mblàng, pơlam nền nòn làng bol in bè thông tư sồ 37, lir sra\ jơh ala\ sơnđan bơh ngui ma\y mok kham kòp geh tơngguh pria\ tềng ala\ anih gal cau buơn sền, bè anih  dan cih mat kham kòp, tềng ala\  cơldu\ kham kòp mờ tàm ala\ gah sơm kòp piam kòp tàm hìu sơnơm.

            Tu\ do neh geh 1.887 broa\ lơh gah lơh sơnơm geh rơndap tơngguh khà pria\ mờ khà pria\ tơnguh la 30%. Cau geh ngui la cau geh sra\ kham sơm kòp ờ sa pria\. Jat kờp du\, khà gơ lin bơh pria\ cau kòp geh sra\ kham sơm kòp ờ sa pria\ pal jàu pria\  ờ gơguh ir mờ lài do. Bulah bè hơ\, khà pria\ tơm pria\ gơ krơi is,  cau kòp geh  pal ta\ khà pria\ krơi is.

            Jat atbồ Hìu sơnơm dờng {òn dờng Buôn Ma Thuột, tàm dơ\ tơngguh pria\ kham sơm kòp dơ\ do geh kờ` làng bol geh blơi sra\ kham sơm kòp ờ sa pria\. Dilah geh sra\ do, bulah pria\ bic hìu sơnơm gơguh den làng bol kung ờ gơbàn aniai ua\, mìng mờ cau ờ geh sra\ kham sơm kòp ờ sa pria\ den geh pal kong kơnjơ\.

            Bác sỹ chuyên khoa I, Lại Quang Miễn kuang jat jơng atbồ hìu sơnơm dờng Buôn Ma Thuột ai git tai: “Pe nhai dùl dơ\, bol a` geh crơng gơs mpồl lùp sền bơta di  kơp kờ` bơh cau kòp. Cồng nha bơh 3 nhai bồ nam 2016 geh tus 97%. Geh dùl thông tư lơi lơh geh, dilah mpồl git nền nòn,  geh mut lơh di pal den bơta  đơs lah bơh cau kòp geh gơmù ua\ ngan”.

            Jat thông tư sồ 37, pria\ ngui ma\y mok phan sơm kòơ gơguh drờm bal mờ broa\ hìu sơnơm lơi geh gal cau kòp geh sra\ kham sơm kòp ờ sa pria\, hìu sơnơm hơ\ geh tơngguh tai pria\ geh. Bơh hơ\,  geh tai pria\ jền nàng geh blơi  tai ma\y mok kham  sơm kòp pa  rlau, sơnơm  niam rlau, kung bè bơcri tàm bơto bơtê, bơtàu tơngguh git wa\ tus cau kuang lơh sơnơm nàng cèng geh ala\ broa\ lơh drơng ơla kham sơm kòp niam rlau. Den tàng, tơngai tus,  Hìu sơnơm [òn dờng Buôn Ma Thuột geh  bơcri tai bè cau lơh broa\, phan bơna mờ phan ma\y mok ngui tàm broa\ gơ hòi cau kòp tus kham sơm kòp tàm hìu sơnơm.

            Jat broa\ lơh bơh Gah lơh sơnơm dà lơgar, tus nhai 7 nam 2016, pria\ bic hìu sơnơm geh pơnjat tai gơguh pơndrờm mờ lài. Bè jo\ jòng, broa\ tơngguh pria\ kham sơm kòp, sơnơm geh ngui tus tơl na\ cau. Den tàng, làng bol kờ` pal  blơi  sra\ kham sơm kòp ờ sa pria\ nàng gàr niam gơnoar kuơ tàm kham sơm kòp, pleh ala\ bơta pơhìn ờ geh tơl pria\ tơm tu\ gơbàn kòp kơnjơ\.

                   Cau cih mờ yal tơnggit K’ Brọp