VOV4.K’ho - Mang Mrai là xã tiah nhàr dà lơgar uă kal ke bơh kơnhoàl Sa Thầy, càr Kontum dê. Tàm tu\ hìu sơnơm xã gam uă siơu\ siar, bơta dong kờl bơh ală hìu sơ nơm ling klàng làng bol lơh bal bơh Binh đoàn 15 pờ neh ngan ngồn brồ guh cồng nha, drơng jơnau kờ` kham sơm kòp làng bol dê:

Bi ùr Lê Thị Nhung, bơh Thanh Hoá mut lơh broă tàm [òn ơruh pơnu lơh broă, xã Mang Mrai, kơnhoàl Sa Thầy, càr Kontum tus tu\ do neh mờr 10 nam. Tàm ù tiah nhàr dà lơgar do, bơta kham sơm kòp, sền gròi pràn kơldang să jan gơtìp uă ngan kal ke. Den tàng, mờr 10 nam do, hìu nhă bi ùr Nhung pin dờn tàm hìu sơnơm ling klàng làng bol lơh bal bơh Công ty 78. Jat bi ùr, mpồl y bác sĩ bơh hìu sơnơm dê jơh nùs ngan bal mờ ală bơta phan bơna, mai\ mok tơl làm nàng drơng jơnau kờ` kham sơm kòp làng bol dê. Bi ùr Lê Thị Nhung đơs: “Pah tu\ oh kòn halà ùr klau a` kòp jê den ndrờm tus ndo, bác sĩ kham, pà sơ nơm nàng hùc. Dilah kơn jơ\ den bơh 2 tus 3 ngai là bời, bác sĩ ai rê, dilah nggờc den bác sĩ sồr ơm wơl bơh àng drim tus mho. A` go\ y bác sĩ tàm do nhap nhar mờ niam ngan. Bác sĩ lơi kung sền gròi, lùp lap jơh nùs. Priă jền den a` geh sră bảo hiểm den tàng ờ roh priă.”

Gơwèt mờ làng bol kòn cau tàm tiah nhàr lơgar Mang Mrai, bơta geh mat bơh mpồl ling lơh sa bơh Binh đoàn 15 dê mờ bơta crơng gơs bơh hìu sơnơm xã, hìu sơnơm ling klàng làng bol neh dong làng bol bơtàu tơnguh rài kis, sang bơhìan bơr ngơl gơla. Pah tu\ kòp jê, làng bol ờ duh khoai tai, mờ lòt tus hìu sơnơm nàng kham mờ dờp sơnơm pà nàng hùc jat jơnau pơlam bác sĩ dê. Den tàng, pràn kơldang să jan làng bol dê neh geh tam gơl uă ngan. Geh hìu sơnơm, geh bảo hiểm y tế, làng bol kung tơmù dimơ ală bơnah priă kham sơm kòp. Lài do, pah tu\ kòp jê jroă pal lòt tus git nđờ jơt, geh tu\ git nđờ rhiang kơi sồ gùng brê nàng tus kơnhoàl halà càr, priă jền kas ngan mờ gơs bơta kơn jơ\ làng bol in. Ồng A Dói, kòn cau Rơ Mâm, atbồ [òn Ler, xã Mang Mrai, kơnhoàl Sa Thầy, càr Kontum đơs: “Mpồl ling Binh đoàn 15 tus ndo dong làng bol uă ngan. Cau ling dong làng bol lơh sa, bơtàu tơnguh rài kis hơ\ sồng dong làng bol kham sơm kòp. Kơ nờm bơh hơ\ mờ làng bol tơmù dimơ kal ke.”

Thượng uý Vũ Thị Minh Hiếu, atbồ hìu sơnơm ling klàng làng bol lơh bal Công ty 78 pà git, bi ùr bal mờ uă cau lơh broă bal neh geh 17 nam lơh broă mờ gah lơh sơnơm tàm xã nhàr lơgar Mang Mrai. Kàr hơ\ tu\ tơngai, tơl nàng bi ùr Hiếu bal mờ ală cau lơh broă bal git kal ke làng bol tàm tiah nhàr dà lơgar dê, ngan là bè lơh sơnơm, kham sơm kòp. Den tàng, bulah lơh broă ngài hìu nhă, rài kis kal ke, bi ùr Hiếu mờ ală cau lơh broă bal ndrờm lơh ngan jơh pràn nàng kham sơm kòp làng bol in bal mờ kuang bàng, cau ling di Công ty, Binh đoàn. Thượng uý Vũ Thị Minh Hiếu đơs: “Tàm do, oh mi bol a` tàm mpồl ndrờm bơh tiah đah tô dà lơgar tus. Tu\ neh tus tàm Mang Mrai den bol a` kung dùl nùs bal, tam pà kal ke mờ làng bol tiah do. Bơh bơta tam pà hơ\, go\ làng bol bòl glar kal ke den oh mi bol a` ờ cau lơi đơs, git is bơsram, pơlam tàp is nàng lơh ngan lơh jơh kơ nòl geh jàu mờ geh làng bol pin dờn. Bơh tơngai lơh broă tàm do neh 17 nam den să tờm a` kung bè oh mi tàm mpồl jơh nùs ngan mờ broă lơh.”

