VOV4.K’ho - Tàm tiah nhàr lơgar đah tô Tây Nguyên,  bal mờ bơta gơ gơs bơh ala\ Kong ti, mpồl lơh sa bơh Binh đoàn 15 dong rài kis , lơh sa tềng tiah  nhàr lơgar bơtàu tơngguh, bơta  lơh gơlik geh bơh ala\ broa\ lơh Hìu sơnơm  ling klàng làng bol geh lơh bal di tàm Binh đoàn gam bơtàu tơngguh cồng nha loh ngan tàm broa\ sền gàr pràn sa\ ja`, kham sơm kòp làng bol in.

            Lo\ Lê Thị Nhung bơh Thanh Hóa tus ơm kis lơh broa\ sa tàm xã Mang Mrai, kơnhòal Sa Thầy, càr Kon Tum tus tu\ do neh mờr 10 nam. Tàm ù tiah tiah nhàr lơgar  ngài do, bơta kham sơm kòp, sền gàr pràn sa\ ja` gơbàn bàn ua\ ngan kal ke. Den tàng, mờr jơt nam do,  hìu nha\ lo\ Nhung pin dờ` ngan tàm Hìu sơnơm ling klàng làng bol lơh bal bơh Kong ti 78, Binh đoàn 15. Jat lo\,  mpồl y bác sĩ bơh hìu sơnơm lơh broa\ jơh nùs ngan mờ ala\ ma\y mok geh  mờr tơl jơh nàng drơng broa\ lơh kham sơm kòp bơh làng bol. Lo\ Lê Thị Nhung đơs:

            Pah dơ\ oh kòn hala ùr bơklau jê sa\ den drờm geh tus tềng do, bác sĩ kham, ai sơnơm hùc. Dilah kơnjơ\ den 2-3 ngai la bời, bác sĩ  ai rê, dilah nggờc den bác sĩ geh ai sồr piam bơh drim  jơl mho la rê. A` go\ ala\ bác sĩ lơh broa\ jơh nú sngan mờ niam ngan. Bác sĩ lơi kung sền gàr, lùp lap  cau kòp jơh nùs ngan.  Pria\ den he geh ngui jat bảo hiểm den tàng ờ  roh pria\.

            Mờ làng bol kòn cau [òn lơgar den tàm tiah nhàr lơgar Mang Mrai, bơta tus bơh  cau ling lơh sa bơh Binh đoàn 15  mờ lơh gơs hìu sơnơm, hìu sơnơm ling klàng làng bol lơh bal neh dong làng bol bơtàu tơngguh rài kis, sang bơhìan ờ niam. Pah dơ\ gơbàn kòp jê, làng bol ờ gam lơh yàng tai, mờ ơla tàm hơ\, làng bol geh tus hờ hìu sơnơm nàng kham mờ dờp sơnơm rê hùc jat pơlam bơh bác sĩ. Den tàng ngan, bơta pràn sa\ ja` bơh làng bol geh bơtàu tơngguh niam. Geh hìu sơnơm, geh bảo hiểm y tế, làng bol kung ờ hoan roh pria\ kham sơm kòp tai. Lài do, pah dơ\ kòp tê jê sa\ kơnjơ\, làng bol pal lòt git nđờ jơt kơi sồ tus rhiang kơi sồ gùng brê tus hờ tam gùl kơnhòal hala tus hờ càr, pria\ jơh ua\ ngan mờ gơ gơs la broa\ kơnjơ\ ngan tus mờ làng bol. Ồng A Dói kòn cau Rơ Mâm, atbồ [òn Ler, xã Mang Mrai, kơnhòal Sa Thầy, càr Kon Tum yal: ‘’Cau ling Binh đoàn 15 tus hờ do,  dong làng bol hi ua\ ngan. Cau ling geh dong làng bol lơh sa phan bơna,  bơtàu tơngguh rài kis hơ\ sồng dong làng bol kham sơm kòp. Kơnờm bơh hơ\ mờ làng bol neh ờ hoan kal ke  tai’’.

            Thượng úy Vũ Thị Minh Hiếu, atbồ hìu sơnơm ling klàng làng bol lơh bal bơh Kong ti 78 ai git, lo\ neh bal mờ ua\ làng bol neh geh 17 nam lơh broa\ đềt mềr mờ gah lơh sơnơm tàm tiah nhàr lơgar Mang Mrai. Tàm bè hơ\ tơngai, tơl nàng lo\ Hiếu bal mờ ala\ cau lơh broa\ bal wa\ loh ngan  bơta bòl glar kal ke bơh làng bol kis tàm tiah nhàr lơgar, ngan la lơh sơnơm kham sơm kòp. Den tàng, bulah lơh broa\ ngài hìu, rài kis kal ke, lo\ Hiếu neh bal mờ cau lơh broa\ bal drờm lơh ngan jơh pràn nàng kham sơm kòp làng bol bal mờ cau kuang, cau ling di Kong ti, Binh đoàn, Thượng úy Vũ  Thị Minh Hiếu ai git:

            Tàm do, oh mi bol a` tàm mpồl drờm la cau bơh đah tô dà lơgar lơm.  Tu\ neh mut tàm Mang Mrai den bol a` kung gơ lơh tam git bal, tam pà bal mờ làng bol tàm tiah do. Bơh bơta tam pà hơ\, go\ làng bol bòl glar ir den oh mi bol a` ờ cau lơi đơs mờ cau lơi, sa\ tờm he bơsram is, lơh ngan  lơh broa\, lơh ngan nàng lơh gơs broa\ geh  bơh hơđang jàu mờ geh làng bol pin dờ`. Bơh tu\ tơngai lơh broa\ tàm do neh 17 sơnam den sa\ tờm a` kung bè oh mi tàm mpồl den  geh lơh ngan lơh broa\ he dê.

            Thiếu tướng Đặng Anh Dũng, at bồ Binh đoàn 15 ai git, tàm tiah  nhàr lơgar kal ke, làng bol lài jơh pal hờm ram, bơtàu tơngguh lơh sa. Bal mờ hơ\, lơh sơnơm mờ bơto bơtê bơsram la 2 bơta kờ` ngan. Jơh 3 bơta do, drờm geh Binh đoàn lam sồr mut lơh sùm tàm 30 nam do bơh tu\ crơng gơs. Bơh bơta bơcri di tơl mờ bơta lơh broa\ jơh nùs, tus tu\ do, broa\ lơh Hìu sơnơm ling klàng làng bol lơh bal neh gơ gơs la dùl  tàm bơta pơnỳơ sa\ ngan bơh Binh đoàn tu\ geh lơh di broa\ lơh kờ` kham sơm kòp bơh làng bol tàm tiah nhàr lơgar. Thiếu tướng Đặng Anh Dũng đơs  tờm:

            Bol a` pơnyờ sa\ ngan, ròt lơh sơnơm bơh Binh đoàn bơh hờ Binh đoàn tus hờ mpồl lơh sa drờm geh ròt lơh sơnơm nàng kham sơm kòp, sền gàr pràn sa\ ja`, phàt sơnơm mờ sơndra\ gơbàn kòp suh mo bơh sơnrờp. Gơtùi đơs, dilah ờ geh Hìu sơnơm ling klàng làng bol lơh bal bơh Binh đoàn tàm Kong ti 78 den  geh ờ lơh thàn mo broa\ kơryan kòp suh jê ndul gơ jroh. Tu\ mờ git kòp den hơđang Binh đoàn lam sồr ala\ mpồl geh kơryan kòp mo bơh sơnrờp, ba` lời gơ geh gơ tờp ơnàng.

                            Cau cih mờ yal tơnggit K’ Brọp