VOV4.K’ho- Mờ jơnau kờñ ờ gŏ di lời dùl nă cau lơi ờ geh phan sa tềp, bơh uă priă jền dong kờl krơi is, tàm dơ̆ sa tềp bơhiàn dà lơgar Ñâm Zần 2022, Liên đoàn Lơh broă càr Dăk Lăk lời 1 tơmàn 200 tơlak đong nàng blơi phan sa tềp ai cau lơh broă tàm tiah do in.

Pà phan sa tềp ai cau lơh broă in tàm kơnhoàl Ea Kar, càr Dăk Lăk

Jăt mờ hơ̆, Liên đoàn Lơh broă càr Dăk Lăk neh hòi jà tă pơgồp ală priă jền mờ tă priă jền bơh mpồl dê nàng jàu 3 rbô 500 kơldung Ờdo ờdă rài kis kông đoàn in mờ 500 bơnah phan sa tềp ai đoàn viên, cau lơh broă in. Kờp jơh priă là 1 tơmàn 200 tơlak đong. Bơdìh hơ̆ tai, ală kâp kông đoàn tàm càr gam bơyai lơh ală broă lơh lòt còp, pà phan, pơndờm pơnđiang mờ nting bơr sa tềp đoàn viên, cau lơh broă geh rài kis kal ke, gơtìp kòp kơn jơ̆ mờ gơtìp rềs àr lơh broă halà gơtìp gơrềng tài bơh kòp Kovid-19.

Cau mblàng Lơ Mu K’Yến