VOV4.K’ho- Tàm tơngai 5 nam bơh nam 2013- 2019, lơgar Việt Nam neh geh uă broă lơh ngan tàm broă lơh jăt Công ước dunia bè sang jơh ală broă lơh tam cah ờ rờm bal jơi bơtiàn (Công ước CERD), tàm hơ\ neh lam lơh uă gùng dà broă lơh hơ pơrgon, lơh geh gơnoar ring bal bơh cau jơi bơtiàn kòn cau dê tàm jơh ală bơta bơh rài kis mpồl bơtiàn dê. Cồng nha lơh geh tàm broă do neh geh đơs nền jơnau đơs, gùng dà broă lơh ờ tu\ lơi tam gơl, sùm sùm bơh Đảng, Dà lơgar he dê mờ bơta jơh nùs, lơh ngan bơh ală kấp, ală gah dê, kuơmàng là Ủy ban Jơi bơtiàn Kòn cau.

Nàng gi\t loh làng rlau tai ală cồng nha lơh geh tơnơ\ 5 nam lam lơh jăt Công ước CERD, cau lơh báo Anih Jơnau đơs Việt Nam neh geh dơ\ lùp ồng Hà Việt Quân, Kuang ătbồ Vụ Lơh broă bal Dunia, Ủy ban Jơi bơtiàn kòn cau.

Niam să ồng Hà Việt Quân, ưn ngài ngan ồng neh tus bal dơ\ lùp bơh bol a` dê! Ơ ồng! Dan ồng đơs bè cồng nha 5 nam lơh jăt Công ước Dunia bè sang jơh ală broă lơh tam cah ờ rờm bal jơi bơtiàn tàm Việt Nam tơngai bơh nam 2013- 2019?

Ồng Hà Việt Quân: Nhai 8 pa do, Thủ tướng neh ki\ ring bal jơnau yal broă lơh jăt Công ước. Dilah đơs tềl kah tàm 5 nam pa do, den dờp sền geh ală cồng nha lơh geh bè lơh jăt Công ước do tàm broă lam lơh jăt. Ală tơngume bơh Công ước dê neh geh lơh jăt loh làng bơh broă lam lơh jăt gùng dà broă lơh. Bơnah dơ\ 2 là sơlơ tơnguh tai bơta gi\t wa\, sền dờng màng mờ tam pà bal bơta krơi is bè jơi bơtiàn kung bè là bơta niam chài, lơh jăt geh cồng nha tàm broă lơh jăt ală broă lơh dơ\ lơh chờ bơh ală mpồl bơtiàn jơi bơtiàn kòn cau krơi is dê, pơgồp bal ală broă lơh tam pà bal, pơn jờng, prăp gàr mờ ngui niam ală bơta kuơ niam chài jơi bơtiàn bơh ală mpồl jơi bơtiàn kòn cau dê tàm ală broă lơh loh làng bơh tiah he dê.

Pa do ngan rlau jơh là tàm Rơndăp broă lơh bơtàu tơnguh jơh ală bơta lơh sa- mpồl bơtiàn tiah làng bol jơi bơtiàn kòn cau mờ tiah kơh bơnơm tơngai bơh nam 2021- 2030 neh geh is dùl rơndăp broă lơh bè bơto yal, prăp gàr ală bơta kuơ niam chài bơh làng bol jơi bơtiàn kòn cau dê. Dan ồng đơs loh làng rlau tai bè tơngume do, dilah ờ?      

Ồng Hà Việt Quân: Tàm Rơndăp broă lơh bơtàu tơnguh jơh ală bơta lơh sa- mpồl bơtiàn tiah làng bol jơi bơtiàn kòn cau mờ tiah kơh bơnơm tơngai bơh nam 2021- 2030 kung lời is dùl rơndăp broă lơh nàng tơrgùm broă mblàng yal bơto yal kung bè prăp gàr, sền gàr ală bơta kuơ niam chài krơi is bơh làng bol jơi bơtiàn kòn cau dê gơ jăt bal mờ bơtàu tơnguh nhơl chờ, kung bè đơs nền gơnoar bơh làng bol jơi bơtiàn kòn cau dê tàm gùng dà bơtàu tơnguh bal.

Tàm gah dơ\ 3 cồng nha lơh geh, hơ\ ngan là cồng nha lơh jăt broă dong kờl jơi bơtiàn kòn cau bơh lơgar Việt Nam dê tàm jơh ală gah broă: lơh sa, niam chài, mpồl bơtiàn, ngan là lam lơh tơngume bơ\t bơtàu rài kis niam chài tàm tiah làng bol jơi bơtiàn kòn cau, bè: ai pà ală drơng broă ala bè lơh sơnơm, bơto bơtê, sền ki ngàm bơta krơi is bơh ală mpồl jơi bơtiàn kòn cau krơi is, halà broă lơh jăt kơrnoat boh lam.

5 nam do, bol a` neh lam lơh bal bal. Dùl là mblàng yal mờ bơto yal. Gam dùl bơta tai, kung là lơh ală broă lơh gơlòt mu\t tàm bơta geh ngan sang jơh ală broă lơh tam cah ờ rờm bal jơi bơtiàn bơh mpồl bơtiàn dê gơ wèt mờ ală mpồl jơi bơtiàn kòn cau kung bè đah ală jơi bơtiàn kòn cau bal mờ gơ\p nàng gơ in dipal mờ bơta pal jăt kung bè ală tơngume mờ Công ước dunia bè tam dră bơta tam cah ờ rờm bal jơi bơtiàn mờ Việt Nam neh ki\.

Ơ làng bol mờ gơ\p bơyô! Pa do, là dơ\ lùp bơh cau lơh báo Anih Jơnau đơs Việt Nam dê mờ ồng Hà Việt Quân, Kuang ătbồ Vụ Lơh broă bal Dunia đơs bè cồng nha 5 nam lơh jăt Công ước dunia bè sang jơh ală broă lơh tam cah ờ rờm bal jơi bơtiàn tàm Việt Nam tơngai bơh nam 2013- 2019.

Bè hơ\, gơtùi đơs nền là mờ bơta sền gròi bơh Chính phủ dê, tàm hơ\ pal yal tus gơnoar broă đơng lam bơh Ủy ban Jơi bơtiàn kòn cau dê, bal mờ bơta sơm băt tê bal bơh ală kấp, ală gah, ală tiah dê, Công ước dunia bè sang jơh ală broă lơh tam cah ờ rờm bal jơi bơtiàn neh geh lam lơh jrô ơnàng tàm jơh ală bơta: lơh gơs ală kơrnoat boh lam ngan là ală jơnau cih gàr niam gơnoar kòn bơnus, ală broă lơh dong kờl loh làng bè bơtàu tơnguh lơh sa- mpồl bơtiàn mờ lam lơh tàm bơta geh ngan… nàng kờ` lơh bè lơi ngai sơlơ niam rlau ală gơnoar kòn bơnus ai làng bol jơi bơtiàn kòn cau in.

Ai tu\ do, den dan ưn ngài ồng uă ngan!

Cau cih Việt Phú- Cau mblàng Lơ Mu K’Yến