VOV4.K’ho - Dơ\ gơbàn dồs bơh Công ty TNHH MTV Hoàng Sang, thị trấn Ia Kha, kơnhoàl Ia Grai, càr Gia Lai tàm poh lài neh lơh gơbàn ờ su\k ơm tàm mpồl bơtiàn mờ khà kờp hoàc huơr lài ngan bơh làng bol dê neh là 30 tơmàn priă. Bơh broă lơh bal, k^ sră pơyoa phan geh lơh bơh broă lơh sa suơn sre ờ nền nòn, ờ tơl broă bơrklơn mờ adăt boh lam gam lơh khà măt cau gơbàn sơlơ ngai sơlơ geh uă.

Dà măt làng bol rơ[ah kơnhoàl Ia Grai gam hòr, mơya neh jơla ir, tài tàm ală dơ\ dồs bơh ală hìu blơi phan geh lơh bơh broă lơh sa suơn sre tàm càr Gia Lai kung bè tàm Tây Nguyên, broă kờ` geh toh wơl phan neh pơyoa là ờ uă ngan.

Mờ là cau kis rềp bal, mờ là bơyô jo\ nam mờ ùr bơklao mò Thái Thị An, deh nam 1973, atbồ công ty TNHH MTV Hoàng Sang mờr 10 nam do, bơh tu\ công ty do crơng gơs tus tu\ do, nam lơi, hìu nhă ồng Cao Văn Tỉnh, kis tàm mpồl 1, thị trấn Ia Kha, kơnhoàl Ia Grai ndrờm pin dờn, k^ pơyoa g^t nđờ 1 tấn kơphe gar tàm công ty do.

                             G^t nđờ rơhiang nă làng bol tus ntào tềng đăp hìu lơh broă Công ty

Mờ nùs nhơm kơlôi sơnơng khà priă kơphe sùm gơguh mờ ring niam tàm uă nam do, ờ geh jơnau công ty do gơbàn dồs, nam do ồng Tỉnh k^ pơyoa 10 tấn kơphe gar ai công ty Hoàng Sang in kờ` kơ\p kơphe gơguh priă hơ\ sồng tăc tơm dồs ngân hàng mờ bơcri priă lơh sa tàm kàl pa. Mìng tus tàm tu\ công ty gơbàn dồs, sền go\ g^t nđờ rơhiang nă cau wàng se gùt dar công ty hơ\ sồng ồng Tỉnh g^t nùs nhơm pin dờn să tòm ồng dê neh ờ di cau:

-Pơgăp mờ do 3 nam, ờ go\ công ty lơh broă, a` neh pin pơrdah, mơya a` kơlôi gam lơh broă sa den tàng ờ lùp. A` kơlôi là công ty ờ gơtùi dồs, kơphe nam do tơnguh bơtàu niam, bơh g^t nđờ nam do ring niam. Pin dờn bè hơ\ mờ 3 jơ àng drim a` go\ cau tus ku\p rơndeh, go\ rơndeh lòt gal ngan, a` tus sền. Làng bol bè a` jơh 1 nam tơn ờ khin tă priă, priă ngân hàng gam dồs, tơm priă ngân hàng den ờ geh priă sa, tu\ do ờ gam geh priă tai kờ` bơcri tàm kàl lơh sa tơnơ\ tai.

Bơta krơi is jăt mờ ală dơ\ gơbàn dồs lài do tàm càr Gai Lai, ơla mờ broă cau tòm công ty tus cri bơyai mờ ală cau pơyoa phan kờ` jòi gùng dà broă tơm dồs, den mò Thái Thị An bal mờ ală cau tàm hìu nhă neh dô g^t tàm tiah lơi. Bal mờ hơ\, công ty ờ yal gơbàn dồs, mờ mìng tus tàm tu\ ală bơta phan prăp tàm hìu neh jơh, công ty til mpồng mờ ờ lơh broă, làng bol hơ\ sồng g^t mờ tus sền den ală broă neh jơla.

