VOV4.K’ho - Là 1 hìu sơnơm kham mờ sơm kòp tàm broă lơh sơnơm ling klàng dê. Hìu sơnơm ling klàng bal mờ làng bol pơgồp bal gơwèt gah đơng lam ling klàng càr Dak Nông mìng lơh kơnòl sền gàr bơta pràn kơl dang să jan, kham sơm kòp kuang bàng, cau ling mpồl đơng lam ling klàng càr in. bơdìh hơ\ tai, ală y bác sĩ ling klàng tàm do gam jơh nùs tàm broă lơh sơnơm ală tiah tàm càr Dak Nông dê bơh uă broă kham, sơm kòp làng bol tàm do in, mìng tàm [òn drà Gia Nghĩa. Mờ broă tus bal lơh broă bơh hìu sơnơm dê, cồng nha kham, sơm kòp tàm hìu sơnơm [òn drà Gia Nghĩa dê geh tơnguh niam loh làng ngan.

Dùl tàm ală cau geh sơm kòp di tu\ bơh sơnrờp tàm hìu sơnơm ling klàng bal mờ làng bol, gơwèt mpồl đơng lam ling klàng càr Dak Nông là Binh nhì Đoàn Văn Hoà, gơwèt Trung đội 4, Đại đội 9, Tiểu đoàn 301. Bi Hoà gơbàn gơdàr leh tơnơ\ mờ dơ\ rơwah lòt ling pa bồ nam do. Tài mìng kơlôi là jê ndul bè ờs den tàng bi ờ yal mờ gơnoar atbồ. Mờ broă bơyai lơh tàp ling sơlơ ngai sơlơ uă, den tàng tơnơ\ mờ hơ\, broă kòp tê jê să bơh bi Đoàn Văn Hoà gơbàn jroă rơlao. Tu\ geh cèng tus hìu sơnơm ling klàng bal mờ làng bol, kòp bơh bi Đoàn Văn Hoà geh sền di mờ ai tơl^k broă sơm kòp di pal. Tơnơ\ mờ 2 poh sơm kòp, broă kòp tê jê să bi dê neh mờr bời. Bi Đoàn Văn Hoà pà g^t:

- Tàm broă lơh, tài jê ir den tàng mpồl ling neh cèng tus hìu sơnơm kờ` ală y bác sĩ tàm do sơm kòp, tàm 2 poh pa do, a` geh ală y bác sĩ sền gàr niam, den tàng bơta pràn kơl dang să jan a` dê neh niam, kung lơh ngan hùc sơnơm tơl, kờ` mhar rê lơh broă bal mờ mpồl ling. Tu\ pa go\ gơbàn kòp, den ală y bác sĩ kung neh jơh nùs tơrgùm sơm kòp, kham, sơm kòp sùm mờ sền gròi kờ` kòp ba` gơbàn tai.

Bal mờ kuang bàng, cau ling tàm mpồl đơng lam ling klàng càr Dak Nông, gam geh uă làng bol kis tàm thị xã Gia Nghĩa tus kham, sơm kòp tàm hìu sơnơm do. Mò Hà Thị Xuất, kis tàm [òn Dak Rmoan, xã Dak Rmoan, thị xã Gia Nghĩa là 1 tàm ală cau kòp mờng tus ngan tàm hìu sơnơm do dê, mò sùm tus kham, sơm ală bơta kòp cau kra dê bè jê bu\t, jê bồ, jê ngòr ngkời. Mò Hà Thị Xuất pà g^t, mờ rài kis kal ke, den geh sơm kòp tàm do là 1 bơta bơtoah ngan. Mò Hà Thị Xuất pà g^t tai:

- A` tus tàm do neh uă dơ\ ngan, geh gơbàn kòp den a` tus tàm do sơm là bời jơh, geh ngai, kòn a` gơbàn kòp tus sơm tàm hìu sơnơm do geh bác sĩ kham kung tơmù priă ơm piam kòp, tài mè, bèp neh sơbì is jo\ ngan, tu\ do kis mờ a` neh mờr 10 nam do. Uă dơ\ a` kham kòp tàm hìu sơnơm ndai ờ bời, den tàng a` tus tàm do kham, den geh ală bác sĩ tàm do jơh nùs kham, hơ\ sồng hùc sơnơm den bời.

Kờ` tơnguh bơta niam kham, sơm kòp, hìu sơnơm ling klàng bal mờ làng bol lơh bal tàm thị xã Gia Nghĩa neh geh bơcri priă blơi tai uă phan lơh broă, măy mo\k pa, geh 1 nơm rơndeh sơnơm niam, 1 nơm măy sinh hoá tự động, 1 nơm măy sền kờ` g^t mhàm, 1 nơm măy điện tim, 1 nơm mă X quang, 1 nơm măy laser, 20 nơm jơnờng piam kòp cau kòp in geh lơh mờ inox, 20 nơm tùh tềng bồ jơnờng, mờ kòp jơh khà priă di pơgăp 5 tơmàn priă. Den tàng, bu lah mìng geh 10 nă cau lơh broă, tàm hơ\ geh bal ală y bác sĩ bal mờ đều dưỡng, mơya hìu sơnơm do sùm lơh gơs kơnòl geh jào, kham, sơm kòp bơh 30 tus 50 nă cau kòp in pah ngai. Trung uý, Bác sĩ Ngô Quang Lịch, lơh broă tàm hìu sơnơm do pà g^t:

- Hìu sơnơm do geh ală bơta krơi is mờ ală hìu sơnơm ndai tàm bơdìh, hơ\ là sơm kòp dong kờl làng bol tàm do, tàm tiah gùt dar thị xã bal mờ ală kơnhoàl tiah ngài tàm càr. Broă kham mờ sơm kòp den ờ sa priă mờ geh kham, sơm kòp gời làng bol in, priă sơnơm kung geh sa mờ khà priă ờ uă ngan làng bol in jăt gùng dà broă lơh “Dong kờl làng bol là broă lơh tòm ngan”.

Broă lơh niam jăk chài, ală y bác sĩ lơh broă tàm hìu sơnơm ling klàng bal mờ làng bol lơh bal gơwèt gah đơng lam ling klàng càr Dak Nông di pal ngan mờ jơnau sơnđan cau ling wa Hồ dê tu\ neh sơm kòp uă ngan kuang bàng, cau ling pa bal mờ làng bol in.

Cau cih mờ yal tơng^t Ndong Brawl