VOV4.K’ho - Mìng tàm 2 nhai pa do, Cơldu\ Cảnh sát tiah kis, Kuang àng càr Gialai neh git go\ 4 anih lơh poac phan ròng tàm [òn dờng Pleiku mờ ờ uă kơnhoàl rềp bal geh broă lơh [ồm tơmut dà tàm kơnrồ, sur lài mờ tu\ lơh poac. Mờ broă lơh do, tơl nơm kơnrồ, sur tơnơ\ mờ tu\ gơtìp [ồm dà gơguh ki\ uă ngan, mơkung lơh gơmù bơta niam poac dê:

Gia Lai kơryan  broa\ tơmut dà tàm sa\ phan  ròng lài mờ tu\ lơh poac

Bi ùr Vũ Thị Hồng, ơm tàm [òn 15, sơnah [òn Phù Đổng, [òn dờng Pleiku pà git, poac kơnrồ là dùl bơta phan sa sùm bơh hìu nhă bi ùr dê. Mơya tơngai pa do, klo yal bè poac kơn rồ, poac sur gơtìp [ồm tơmut dà, bi ùr Hồng gơ lơh ngòt ngan. Tài bơdìh mờ broă bi ùr pal tong priă tus mờ khà dà gơtìp [ồm tơmut tàm poac, den ờ gơtùi git dà geh [ồm tàm kơnrồ là dà bơh lơi, geh ală jơi phan kis halà tap jrơs làh ờ.

Kờ` gàr tơl niam phan sa cau tàm hìu nhă in, bi ùr Hồng kơrhia rlau tàm broă rơwah poac kơnrồ, kơnờm bơh mat sền go\ mờ tàm bơngă pin dờn cau tac poac dê. Bi ùr Hồng đơs: “ A` rơwah poac kơn rồ lơbơn, pơr hê niam. Geh uă tu\ he blơi kung ngòt ngan gơ di blơi tìs. A` blơi nđờ nă cau quèng nàng ờ ngòt gơtìp pơr lồm, bè poac kơn rồ mờ gơtìp [ồm tơmut dà den poac gơlơh lề tơn, ờ wền den a` ờ blơi poac kơnrồ hơ\.”

Đại tá Nguyễn Văn Minh, Kuang atbồ Cơldu\ Cảnh sát tiah kis, Kuang àng càr Gialai pà git, tàm 2 nhai rềp ndo, mpồl neh git go\, lơh glài 4 cau tờm anih lơh poac, lơh glài 22 tơlak priă bè tìs [ồm tơmut dà tàm phan ròng lài mờ tu\ lơh poac. Mùl màl, tàm mang ngai 30/7/2016, mpồl lơh broă geh gơnoar neh lòt sền nisơna anih lơh poac bơh mò Võ Thị Hồng Hoa, ơm tàm hìu sồ 286, gùng Nguyễn Viết Xuân, sơnah [òn Hội Phú, [òn dờng Pleiku, kup bàn cau tờm anih do ngui ding đu\ lơbơn, jòng 1 thơk mờ gùl nàng bồm dà tơmut tàm klung dùl nơm kơnrồ gam kis, kờ` lơh kơn rồ gơprồ hơ\sồng chơt lài mờ tu\ lơh poac. Lài mờ hơ\, tàm gùl nhai 7, mpồl lơh broă geh gơnoar kung sền go\ broă lơh bè do tàm hìu lơh poac bơh mò Huỳnh Thị Thuỷ ơm tàm [òn 3, ntum Ia Đêr, kơnhoàl Ia Grai.

Jat jơnau mblàng bơh anih lơh broă geh gơnoar dê, tàm 1 ki\ poac kơn rồ gơtìp [ồm tơmut dà bè do, geh 200 gram dà. Dà geh [ồm tơmut tàm să kơnrồ geh ai bơh dà dờng, dà croh halà ală dà ờ kloh niam. Den tàng, bal mờ broă pal tong priă tus mờ khà dà gơtìp [ồm tàm poac, cau ngui sa gam gơtìp aniai tus pràn kơldang să jan dilah tàm dà geh ală bơta khih halà jơi phan kis…

Mờ broă lơh ngan sền gàr pràn kơldang să jan cau ngui sa, mơkung krà` cê tam dră mờ ală broă lơh tìs bè ờ do ờ dă phan sa, tơngai tus, cơldu\ Cảnh sát tiah kis, Kuang àng càr Gialai geh sơlơ tơnguh rlau tai broă lòt sền, sền gròi, lơh glài tàm ală anih lơh poac phan ròng tàm gùt càr. Đại tá Nguyễn Văn Minh pà pit: “ Jat jơnau yal mờ bol a` git, jơh ală anih lơh poac phan ròng ndrờm [ồm tơmut dà tàm să phan ròng lài mờ tu\ lơh poac, mơya broă git go\, kup bàn nàng lơh glài den ờ hềt jơh. Tàm tơngai tus, bol a` lơh ngan mờ jơh ală bơta pràn, lòt sền wơl jơh ală anih neh lơh glài. Dơ\ 2 tai, broă lơh bol a` dê là ngai rlô, tu\ jiơ rlô bol he dê là tu\ ală bol lơh broă tìs, den tàng bol a` sồr oh mi lòt sền mang ngai dơ\ 6, hơ\ sồng ngai dơ\ 7, ngai rlô.”

