VOV4.K’ho – Kờ` rơcang sơndră cau tìs mờ ală tìs tàm mpồl bơtiàn, kuang àng ală kơnhoàl, [òn dờng bơh càr Lâm Đồng dê neh cribơyai mờ mpồl Đảng, gơnoar atbồ bơt bơtàu uă broă mut lơh geh cồng nha tàm srơh gùt làng bol sền gàr ngap lơngai dà lơgar. Tàm hơ\, broă lơh camera sền gròi ngap lơngai rơcang sơndră cau tìs tàm sơnah [òn B’Lao, [òn dờng Bảo Lộc neh cèng wơl cồng nha ngan ngồn mờ geh đơs niam ngan, brồ guh geh bơta pràn bal bơh gùt làng bol dê, pơgồp bơnah gàr niam ngap lơngai mpồl bơtiàn tàm [òn lơgar:

Bảo Lộc là dùl tàm ală bă tiah geh sền là kal ke ngan bè bơta roh ngap lơngai ờ do ờ dă, ngan là bơat `tung kơ`au gơlik geh uă ngan mờ broă lơh tìs adat ờ do ờ dă gùng lòt tàm Lâm Đồng. Tềng đap bơta hơ\, kuang àng [òn dờng Bảo Lộc neh cribơyai mờ mpồl Đảng, gơnoar atbồ [òn dờng mut lơh gùt mpồl bơtìan broă lơh crap camera sền gròi ngap lơngai, drơng broă sền gàr ngap lơngai mờ ờ do ờ dă tàm [òn dờng. Rlau 1 nam mut lơh ai go\, broă lơh camera sền gròi ngap lơngai tàm sơnah [òn B’Lao, [òn dờng Bảo Lộc neh brồ guh cồng nha niam ngan, dong mpồl kuang àng git uă jơnau tơnggit geh kuơ, drơng broă rơcang sơndră mờ kơryan cau tìs. Ồng Đặng Quang Giàu, kuang atbồ anih duh broă làng bol sơnah [òn B’Lao, [òn dờng Bảo Lộc pà git: “ Dùl nam do den mpồl kuang àng bơh ală mai\ camera do kung neh kơryan geh uă broă lơh tìs tàm [òn lơgar. Tus tu\ do, làng bol tàm [òn lơgar neh pin dờn mờ kờ` ngan broă lơh do. Bol a` geh pơnjat tai lam sồr ală mpồl lơh sa kă bro, ală cau geh nùs nhơm niam pơnjat tai bơcri tàm kơnhoàl Bảo Lao.”

Sơnah [òn B’Lao geh 3 rbô 200 hìu nhă, rlau 12 rbô 600 nă cau, tàm hơ\ uă ngan là cau lơh broă bơh tiah ndai tus ơm kis ing. Bơta ngap lơngai tàm sơnah [òn kal ke ngan, lơh aniai tus rài kis mờ broă lơh sa, lơh gơbàn nùs nhơm ờ suk tàm làng bol. Bơh ngai geh broă lơh camera sền gròi ngap lơngai, ală tìs tàm mpồl bơtiàn mờ ală broă lơh tìs kơrnuat boh lam neh gơmù, cau tìs geh kơryan, srơh gùt làng bol sền gàr ngap lơngai dà lơgar geh bơtàu tơnguh loh làng ngan. Thiếu tá Hà Duy Tân, kuang atbồ kuang àng sơnah [òn B’Lao, [òn dờng Bảo Lộc đơs: “ Dùl tàm ală broă lơh rơcang sơndră cau tìs geh pơn rơ cèng wơl cồng nha ngan ngồn, drơng broă lơh rơcang sơndră cau tìs là broă lơh camera ngap lơngai. Bè rơndap broă den bol a` geh crap mai\ camera tàm ală bă tiah geh gal cau mờ bơh broă sền rùp nàng drơng broă rơcàn sơndră, kơryan cau tìs kung bè gàr niam ờ do ờ dă gùng lòt. Bơh broă lơh den neh brồ guh cồng nha loh làng ngan, cih dờp uă rùp ală cau gơtìp pin nàng kơryan, rơcang sơndră cau tìs, lùp khàu ală tìs neh gơlik geh.”

Tus tu\ do, broă lơh camera sền gròi ngap lơngai tàm sơnah [òn B’Lao, [òn dờng Bảo Lộc neh gơ hòi geh gal ngan bơta tus bal bơh làng bol dê. Pah tu\ geh ală cau kơ`au, lơh aniai tus ngap lơngai, lơh tìs ờ do ờ dă gùng lòt den broă lơh neh ngan ngồn cèng wơl cồng nha tàm broă rơcang sơndră cau tìs. Tu\ do ală bă tiah sùm gơlik geh bơta aniai bè ngap lơngai, ală bă tiah sùm gơlik geh aniai tus ờ do ờ dă gùng lòt mờ tàm ală bă hìu ai ơm ơpah tàm sơnah [òn B’Lao ndrờm neh geh crap mai\ camera ngap lơngai nàng sền gròi. Ồng Cao Minh Đức, ơm tàm sơnah [òn B’Lao, [òn dờng Bảo Lộc đơs: “ Tơnơ\ mờ tu\ kuang àng sơnah [òn pơgồp bal mờ anih duh broă crap mai\ camera nàng sền gàr ngap lơngai den a` go\ geh cồng nha ngan. Tu\ ală cau tìs kờ` lơh bơta lơi den ngan là geh bơta ngòt rlau.”

Loh làng là broă lơh camera sền gròi ngap lơngai bơh sơnah [òn B’Lao, [òn dờng Bảo Lộc dê neh cèng wơl cồng nha niam tàm srơh gùt làng bol sền gàr ngap lơngai dà lơgar. Broă lơh ờ mìng cèng wơl ngap lơngai làng bol in mờ rlau mờ hơ\ là neh brồ guh bơta pràn bal tàm broă tus bal rơcang sơndră cau tìs, gàr kơ\ ngap lơngai gùng dră bal mờ ờ do ờ dă mpồl bơtiàn.

                      Cau cih mờ yal tơnggit K’Duẩn.