VOV4.K’ho – Drim do (12/6), tàm Hà Nội, Bộ Nông nghiệp mờ Phát triển nông thôn bơyai lơh “Cribơyai Dùl pràn kơldang să jan nam 2019” mờ bơta tus bal bơh ala mat kuang đơng lam bồ Liên hợp quốc tàm lơgar Việt Nam mờ ală mpồl dong kờl dunia.

Cribơyai wèt tus kờp sền tơngai lam lơh broă rơndap lơh “Lơh broă bal Dùl pràn kơldang să jan”, rơcang sơndră kòp bơ tờp bơh phan kis tus hờ kòn bơnus tơngai bơh nam 2016 tus nam 2020; cribơyai bè priă jền, broă rơndap lơh mờ hòi jà pơgồp bal bơta pràn bơtàu tơnguh lơh broă bal tus nam 2020 mờ ai tơlik gùng dà broă lơh Dùl pràn kơldang să jan nam 2020…

 Ală nam do “Lơh broă bal Dùl pràn kơldang să jan” sùm lơh ngan lơh pràn ală broă lơh pơgồp bal làm gah tàm kấp dờng màng mờ hòi jà bơta dong kờl bơh mpồl bơtìan dunia dê, dong Việt Nam mut gơ rờm bal uă mờ ală jơnau bơceh “Dùl pràn kơldang să jan” tàm ală lơgar rềp bal mờ tàm dunia, bơh hơ\ pơgồp bơnah tơnguh pràn jak dà lơgar dê tàm broă rơcang sơndră ală kòp bơ tờp pa gơlik geh.

Cau mblàng K’Duẩn