Bơnah pơn jat tai bơh jơnau do dê, bol a` lùp Đại tá Nguyễn Văn Minh, Kuang atbồ Kảnh sát tiah ơm kis, Kuang àng càr Gialai bè broă lơh tam dră, kơryan phan sa [ơ\ ờ tơl kloh tàm càr:

Kơryan phan sa bơ\: Kờ` geh dong kờl bơh làng bol

            Ơ Đại tá, geh gi\t là ală broă lơh lơh tìs bè ờdo ờdă phan sa tàm càr Gialai mờ mpờl go\ uă ngan là broă [ồm tơmu\t dà tàm phan ròng, kờn sa kơ`au priă cau ngui sa dê gam ngai sơlơ geh uă ngan. Dan Đại tá pà gi\t, mpồl kảnh sát tiah ơm kis, Kuang àng càr Gialai gam tìp ală bơta kal ke lơi tàm broă sền go\, lòt sền mờ bơsong?

Đại tá Nguyễn Văn Minh: Bơta geh ngan, bơh broă lơh tam dră, rơcang sơndră cau lơh tìs kơrnoat boh lam bè tiah ơm kis đơs bal, lơh tìs tàm broă ờdo ờdă kloh niam phan sa đơs is, a` sền go\ geh ală bơta kal ke: Lài ngan là bè mpồl cau bơh kảnh sát tiah ơm kis dê là ờ geh uă, jơh dùl cơldu\ lơh broă mìng geh 26 nă oh mi lơm. Tàm hơ\ geh ală oh mi ờ hềt geh bơto pơlam broă lơh uă bè rơcang sơndră cau lơh tìs bè tiah ơm kis. Dơ\ bàr tai là, tàm ală tu\ lơh, digơlan tài bơh jơnau gi\t wa\ bơh làng bol tàm [òn lơgar dê gam ờ hềt sền dờng màng bè bơta ngui phan sa. Den tàng bè hơ\, bơta pơgồp bal, làng bol tàm [òn lơgar ờ huan uă ngan. Jơh ală dơ\ ală tu\ bol a` tam dră, rơcang sơndră, bơsong…uă ngan bơh broă lơh trinh sát, mờ ală broă lơh geh kơrnoat boh lam ai gơnoar lơm.

Tàm pơgăp 1 nhai mờ nggùl rềp ndo, mpồl cau bơh bol a` dê sền go\ 4 anih gơ sơ\t lơh puăc phan ròng [ồm tơmu\t dà tàm phan ròng lài mờ tu\ gơ sơ\t lơh puăc. Jơh ală là mìng kơ\p kơnờm bơh broă lơh trinh sát, tài bờ ờ geh jơnau yal tơngi\t bơh làng bol dê yal ờ. Dùl bơnah là tài bơh ală anih lơh sa do anih lơh broă sươn hìu ơnàng ngan, mpồng mu\t jơnhoa ngan, pơngàr ndơ\p ndơr, kal ke ngan mu\t tàm dơlam. Kuơmàng là ală hìu do ròng uă ngan so. Tu\ mpồl lơh broă geh gơnoar sền go\ mờ ku\p, dilah ờ chài là khi tă ding dà lik bơdìh mbùng kơnrồ dê là he ờ gơtùi ku\p geh khi. Jơnau sồr pal geh ngan ngồn là pal sền go\ mờ ku\p tơn, tu\ khi gam [ồm tơmu\t dà, ding dà [ồm tơmu\t dà tàm phan ròng hơ\ mờ kơnrồ gam `ô dà. He bàn mờ ku\p geh rùp hin bè hơ\ den hơ\ sồng gơtùi ku\p kơryan khi.

Mpồl Kảnh sát tiah ơm kis, Kuang àng càr Gialai geh lơh ngan bè lơi tàm broă tam dră mờ ală anih gơ sơ\t lơh puăc geh broă lơh [ồm tơmu\t dà tàm phan ròng, kờn sa kơ`au priă jền cau ngui sa dê, ơ Đại tá?

