VOV4.K’ho - Tàm broă kham sơm kòp làng bol tiah nhàr dà lơgar in, ală hìu sơnơm ling klàng làng bol bơh mpồl ling sền gàr tiah nhàr dà lơgar càr Daklak dê ngai sơlơ ai go\ bơngă kuơ màng, tơnguh loh làng cồng nha kham sơm kòp tàm [òn lơgar. Bal mờ hơ\, mờ uă broă lơh niam, ală cau lơh sơnơm ling klàng bơh mpồl ling sền gàr tiah nhàr dà lơgar càr Daklak dê gam pơgồp bơnah lơh rùp să cau ling wa Hồ gơ gơs niam bơne\ mờ rềp mềl rlau tàm nùs nhơm làng bol tiah nhàr dà lơgar:

Hìu sơnơm ling klàng làng bol bơh mpồl ling sền gàr tiah nhàr dà lơgar càr Daklak dê tàm [òn Drăng Phôk, xã tiah nhàr dà lơgar Krông Na, kơnhoàl Buôn Đôn, càr Daklak geh rơcang tơl phan bơna lơh sơnơm pa ngan, drơng jơnau kờ` kham sơm kòp bơh sơn rờp làng bol tàm [òn in. Kờp bal pah nam, bơdìh mờ sền gròi pràn kơldang să jan ai kuang bàng, cau ling in, hìu sơnơm gam sơm kòp, pà sơnơm ờ sa priă ai rlau 1 rbô 500 dơ\ cau kòp in. Ồng Y Klung H’đơk, ơm tàm [òn Drăng Phôk, xã Krông Na pa bời kòp tơnơ\ 5 ngai geh sơm ờ sa priă tàm hìu sơnơm ling klàng làng bol bơh mpồl ling sền gàr tiah nhàr dà lơga chờ hờp pà git: “Đơs bal kham sơm kòp ờ duh pal lòt ngài tai, tu\ do broă kham sơm kòp làng bol in neh niam ngan, nùs nhơm bơh ling klàng mờ làng bol dê ringbal, ơm bal, sa bal mờ làng bol, kuơ màng là ling klàng làng bol lơh sơnơm gơwèt mờ làng bol niam ngan, làng bol ưn ngài ngan.”

Lơh broă mờr 3 nam, hìu sơnơm ling klàng làng bol tàm xã tiah nhàr dà lơgar Ia R’vê, kơnhoàl Ea Súp, kung neh mut lơh geh cồng nha broă kham sơm kòp, sền gròi pràn kơldang să jan bơh sơn rờp ai ling klàng mờ làng bol in. Bal mờ hơ\, kuang bàng, cau ling lơh sơnơm neh pơgồp bal mờ mpồl lơh sơnơm tàm [òn lơgar mut lơh niam broă rơcang sơndră kòp, bè cit sơnơm rơcang sơndră kòp, [ồm sơnơm, trăm kơmùng bic tàm dà sơnơm nàng rơcang sơndră ală bơta kòp bơ tờp, ngan là kòp sốt rét tàm ală tơngai tam gơl kàl… Mò Nông Thị Cầu, ơm tàm [òn 5, xã Ia R’vê, kơnhoàl Ea Súp pà git: Làng bol tàm ală [òn 2, 3 mờ 8 bơh xã Ia R’vê dê lài do pah tu\ gơtìp kòp jê pal lòt mờr 50 kơi sồ tus hờ tiah tờm kơnhoàl dê nàng kham sơm kòp, bòl glar ngan, tu\ do geh hìu sơnơm ling klàng làng bol bơh mpồl ling sền gàr tiah nhàr dà lơgar dê, mò neh ờ huan kơlôi tai. Mò đơs: “Geh bơta sền gròi bơh mpồl ling sền gàr tiah nhàr dà lơgar dê, geh hìu sơnơm tềng do, geh bác sĩ tềng do, kuơ màng geh cau lơh sơnơm den bol a` iang nùs ngan lơh broă lơh sa”.

5 nam do, Ban Quân y bơh mpồl ling sền gàr tiah nhàr dà lơgar càr Daklak dê pơgồp bal mờ ală pôs ling sền gàr tiah nhàr dà lơgar mờ ală hìu sơnơm ling klàng làng bol lơh bal tàm tiah nhàr dà lơgar bơyai lơh kham, pơlam sền gròi pràn kơldang să jan, pà sơnơm ờ sa priă git nđờ jơt rbô dơ\ cau in, dong sơm kòp bơh sơn rờp 584 dơ\ cau in. Bal mờ hơ\, ală pôs ling sền gàr tiah nhàr dà lơgar gam chồl pràn broă mblàng yal, bơto bơtê sền gròi pràn kơldang să jan tàm [òn lơgar bè broă gàr kloh niam rơcang sơndră kòp sốt rét, kòp HIV/AIDS, ờ do ờ dă kloh niam phan sa, broă deh dùh di kơrhia tàm hìu nhă. Jat Thượng tá Âu Chiến Thắng, kuang atbồ Ban Quân y bơh mpồl ling sền gàr tiah nhàr dà lơgar càr Daklak, bulah lơh geh ờ uă cồng nha kuơ màng, mơya broă sền gròi pràn kơldang să jan làng bol tàm tiah nhàr dà lơgar in kung gam uă kal ke pal sơmbat tê bal lơh ngan rlau, ngan là bơcri priă bơt bơtàu phan bơna, drơng jơnau kờ` bè sơnơm sơm kòp làng bol in. Thượng tá Âu Chiến Thắng pà git: “Kơp kờ` là tơngai tus do, geh uă bơta nàng lơh broă pràn rlau tai kờ` sền gròi làng bol in. Ală kơnă, ală gah broă lơh lơh broă bal nàng dong làng bol sền gàr niam pràn kơldang să jan. Geh să jan pràn kơldang nàng pơnjat tai ơm bal, bơt bơtàu [òn lơgar tiah nhàr dà lơgar, bơt bơtàu hìu nhă hờm ram, chờ hờp, gơboh gơbài.” 

                  Cau cih mờ yal tơnggit K’Duẩn