Thiếu tướng Đặng Anh Dũng, đơng lam bồ Binh đoàn 15 pà git, tàm tiah nhàr dà lơgar kal ke, làng bol lài ngan kờ` bơta hờm ram, bơtàu tơnguh lơh sa. Bal mờ hơ\, lơh sơnơm mờ bơto bơsram là 2 bơta kuơ màng. Jơh 3 bơta do ndrờm geh Binh đoàn đơng lam mut lơh sùm tàm rlau 30 nam bơh tu\ crơng gơs. Mờ bơta bơcri tơl niam bal mờ bơta jơh nùs, tus tu\ do, broă lơh hìu sơnơm ling klàng làng bol lơh bal gơs là dùl tàm ală bơta pơn ìơ să bơh Binh đoàn dê tu\ drơng niam jơnau kờ` kham sơm kòp làng bol tàm tiah nhàr dà lơgar. Thiếu tướng Đặng Anh Dũng đơs: “Bol a` pơn ìơ să ngan, bơh Binh đoàn tus tàm mpồl lơh sa ndrờm geh ròt hfiu sơ nơm sền gròi pràn kơldang să jan, kham sơm kòp, pà sơ nơm mờ rơcang sơndră kòp bơh sơn rờp. Bè pa do, dilah ờ geh hìu sơ nơm ling klàng làng bol lơh bal bơh Binh đoàn tàm Công ty 78 den ờ gơtùi kơryan kòp jê ndul gơlik geh tàm kàl rlô bơkang pa do. Bol a` pơn ìơ să ngan tu\ git go\ den Binh đoàn neh đơng lam mpồl kơryan mơ kòp, ờ lời kòp bơ tờp uă mờ lời wơl jơnau ờ niam.”

Làng bol bal mờ cau ling kờ` gơboh! Kờ` wă loh rơlao tai bè hìu sơnơm ling klàng mờ làng bol pơgồp bal Binh đoàn 15, cau ai tơng^t jơnau đơs neh lùp Đại tá Nguyễn Thăng Thanh, Bí thư Đảng uỷ, Phó kuang atbồ Công ty 78, Binh đoàn 15. Công ty 78 là 1 tàm ală mpồl lơh sa ngài ngan Binh đoàn 15 dê, geh lơh tàm xã Mang Mơ Rai, kơnhoàl Sa Thầy, càr Kon Tum. Ală nam do, broă lơh hìu sơnơm ling klàng mờ làng bol lơh pơgồp bal bơh mpồl lơh broă do dê geh cồng nha ngan.

- Ơ Đại tá, pa do tàm dơ\ prang jo\ tàm kàl prang, mpồl ling do neh pơgồp bal kuơ màng ngan tàm broă kơrian kòp tàm xã Mang Mơ Rai, kơnhoàl Sa Thầy, càr Kon Tum dê. Atbồ Binh đoàn kung đơs niam bơta do. Đại tá gơtùi đơs loh rơlao tai bè broă lơh do bơh mpồl ling dê?

Đại tá Nguyễn Thăng Thanh: Tu\ kàl prang gơbàn tàm xã do den làng bol hùc dà ờ tơl kloh, den tàng gơbàn kòp jê ndul gơjroh. Ală cau lơh sơnơm neh jơh nùs bal tàm broă kơrian kòp, geh jơnau đơs niam bơh làng bol tàm xã bal mờ ală anih lơh broă geh gơnoar gah lơh sơnơm dê kung đơs niam broă lơh hìu sơnơm ling klàng mờ làng bol dê. Geh cồng nha ngan, di tu\ ngan, di lah ờ, kòp gơtòp uă den lơh kal ke ờ gơtùi kơrian. Mơya ală oh mi lơh broă tàm do geh kơnòl, di tu\ sồr hùc sơnơm, hơ\ sồng c^t srồm, dong kờl làng bol tàm xã kơrian kòp niam ngan. Mờ ai ală bơta sơnơm sơndră mờ kòp, bè sơnơm Cloramin B, hơ\ sồng lam sồr làng bol sào sa, hùc dà mờ ơm kis kloh niam. Tài, tu\ dà mbòr soăt den [ơ\ ngan, làng bol tus bơ\ cèng ngui den gơbàn kòp. Tu\ hơ\, công ty bal mờ broă đơng lam bơh kơnă hờ đang ai ală phan geh kờ` dong kờl làng bol, ală rơndeh tec lòt bơ\ dà sàng kloh niam bơh tàm ală tơlung dà cèng tus, tuh dà tàm sơtèk dờng hơ\ sồng làng bol tus bơ\ kờ` cèng rê ngui sa. Pal đơs là, di tu\ ngan, di lah ờ gam rơlao 3 nhai tai trồ prang, dà dờng, dà croh mờr soăt jơh, làng bol ờ geh dà ngui sa. Dà mờ công ty cèng tus ai làng bol in den geh pơgồp bal kuơ màng kờ` làng bol in geh dà ngui sa niam.