Đại tá Nguyễn Văn Minh: Bol a` kờn sền go\, lùp khàu mờ ku\p kơryan dùl anih lơh tìs [ồm tơmu\t dà tàm phan ròng lài mờ tu\ gơ sơ\t lơh puăc den bol a` pal geh ală sră nggal cih dờp mờ rùp hin tơnơ\ hơ\ yal loh làng, tam dră mờ khi. Ngan den tàng bè hơ\, bol a` kờn pal sơlơ kràn cê jơh nùs, sơr lèt gan kal ke. Ală anih lơh sa do digơlan khi lơh broă tàm anih rềp sre, dà croh, den bol a` pal lơh pơrlồm bè cau lòt jòi kuăt, jòi ka, geh tu\ là lơh pơrlồm bè cau lòt pa` sềm, hào tềng hơđang tờm chi hơ\ sồng cùp rùp gơtùi. Ngan den tàng bè hơ\, bol a` geh broă lơh là bơto bơtê kuang bàng, cau ling là bơh jơh ală broă sơr lèt gan kal ke nàng tam dră wơl mờ ală broă lơh tìs kơrnoat boh lam tàm broă tiah ơm kis đơs bal, ờdo ờdă phan sa đơs is. Bơta kal ke bơh bol a` dê tu\ do là kơrnoat lơh glài mờ priă. Hơ\ là kơrnoat ờ cih là dùl nơm, 2 nơm halà 3 nơm, 5 nơm ờ, mìng kờn pal geh broă lơh tìs bè hơ\, mìng gơtùi lơh glài geh khi là khà 5 tơlak 500 rbô priă tàm dùl dơ\ lơh tìs. Broă lơh bơtơl tàm do là ờ go\ geh tơ\p pơrgu\c ală phan bơna hơ\ mờ sồr là pal tam gơl ai ală mpồl lơh gơlik phan sa siam phan ròng in mờ kơrnoat lơh glài den là nggờc ngan.

Tàm tơngai tus, Cơldu\ lơh broă Kảnh sát tiah ơm kis, Kuang àng càr Gialai geh ală jơnau dan lơi kờn tă bơsong ală kal ke tàm tu\ lơh ală broă lơh tam dră mờ ală broă lơh tìs bè ờdo ờdă phan sa, ơ Đại tá?

Đại tá Nguyễn Văn Minh: Lài jơh là bol a` geh yal mờ Kuang bàng đơng lam Kuang àng càr in mờ sră nggal, dan mờ kuang bàng đơng lam bồ kuang àng càr yal mờ dan geh gùng dà broă lơh bơh duh broă sùm mpồl đơng lam Đảng càr, duh broă sùm Anih duh broă làng bol càr sồr ală Anih duh broă làng bol ală kơnhoàl, [òn drà, [òn dờng lùp sền, rơndăp ù tiah, lơh ală tiah gơ sơ\t lơh puăc phan ròng tơrgùm bal. Tàm do, bol he lơh jat mpồl. He geh rơndăp ù tiah ai ală anih lơh sa do tơmu\t tàm tiah gơ sơ\t lơh puăc phan ròng tơrgùm bal den he hơ\ sồng atbồ jai geh tiah tờm gơ sơ\t lơh puăc phan ròng tơl niam ờdo ờdă. Mờ sồr anih lơh sơnơm phan ròng sền gi\t kòp phan ròng lài mờ tu\ gơ sơ\t lơh puăc; kham sền gi\t kòp phan ròng tơnơ\ tu\ gơ sơ\t lơh puăc, lài mờ tu\ cèng tăc tàm drà. Pleh jơnau hìu làng bol gơ sơ\t lơh puăc is khăt gơboh tàm hìu bơnhă, lài mờ tu\ lơh puăc, sur chơ\t, sur kòp bè lơi he ờ jai gi\t geh. Tơnơ\ tu\ gơ sơ\t lơh puăc, khi jun tus drà dờng, cau sền gi\t kòp bơh gah lơh sơnơm phan ròng dê hơ\ sồng to\p [ang kị. Dơ\ bàr là, mờ mpồl lơh broă ờs mờng bơh bol a` dê, bol a` lơh ngan jơh nùs ngui ală broă lơh ờs mờng, ngui jơh bơta pràn jak bơh bol a` dê, ờ kờp ngai kung bè mang, ờ kờp ngai jiơ, tu\ geh jơnau yal, bol a` lơh ngan jơh nùs sồr oh mi lơh mờ lơh tus geh tơn, kràn cê jơh nùs ku\p kơryan jat di jơnau cih bơh kơrnoat boh lam dê.

Ưn ngài đại tá ua\ ngan !

                       Cau cih mờ yal tơnggit K’ Duẩn, Lơmu K’ Yến.