VOV4.K’ho - Uă làng bol tàm [òn Giang Lố 2, xã Sa Loong, kơnhoàl Ngọc Hồi, càr Kontum neh geh tu\ đòm jat ală bol tàu dră, jat  yàng Hà Mòn, sang broă lơh sa, hìu đam, suơn sre lơh rài kis gơbàn kal ke uă ngan. Mơya tu\ do kơnờm bơta lơh broă bal bơh ròt mpồl gùng dră bal ală kơnă, ngan là bơta jơh nùs bơh Công ty 732, Binh đoàn 15 làng bol neh sang yàng Hà Mòn mờ rài kis neh ngap lơngai, hờm ram wơl:

Xã tiah nhàr dà lơgar Sa Loong, kơnhoàl Ngọc Hồi, càr Kontum gam tàm tơngai pic kơphe mờ còr bơ sơt kau su, làng bol tàm do cau lơi kung ờ ru ngan mờ broă suơn mìr. Nam do, khà priă kơphe, kau su ndrờm gơguh jơnhua den tàng làng bol chờ hờp ngan. Sền làng bol tryăng trỳông lơh broă sa, làng bol ngap lơngai, hờm ram, cau chờ hờp ngan rlau jơh là ồng A Sem, kra [òn Giang Lố 2. Ồng pà git, nđờ nam lài, mờr gùl khà cau tàm [òn neh đòm jat bol ờ niam, jat yàng ờ ngan Hà Mòn, sang broă lơh sa, sang suơn, sang mìr. Geh tu\, rlau 100 nă cau mìng git hòi dan jat ală jơnau bơto bơtê tàu dră, uă cau gam mut tàm brê nàng pleh cau tờm. Rài kis tàm [òn gơbàn tung lơtang jơh. Mờ pal roh uă tu\ tơngai, dà kơl hề bơh mpồl lơh broă geh gơnoar mờ ală cau geh bơngă pin dờn, cau git wă tàm [òn tus bal lam sồr, mblàng yal, làng bol hơ\ sồng git kai bol ờ niam dê. Ồng A Sem đơs: “ Làng bol tàm [òn lài do [uơn ngan đòm, jat yàng Hà Mòn. Mơya tu\ do, geh mpồl 10, ling sền gàr tiah nhàr dà lơgar, kuang bàng xã, [òn mblàng yal, bơto bơtê den làng bol neh git, tu\ do neh sang jơh, ờ gam cau lơi jat yàng Hà Mòn tai. Tu\ do làng bol tơr gùm kơlôi rơcang lơh sa, lơh sre, kơphe, kau su.”

Trung uý Hoàng Thanh Bình, atbồ mpồl lơh broă sồ 10, Công ty 732, Binh đoàn 15 pà git, ờ mìng làng bol, uă công nhân bơh mpồl dê kung neh geh tu\ đòm mờ jat yàng Hà Mòn. Làng bol, công nhân đòm mờ jat yàng Hà Mòn dùl bă bu ba ngan, mờ jơnau ală bol tàu dră đơs là mìng hòi dan den ờ duh lơh broă kung tơl sa, kung geh rài kis hờm ram. Trung uý Hoàng Thanh Bình pà git: “ Yàng Hà Mòn geh bơh nam 2005. Broă lam sồr làng bol sang yàng do kung gơtìp uă ngan kal ke, tài git wă làng bol dê gam huan uă, khi gơtìp bơ chòt. Bol tàu dră sơmờm ală broă lơh kòn cau pơn dờm, pơn jồ làng bol jat yàng Hà Mòn kờ` lơh aniai ală broă lơh bơh gơnoar atbồ tàm [òn lơgar dê.”

Kờ` dong làng bol, công nhân tàm xã Sa Loong sang yàng ờ ngan Hà Mòn, jơh mpồl lơh broă gùng dră bal bơh càr tus kơnhoàl, xã mờ ală mpồl lơh broă geh gơnoar neh pal lòt lam sồr, mblàng yal. Tàm hơ\, mpồl tờm ngan là ală mpồl lơh broă bơh Công ty 732, Binh đoàn 15. Do là ală mpồl lơh broă, sàu sa, ơm tơn mờ làng bol. Trung uý Hoàng Thanh Bình pà git, mut lơh kơnòl geh jàu, mpồl lam sồr, mblàng yal ờ mìng mờ jơnau đơs mờ gam mờ ală broă lơh ngan ngồn. Gùng lòt kal ke lơh phan bơna kal ke tac mờ pal tac mờ khà priă lơyah ngan, rài kis kal ke den tàng làng bol [uơn ngan đòm jat ală jơnau pơn dờm. Kờ` tam gơl bơta do, Công ty neh dong làng bol lơh gùng bê tông nàng lòt rê, broă tac phan geh [uơn rlau. Halà broă công ty mut lơh gùng che đèng tàm [òn nàng làng bol geh đèng ngui tàm rài kis, broă lơh sa. Bè hơ\, mờ ală broă lơh ngan ngồn neh dong làng bol tơmù dimơ kal ke mờ hời rơ hời sang ală bơta pin dờn ờ ngan tàm yàng Hà Mòn.

Tus tu\ do, làng bol tàm [òn Giang Lố 2 neh sang yàng ờ ngan Hà Mòn, là bơta mờ uă [òn tàm Tây Nguyên ờ hềt gơtùi lơh. Do là jai pha tàm broă lam sồr làng bol bơh ală cau ling wa Hồ mờ ròt mpồl lơh broă gùng dră bal tàm xã nhàr dà lơgar Sa Loong.

          Cau cih mờ yal tơnggit K’Duẩn