- Bơh tàm dơ\ sơndră mờ kòp do, Cộng ty neh tơl^k ală broă bơsram broă mờng chài lơi tàm broă đơng lam sền gàr bơta pràn kơl dang să jan, kham sơm kòp làng bol in, ơ Đại tá?

Đại tá Nguyễn Thăng Thanh: Bơh tơngu me do den bol a` geh tơl^k broă mờng chài là sơndră rơlao mờ tam dră. Den tàng pal lam sồr di tu\ làng bol in pal ngui sa dà sàng kloh niam. Tài bơta tòm bơh broă tàm do là làng bol ngui sa dà ờ kloh niam, ờ tơl kloh niam den pal lơh bè lơi geh dà sàng kloh niam, tơl kloh niam kờ` geh ngui sa. Dơ\ 2, pơs wàs kloh niam hìu đam, hơ\ sồng tơrgùm sìô siă chu, den sơmăc, rơhài kung ờ hoan geh. Dơ\ 3, tu\ gơbàn kòp den pal di tu\ yal anih lơh broă geh gơnoar kơnă hờ đang in bal mờ gơnoar atbồ xã, bè hìu sơnơm kơnhoàl, hơ\ sồng mpồl lơh broă yal atbồ hìu sơnơm ling klàng Binh đoàn bal mờ ală anih lơh broă geh gơnoar kờ` pơgồp bal gơsơ\t kòp.

 - Bơh tàm ală broă lơh mpồl ling dê, broă lơh mpồl hìu sơnơm ling klàng làng bol lơh broă geh làng bol pin dờn bè lơi, ơ Đại tá?

Đại tá Nguyễn Thăng Thanh: Broă tòm, tu\ geh kòp den làng bol tus tàm do. Tàm xã kung geh hìu sơnơm xã, mơya làng bol ờ hoab tus tàm hìu sơnơm hơ\ rơlao. Pal đơs là công ty pal tă uă ngan priă nàng lơh. 1 là tă priă lơh hìu sơnơm ling klàng làng bol, 2 là tă priă blơi phan lơh broă. Bơdìh hơ\ tai, geh gơnoar hờ đang ai den công ty kung pal tă 1 khà priă kờ` blơi phan drơng broă lơh. Tàm hơ\, tàm do geh rơndeh sơnơm geh ngui kờ` drơng làng bol in. Rơndeh do geh lòt sùm tài làng bol tus tàm do, ală cau deh kòn gơbàn kal ke, ală cau gơbàn rềs àr tu\ tus tàm do den geh ai rơndeh do pơn diang.

- Kờ` drơng broă kham, sơm kòp niam rơlao tàm tơngai tus, mpồl ling geh sền gròi bè lơi tus mờ broă tơnguh bơta ngăc ngar mpồl cau lơh sơnơm tàm hìu sơnơm in ơ Đại tá?

Đại tá Nguyễn Thăng Thanh: Tơnguh bơta ngăc ngar tàm broă lơh den bơdìh mờ broă tơnguh nùs nhơm bơsram is, lơh is, mpồl do kung ai tơl bơta niam kờ` ală oh mi lòt bơsram tai bè broă lơh kờ` tơnguh bơta ngăc ngar, di pal mờ broă kờ` kơnòl broă lơh. Bơsram tai tàm Hìu bơsram Đại học y tàm Huế, hơ\ sồng ờ uă hìu sơnơm, ờ uă hìu bơsram kờ` bơsram ờ jo\ tơngai, jo\ tơngai, tơnguh tai bơta pràn, bơta ngăc ngar tàm broă lơh. Pal đơs là, oh mi tàm do geh kơnòl uă ngan tàm broă lơh, bal mờ bơta pràm tàm broă lơh niam, den pah ngai ndrờm geh cau kòp. Mờ kung tài bè hơ\ kung là bơta niam kờ` tơnguh niam bơta ngăc ngar.

- Ơi, dan ưn ngài Đại tá!

                                                                Cau cih mờ yal tơnggit K’Duẩn - Ndong Brawl