VOV4.K’ho - Tàm ală ngai lơh broă pa do tàm pơrjum dơ\ 9, Gơnoar ala măt dà lơgar kơnă 13, broă cri bơyai kờ` lơh gơs ală rơndăp broă adăt, tam gơl adăt geh ală kuang bàng sền gròi ngan. Kuơ màng ngan, adăt sền gàr mpồl bơtiàn geh ring bal bơh pơrjum lài, mơya kung gam ai tơl^k cri bơyai tàm pơrjum do, tơl^k uă kơnòl Gơnoar ala măt dà lơgar dê, kờ` tơl niam adăt geht ơl^k mùl màl di pal mờ rài kis. Tàm jơnau “Gơnoar ala măt dà lơgar mờ cau te\ khà” poh do, bol a` geh yal bè ală tơngu me cri bơyai bè bơta 60, adăt sền gàr mpồl bơtiàn nam 2014, gơrềng tus broă dờp priă sền gàr mpồl bơtiàn 1 dơ\, tu\ cau lơh broă ơm lơh broă tu\ ờ hềt tơl sơnam kờ` ơm lơh broă.

Lài mờ adăt sền gàr mpồl bơtiàn nam 2014, broă tơm priă sền gàr mpồl bơtiàn 1 dơ\ ai cau lơh broă ơm ờ lơh broă tai tu\ sơnam ờ hềt tơl kờ` ơm jơh sơnam lơh broă geh lơh jăt adăt sền gàr mpồl bơtiàn nam 2006. Tàm gơl 1, bơta 55 adăt do tơl^k: mờ cau neh tă priă sền gàr mpồl bơtiàn, mơya ờ hềt tơl bơta kờ` dờp priă nhai cau neh ơm jơh sơnam lơh broă là tơnơ\ 1 nam ơm lơh broă, di lah ờ tă tai priă sền gàr mpồl bơtiàn mờ kờ` dờp priă sền gàr mpồl bơtiàn 1 dơ\ den geh bơsong priă sền gàr mpồl bơtiàn 1 dơ\ ai bơh tơngai neh tă priă.

Bu\ lah bè hơ\, tàm adăt sền gàr mpồl bơtiàn nam 2014, geh mu\t ngui bơh ngai 01/1/2016, tàm gơl 1, bơta 60, den ală cau lơh broă gơtìp kòp jroă, ờ gam tơl pràn lơh broă bè kòp: lơng să, kòp ồm sa ru\, kòp ờ niam klờm, kòp bơsiă jòr gơl^k mhàm jroă hơ\ sồng geh tơm priă sền gàr mpồl bơtiàn 1 dơ\.

Ală cau ndai den adăt sền gàr mpồl bơtiàn kờ` cau lơh broă geh prăp ing tơngai tă priă sền gàr mpồl bơtiàn lài mờ hơ\, kờ` tơnơ\ mờ hơ\ geh broă lơh tai den pơn jăt tai tă priă, kờ` tơl niam dờp priă sền gàr mpồl bơtiàn mờ khà priă geh dờp pah nhai, ha là cau lơh broă tă priă sền gàr mpồl bơtiàn pal tă ờ hềt tơl tơngai tă priă den gơtùi tă priă sền gàr mpồl bơtiàn is.

Kơrnoăt pa do geh gơrềng uă tus mờ gơnoar cau lơh broă tus bal tă priă sền gàr mpồl bơtiàn, mờ bu\ lah ờ hềt geh ngui, mơya tàm tơngai do, gah sền gàr mpồl bơtiàn [òn dờng Hồ Chí Minh neh sơgràm mờ kơrnoăt do kờ` ờ tơm jăt mờ kơrnoăt tàm bơta 55, adăt sền gàr mpồl bơtiàn nam 2006.

Tàm pơrjum Gơnoar ala măt dà lơgar dơ\ do, ală kuang bàng neh cri bơyai nền nòn ngan bè bơta 60, adăt sền gàr mpồl bơtiàn nam 2014.

Ồng Đặng Ngọc Tùng, kuang bàng tàm mpồl càr Đồng Nai, mờ là kuang atbồ mpồl tam klăc ala măt cau lơh broă Việt Nam neh ai uă ngan tơngai kờ` yal tơrgùm jơh ală kal ke bơh bơta 60 tàm adăt sền gàr mpồl bơtiàn.

Ồng Đặng Ngọc Tùng đơs, pal geh tam gơl bơta 60 adăt sền gàr mpồl bơtiàn nam 2014; tam gơl kờ` di pal mờ jơnau kơ\p kờ` cau lơh broă bal mờ kờ` cau lơh broă geh gơnoar rơwah dờp priă sền gàr mpồl bơtiàn 1 dơ\ ha là dờp jăt nhai priă neh jơh sơnam ờ lơh broă tai.

