VOV4.K’ho - tơngai sơm kòp ờ jo\, mhar bời, ờ hoan gơbàn ờ niam, ờ hoan gơbàn mồr, ờ hoan gơbàn đềr pròc mờ cèng bơta niam tus mờ cau kòp in là ală bơta niam bơh broă reh nội soi dê. Den tàng, tu\ lơh jăt, khà cau kờ` reh nội soi sơlơ ngai sơlơ tơnguh.

Geh reh nội soi kờ` koh kơl dung plai măt tàm hìu sơnơm càr Dak Lak, lo\ Phan Thị Thu, kis tàm [òn 4, ntum Ea Rbin, kơnhoàl Mdrăk pà g^t: “Tu\ ờ hềt reh den a` jê ngan, jê jơh tàm gùt dar bu\t. Tơnơ\ mờ tu\ siêu âm, den bác sĩ đơs là a` gơbàn gơklăc lu\ tàm plai măt, den tàng pal koh sơbì. Tơnơ\ mờ tu\ reh 3 ngai, den a` go\ să jan pràn niam, neh lòt rê bè ờs wơl”.

Đơs bè ală bơta niam bơh broă reh nội soi dê, bác sĩ Phạm Quang Tĩnh, kuang jăt jơng atbồ gah sơnơm bơdìh să, hìu sơnơm càr Dak Lak pà g^t: “Reh nội soi cèng wơl uă bơta kuơ cau kòp in. Lài ngan là bè bơta niam, den niam rơlao mờ reh bè ờs. Dơ\ 2, geh ờ uă cau gơbàn sồt tàm dơlam ndul, tu\ reh nội soi geh lơh [uơn rơlao, lơh jơh rơlao. Dơ\ 3, broă sền go\ loh tàm reh nội soi geh dong kờl cau reh gơtùi sền mờ bơsong ală bơta niam rơlao”.

Hìu sơnơm càr Dak Lak là hìu sơnơm sơnrờp ngan tàm càr Dak Lak dê geh ngui phan reh nội soi do tàm broă sơm kòp. Lài do, tài mpồl cau lơh sơnơm gam ờ g^t ngui măy mo\k, phan lơh broă gam ờ tơl, den tàng reh nội soi mìng geh lơh mờ ală cau geh kòp bè: jê pròc du\t, koh kơl dung plai măt… tàm ală nam pa do, kơnờm mờ broă neh blơi măy mo\k pa, bal mờ mpồl cau lơh sơnơm sùm geh bơto bơtê broă lơh, reh nội soi neh geh ngui tus mờ ală bơta kòp tàm dơlam să, bơdìh să, cau geh bun mờ kơnòm dềt bè: kòp tồr, muh, rơnồng dờ, ding tă nhơm, klung, pròc ràm; gùng dà đồm; nùs, gùng mhàm; geh tu\ reh ală cau gơbàn kòp kal ke bè: koh as tiền liệt tuyến, reh nội soi tă gơklăc lu\... Bơta do, dong kờl cau kòp geh dờp ală broă lơh gah lơh sơnơm pa, tềm pềr priă mờ tơmù gal ir cau hìu sơnơm dờng in. Bác sĩ Phạm Quang Tĩnh pà g^t tai: “Reh nội soi pal geh tơngai bơsram jo\ rơlao mờ reh bè ờs. Mờ tơl bơta kòp, pah nam, ală bác sĩ tàm do geh ai lòt bơsram, lơh broă tàm ală hìu sơnơm dờng tàm Huế, Hà Nội mờ [òn dờng Hồ Chí Minh kờ` tơnguh bơta ngăc ngar tàm broă lơh”.

Nam 2016, rơndăp broă AP dong kờl, hìu sơnơm càr Dak Lak neh blơi tai 7 nơm măy nội soi. Do ndrờm là ală măy pa mờ phan lơh broă loh làng, ai geh lơh broă nền nòn, di pal uă rơlao tàm broă reh nội soi dê. Tu\ do, pah nhai, hìu sơnơm càr Dak Lak reh nội soi mờr 130 nă cau in. Tàm 6 nhai bồ nam do, hìu sơnơm neh reh nội soi 737 nă cau, ndrờm geh cồng nha niam, ờ gơbàn geh bơta lơi tơnơ\ mờ tu\ reh.

Mờ ală cồng nha neh geh, broă reh nội soi tàm hìu sơnơm càr Dak Lak sơlơ ngai sơlơ tơngo\ geh bơta niam ờ do ờ dă, geh cồng nha mờ mùl màl geh cèng wơl bơta kuơ cau kòp in.

                    Cau cih mờ yal tơng^t Ndong Brawl