VOV4.K’ho-Bơh tơnơ\ tu\ lơh sa bal, uă mpồl lơh sa kă bro tàm càr Gialai neh geh bơta lơh ngan brồ guh pràn kơldang ngan, đơs ngan geh bơta cồng nha tu\ lơh tờm is.

Tàm hơ\, Công ty cổ phần Gialai CTC là dùl jơnau ai lơh pơnyơu. Bơh Mpồl lơh lơma bơh càr Gialai- Kontum dê, tơnơ\ tu\ lơh sa bal, công ty neh geh ală bơta tam gơl gơ cèng bơta kuơmàng.

Jơh bal gah broă lơh mờ ù tiah lơh sa kă bro ndrờm geh rề ơnàng, gơ gơs là công ty lơh sa kă bro nhơl chờ, hìu năc khà dùl tàm Gialai, geh ală hìu Sră tàm uă càr mờ [òn dờng:

Sươn nhơl Đồng Xanh là dùl tàm ală anih nhơl chờ tiơng pơnrơ ngan rlau jơh bơh càr Gialai dê, hơ\ kung là jơnau pơ`ìơ să bơh ală rơnàng cau lơh broă tàm Công ty Cổ phần Gialai CTC dê.

 Sươn nhơl Đồng Xanh geh lơh tàm gùl blàng sre kòi dờng ơning ơnàng ngan, ơm tơn kềng gah gùng rơndeh dờng 19, ngài mờ tiah tờm [òn dờng Pleiku pơgăp 10 kơi sồ. Đồng Xanh tu\ do gam là tiah ơn prăp uă ngan phan lơh mờ chi gơ gơs lu\.

Tàm hơ\, pơnrơ ngan là chi jrê dờng gơ gơs lu\ rlau dùl tơlak nam dờng ngan rlau jơh lơgar Việt Nam, geh jòi go\ tàm bơr bơnơm ồs neh ờ go\ bruh ồs tai tàm xã Cư\ A Thai, dùl phan bơna kuơmàng ngan mờ tu\ tơngai neh ai pà ai cau Tây Nguyên in.

Bi Châu Hoàng Huy Bảo, năc lòt nhơl bơh [òn dờng Hồ Chí Minh, tu\ lòt tus mờ Sươn nhơl Đồng Xanh, yal bè jơnau sền go\ bơh bi dê bè do:

“Geh cau hìu bơnhă yal, den a` lòt nhơl tàm Đồng Xanh nàng gơ in gi\t, sền go\ bè Tây Nguyên, bè bơta niam chài bơh ală cau tàm tiah do dê. Ngai do là dơ\ sơnrờp a` lòt tus tàm do, a` sền go\ ù tiah [òn lơgar rềp mềl ngan, a` geh sền go\ uă ngan bơta”.

Bal mờ rơndăp lơh tơlir kờ` pơrya tus brê bơnơm Tây Nguyên, den jơnau gơlơh niam bơne\ ngan rlau jơh krơi is ngan rlau jơh bơh Sươn nhơl Đồng Xanh dê hơ\ là dùl ù tiah bềng uă bơta niam chài Tây Nguyên, bơtòm tơrgùm uă ngan broă lơh, phan bơna hìu đam pơnrơ is ngan bơh kơnhoàl ù tiah kơh bơnơm dờng ơning ơnàng dê, bè hìu bơyai tơr`a [òn, hìu rơng, hìu [ồc, rùp hìu [ồc halà ală broă lơh hìu đam geh lơh bè brê bơnơm, lơh mpờl go\ wơl dùl Tây Nguyên brê bơnơm dờng ơning ơnàng, gam bơh yau mờ pơnrơ is ngan.

Tàm ală dơ\ lơh chờ, sa tềp, năc lòt nhơl gam geh kis chờ hờp bal mờ rài kis duh hồl bơh ală broă lơh ơm kis pah ngai dơ\ lơh chờ mpồl bơtiàn bơh ală [òn làng bol kòn cau Tây Nguyên dê tàm săp ntas gơhòi gơ jà dờng ngan bơh brê bơnơm dờng ơning ơnàng dê: Săp ntas pe\ đờng T’rưng dà, săp ntas piah kòi, săp ntas dròng cing mồng.

Bi Trần Thị Thảo là năc lòt nhơl tus bơh [òn dờng Hải Phòng, đơs bè do:

“A` tus bơh Hải Phòng, do kung là dơ\ sơnrờp a` lòt tus tàm Tây Nguyên. Tàm do, chi che niam ngan, tus tàm do a` sền go\ gơlơh niam ngan mờ kung geh lòt sền gi\t uă bè broă ơm kis, broă lơh sa bơh làng bol dê. A` kung sền go\ uă bơta tơngo\ geh bơhiàn niam chài pơnrơ is ngan bơh cau kòn cau tàm tiah do dê”.

Bal mờ sươn nhơl Đồng Xanh, hìu năc Tre Xanh kung dùl anih tiơng pơnrơ bơh Công ty Cổ phần Gialai CTC dê tơnơ\ tu\ lơh sa bal. Do là dùl tàm ală hìu năc pa mờ niam ngan mờ geh lơh dờng ngan tàm càr Gialai.

 Hìu năc sùm geh tam gơl pa mờ lơh niam wơl. Tu\ do, hìu năc geh 120 cơldu\ ơm lơh geh tơl khà 3 sơma` bal mờ ală broă drơng lơh niam ngan, lơh di jơnau kờ` bơh năc lòt nhơl bơh tàm lơgar mờ dunia dê.

Tàm broă lơh ngan tam gơl pa gah broă lơh sa kă bro tơnơ\ tu\ lơh sa bal, Công ty cổ phần Gialai CTC neh rề ơnàng ală hìu Sră tus tàm jơh ală kơnhoàl, thị xã, [òn dờng tàm càr Gialai kung bè uă càr mờ [òn dờng ndai. Broă lơh do dong Công ty Cổ phần Gialai CTC gơtùi [ươn [oài lơh bal mờ ală broă lơh sền gàr tơl niam rài kis mpồl bơtiàn.

Di tàm dơ\ sơntờm mu\t nam bơsram pa, ală hìu sră bơh công ty dê gam geh broă lơh tơrmù khà priă, dong kờl, ngan là gơ wèt mờ kơnòm dềt kis tàm tiah sar lơgar ngài. Ồng Nguyễn Minh Ngọc, Phó Kuang atbồ Công ty Cổ phần Gialai CTC, pà gi\t:

“Rơcang ai nam bơsram pa in, bol a` neh rơcang ală broă dong kờl ai ală kơnòm bơsram in. Tàm hơ\ geh bơta phan tơrmù khà priă bè sră măy, sră sền kờ` gi\t tai mờ sră cih, kong tàp, jơh ală phan ngui gơrềng tus kơnòm bơsram. Ală broă bol a` mblàng yal, dong kờl sùm.

 Mìng is gơ wèt mờ kơnòm r[ah, kơnòm dềt kis tàm tiah sar lơgar ngài, den bol a` pơgồp bal mờ kes priă dong kờl bơsram nàng geh phan pà ai ală oh in tàm kàl sơnđờm mu\t nam bơsram pa. Do là broă lơh bal bơh công ty dê tàm broă bơsram sră bơh ală kơnòm bơsram dê”.

Cau cih mờ yal tơngi\t- Lơ Mu K’ Yến