Ồng Đặng Ngọc Tùng đơs: “Bơta 60 ờ di là di pal mờ ală cau, tài geh ală cau lơh broă geh ală rài kis krơi is, den tàng geh ală broă kờ` ngui krơi is sơl, ờ geh cau lơi ndrờm mờ cau lơi. Den tàng, lơh bè lơi kờ` di pal mờ jơnau kơ\p kờ` jo\ jòng cau lơh broă dê den ală kuang bàng pal kơlôi sơnơng nền nòn kờ` lơh niam”.

Ồng Đặng Ngọc Tùng đơs tai: “Jăt a`, lời ală oh mi lơh broă rơwah is. Ai cau lơh broă pơn jăt tai lời mờ prăp tơngai tă priă sền gàr mpồl bơtiàn, gơtùi pơn jăt tai tă priă sền gàr mpồl bơtiàn is kờ` tu\ sơnam neh ơm ờ lơh broă tai; di lah 1 nam, 2 nam mờ geh dan broă lơh tàm anih lơh broă ndai den gam tă tai priă. Di lah ờ dờp priă 1 dơ\ den pal lơh di pal mờ jơnau kơ\p kờ` cau lơh broă dê”.

Kuang bàng là cau lam bồ mpồl lơh broă ala măt sền gàr cau lơh broă tu\ lơh jăt adăt do, mpồl ala măt cau lơh broă anih lơh sa kă bro Pouyuen Việt Nam pa jà gah sền gàr mpồl bơtiàn [òn dờng Hồ Chí Minh tus mblàng tàm ngai 26/3/2015 tàm anih lơh sa do. Cau lơh broă lùp a` ờ gơtùi lòt lơh broă tai, tàm do cau neh rơwah cau lơh broă pa, a` rê tàm [òn pờ hìu tăc phan, a` dan dờp di lah ờ? Den cau hơ jăt adăt pa là ờ gơtùi. Tơnơ\ mờ hơ\ gơl^k geh broă cau lơh broă l^k dră mờ bài ring bal.

Broă cau lơh broă l^k dră ờ mìng geh tàm anih lơh sa kă bro Pouyuen Việt Nam geh tus 15 anih lơh sa kă bro tus bal… Khà cau tus bal là rơlao 100 rơbô nă. Broă cau lơh broă dră wơl kơrnoăt tàm bơta 60, gah sền gàr mpồl bơtiàn gam tus tàm càr Long An, mờ 22 anih lơh sa kă bro tus bal, tơnguh khà cau l^k dră 21 rơbô nă; càr Tiền Giang geh 6 anih lơh sa kă bro, Tây Ninh geh 2 anih lơh sa kă bro…

Ồng Đặng Ngọc Tùng pà g^t tai, tềng đăp mờ bơta do, ồng neh cih sră hòi jà mơ, yal loh kờ` kuang gơs gơnăp gơnoar atbồ hờ đang rơlao jơh dà lơgar bal mờ kuang atbồ gah lơh broă dà lơgar neh ring bal lơh jăt adăt sền gàr mpồl bơtiàn lài do jơh tàm nam do mờ pơn jăt tai yal broă tam gơl bơta 60 adăt sền gàr mpồl bơtiàn pa.

Gơnoar atbồ mpồl tam klăc cau lơh broă Việt Nam pơn jờng ngan mờ sră yal bơh Gơnoar atbồ lơgar bal mờ anih duh broă ală bơta mpồl bơtiàn Gơnoar ala măt dà lơgar dê. Ồng Đặng Ngọc Tùng đơs: ờ tam gơl bơta 60 mờ Gơnoar ala măt dà lơgar ai tơl^k 1 kơrnoăt ing lơh jăt tơlòng gơl a, bơta 60 mờ gơl a, sèng 1 bơta 77 tàm adăt sền gàr mpồl bơtiàn pa.

Ring bal mờ jơnau đơs do, ồng Trần Văn Bản, mpồl kuang bàng càr Ninh Bình đơs, tu\ ai broă tam gơl bơta 60, geh 36 nă cau tus bal pơrjum den geh tus 75% khà cau ring bal tam gơl mờ mìng 22% khà cau ờ ring bal tam gơl.

Bè hơ\, ờ mìng geh uă cau lơh broă, mờ geh uă kuang bàng tàm Gơnoar ala măt dà lơgar ndrờm kơ\p kờ` bơta 60, adăt sền gàr mpồl bơtiàn nam 2014, geh lơh jăt nùs nhơm g^t jơnau bal tus mờ broă rơwah cau lơh broă dê là dờp priă sền gàr mpồl bơtiàn 1 dơ\, ha là pơn jăt tai tă priă sền gàr mpồl bơtiàn is, kờ` geh dờp priă nhai tu\ neh ơm jơh sơnam ờ lơh broă tai.

Cau mblàng Ndong Brawl