                                         Anih tơrgùm phan tàm Công ty neh ờ geh 1 bơta phan lơi tai

Ală bơta krơi is do neh lơh uă làng bol pơyoa phan mờ ai càn priă tàm do gơlơh ngòt rơngơ\t ngan mờ đơs là, cau tòm công ty neh cèng priă dô. Mò Trần Thị Dương, kis tàm mpồl 1, thị trấn Ia Kha, kơnhoàl Ia Grai di gơlan gơbàn roh gời 7 tấn kơphe gar đơs mờ `ìm ndang:

-Di lah bè oh mi ờ pơrlồm, den ala măt công ty pal ntào tàm do cri bơyai mờ làng bol, hơ jơnau lùp làng bol dê. Di lah ờ geh, den ala măt công ty pal cih 1 pang sră dồs làng bol in ha là pal geh ờ uă priă lơi tơm làng bol, bol a` geh tă priă hơ\ kờ` lơh broă tàm nam tus, ờ gơtùi dồs jơh ală cau.

2 nă ùr bơklao a` lơh broă sa suơn sre, lơh ngan jòi priă kờ` lơh hìu, mờ pal lòt lơh broă ơpah tai, ờ go\ di mìng lơh kơphe den priă tă ờ tơl. Bol a` gam pal drơng gàr rài kis hìu nhă tòm, oh kòn lòt bơsram tai. Tu\ do, hìu nhă a` mờr tus tu\ pal tơm priă ngân hàng mờ ờ hềt geh priă tơm do.

Jơnau yal lài ngan bơh anih lơh broă lùp khào, kuang àng kơnhoàl Ia Grai pà go\, bơdìh mờ broă k^ pơyoa rơlao 240 tấn kơphe gar, mờr 300 tấn gar điều, công ty do gam càn tai 9 tơmàn 500 rơbô priă mờ kờp jơh mờr 30 tơmàn priă, tàm hơ\ ờ hềt kờp priă càn g^t nđờ tơmàn bơh ală ngân hàng kă bro. Mờ ờ hềt geh cau lơi g^t do là khà priă du\t ndơl tài khà măt cau gơbàn roh gời gam uă ngan.

                                                    Công ty Hoàng Sang til mpồng tu\ gơbàn dồs

Thiếu tá Phạm Chính Nghĩa, atbồ mpồl lơh glài ku\p màng, lơh sa, ma tuý, kuang àng kơnhoàl Ia Grai pà g^t, dơ\ gơbàn dồs bơh công ty TNHH MTV Hoàng Sang là dơ\ gơbàn dồs uă ngan tàm kơnhoàl do tus tu\ do. Anih lơh broă lùp khào gam mhar lơh loh broă do:

-Cau atbồ công ty Hoàng Sang neh dô, bol a` pal geh tơngai jòi sền kờ` g^t neh dô ha là ờ den hơ\ sồng g^t loh. Anih lơh broă kuang àng neh uă dơ\ bơto pơlam làng bol, pal pơyoa tàm hìu lơh broă geh pin dờn, công ty dà lơgar, ba` pơyoa mờ công ty cau 1 nă să lơh is.

Bơta ờ su\k ngan, bu\ lah anih lơh broă lùp khào gam lơh ngan kờ` g^t broă do, mơya uă làng bol, geh tu\ ală hìu blơi phan bơh ală xã pơya g^t nđờ rơhiang tấn kơphe gar neh ờ yal. Tài ală cau do ngòt cau g^t geh lơh gơbàn bal, lơh ală làng bol ờ tus lơh broă bal, geh tu\ ai wơl phan, ai wơl priă tàm hìu blơi phan do. Bơta do geh uă bơta gơbàn dồs bơh broă pơyoa phan geh lơh bơh broă lơh sa suơn sre neh uă dơ\ gơbàn tàm Tây Nguyên ală nam do.

Cau cih mờ yal tơng^t Ndong Brawl