Poh lài, tàm Hà Nội, gah lơh sa dà lơgar neh bơyai cri bơyai “Trờn tus kis is làng bol-mùl màl mờ bơta ai ơm kis wơl bơh làng bol tus kis jat gùng  kơljap”

Tàm dơ\ cribơyai, ală kuang bàng đơs là, ntrờ` làng bol is là bơta ngan ngồn gơlik geh bơh ală tu\ bơtàu tơnguh lơh sa, mpồl bơtiàn. Ală nam rềp ndo, bơta ntrờn làng bol is gơmù mơya kung gam gơlik geh kal ke, geh tàm jơh ală tiah tàm gùt lơgar. Khà làng bol ntrờn khăt gơboh is tàm tiah đah tô măt tơngai mu\t dà lơgar tus tàm tiah Tây Nguyên là gal ngan rlau jơh, mờ pơgăp 2 rbô hìu làng bol pah nam. Jơnau tờm là tài broă lơh sa. Làng bol lòt ntrờn bơh [òn lơgar ờ bơtàu tơnguh, rài kis lơh broă sa kal ke ngan tus tàm ală tiah lơh sa [uơn rlau. Kờ` tơr mù bơta làng bol ntrờn ơm kis is, rơndăp tăp sèng wơl bòn làng bol ơm kis jăt gùng bơtàu tơnguh kơ\ kơl jăp, ờ uă broă lơh geh sồr lơh bè: sơlơ mblàng yal tơnguh jơnhoa jơnau g^t wa\ ai làng bol in, ngan là tàm tiah lơh sa kal ke; sơlơ atbồ dà lơgar bè làng bol bòn lơgar; kờp sền ngan ngồn, tam cah ală cau ntrờn ơm kis nàng rơndăp ù tiah rơndăp tăp sèng wơl…Tềng đăp mat, kờn pal bơcri lài ai ală tiah kal ke in nàng lơh mhar bơtàu tơnguh lơh sa mpồl bơtiàn, ai ală priă jền nàng mu\t lơh ală rơndăp broă lơh geh gơnoar atbồ lơgar k^ kờ` lơh geh rài kis kơ\ kơl jăp, bơtàu tơnguh lơh sa ai làng bol in, ngan là ală tiah digơlan geh uă làng bol lòt ntrờn ơm kis khăt gơboh. Ồng Ma Quang Trung kuang atbồ Mpồl tam klăc bal mờ bơtàu tơnguh bòn lơgar, di Gah lơh broă sa mờ bơtàu tơnguh bòn lơgar dà lơgar, geh jơnau dan bè do:“ Bè broă lơh tềng đăp măt kờn pal ai lài bơcri priă ai ală bòn lơgar kal ke in nàng lơh mhar bơtàu tơnguh lơh sa mpồl bơtiàn, bè tàm ală ntum tiah nhàr lơgar đah Việt Nam mờ Lo. Bơ\t bơtàu broă rơndăp lơh rơndăp tăp sèng kơ\ kơl jăp [òn lơgar, sền gàr niam dà lơgar mờ bơta ngăp lơngai tàm ală càr tiah đah tô măt tơngai mu\t dà lơgar, tiah geh digơlan geh uă làng bol lòt ntrờn ơm kis khăt gơboh. Kờp sền wơl ală rơndăp broă lơh neh mu\t lơh. Gơ wèt mờ ală hìu làng bol kis tàm tiah rềp kềng brê, rài kis làng bol bòn lơgar gam rbah kờn pal kờp sền wơl lơh sră yal mờ Gơnuar ătbồ lơgar in ai gơnuar tam gơl jơnau kờn ngui ù nàng dong làng bol kơ\ kơl jăp rài kis, ală hìu lơi ờ hềt geh ù lơh sa, kờn pal kờn sền ai jăt rơndăp broă lơh bòn làng bol ơm kis jăt rơndăp ù tiah. Ai priă jền nàng dong làng bol kòn cau kơ\ kơl jăp rài kis lơh broă sa”.

Đơs tàm dơ\ cribơyai, ồng Nguyễn Xuân Phúc kuăng jăt jơng gơs gơnăp gơnoar atbồ hơđăng rlau jơh dà lơgar đơs tờm: Ntrờn ơm kis is là dùl tàm ală bơta dờng geh Đảng, Dà lơgar jơh nùs sền gròi ngan. Gơnoar atbồ lơgar neh đơng lam ală gah sơnah lơh broă mờ ală tiah mu\t lơh dùl ròt bal uă broă lơh kờn bơtàu tơnguh lơh sa mpồl bơtiàn tàm ală tiah kơh bơ nơm kal ke, lơh geh tơl ală bơta lơh kơ\ kơl jăp rài kis làng bol kòn cau in, pơ gồp bơnah tơr mù bơta ntrờn ơm kis is, sền gàr niam bơta ngăp lơngai, gùng dră bal, ờdo ờdă mpồl bơtiàn. Ală broă lơh pơn rơ ngan bè: bơsong bơta lơh sa, dà ngui sa, hìu ơm mờ lơh phan bơna bòn lơgar, ală broă dong kờl tơr mù rbah. Mờ bơta lơh ngan hơ\, khà hìu làng bol lòt ntrờn ơm kis khăt gơboh, uă ngan là Tiah đah tô dà lơgar, Tây Nguyên neh gơmù uă ngan pơndrờm mờ lài do. Mơya, ală tu\ mu\t lơh broă lơh gam uă bơta ờ hềt niam, bơta koh kơl aniai brê gơlik geh tàm tiah làng bol ntrờn ơm kis khăt gơboh, ngan là broă ai priă jền lơh phan bơna tiah làng bol tus ờ tơl uă ngan. Ồng Nguyễn Xuân Phúc, đơs tờm:“ Nàng bơsong bơta do, kờn pal geh uă broă lơh dùl ròt bal, tàm hơ\, kuơmàng là sền gròi bơt bơtàu ală anih lơh broă gùng dră bal nàng pơn jờng làng bol, bơto bơtê jơnau gi\t wa\ bơh làng bol dê nàng ờ sơr bì bòn lơgar tờm, lòt ntrờn ơm kis khăt gơboh tus tàm ală tiah ndai. Kuơmàng, gùng dà broă lơh lơh pràn tơn jơh jơgloh tơr mù rbah lơh niam rlau ai làng bol bòn lơgar ơm kis lơh sa in nàng làng bol ờ kờn lòt, bulah kal ke. Broă lơh geh broă lơh, tơn jơh jơgloh tơr mù rbah tàm tiah lơi kung bè hơ\ lơm kuơmàng ngan bal mờ broă bơto bơtê jơnau gi\t wa\ geh kơ nòl, ală anih lơh broă gùng dră bal lơh bal tàm broă lam sồr làng bol dilah ntrờn ơm kis pal geh mpồl lam lơh”.

                                                            Cau mblàng Lơ Mu K’ Yến.