Cà rốt la dùl tàm ala\ biap sa bềng bơta bơkah bơnga ngan, kuơ màng  la ala\ vitamin. Mơya, tàm rài kis pah ngai, ua\ ngan cau mìng ngui cà rốt nàng lơh biap sa lơm mờ ờ hềt ngui nàng lơh gơs ala\ bơta dà hùc mriềt niam bơkah ngan mờ kuơ ngan, dà hùc do lơh jơh tơhìr pràn ngan mờ geh tai pràn rcang sơndra\ mờ kòp mờ bơta tờm ngan la păt bơh kơnuh cà rốt lơm hala khài bal tai mờ ờ ua\ biap plai chi ndai.

Broă lơh lài ngan: ai càrốt 150 gram, dà lơwe 50 gram, dà duh lời ngềt di mơ. Càrốt rào kloh, koah kơmhò, tah gơs pơnai dềt ngui kờ` păt ai dà, di lah ờ den he bo\ lề hơ\ sồng ai chèo păt ai dà, te\ dà lơwe mờ tuh ờ uă dà di mơ, wơr ndrờm hơ\ sồng hùc. Dà hùc do geh lơh niam tàm să, tơnguh bơta pràn sơndră mờ kòp să jan dê, geh sền là 1 tàm ală dà hùc dong kờl sơndră mờ kòp gơguh mhàm niam ngan.

Broă lơh dơ\ 2: Ai càrốt 150 gram, plai táo tây 150 gram, dà plai ca` 15ml, dà lơwe 10ml. Càrốt rài kloh, tah gơs pơnai hơ\ sồng lời păt ai dà, te\ dà lơwe mờ dà plai ca` wơr ndrờm bal hơ\ sồng hùc. Do là dà hùc geh uă bơta bơkah, geh tơnguh bơta pràn sơndră mờ kòp mờ dong kờl să jan tơnguh pràn niam ngan.

Broă lơh dơ\ 3: Ai càrốt 250 gram, dâu tây 250 gram, dà plai ca` 5ml, sơdàng pơnai bơh 2 tus 3 nai. Càrốt rào kloh, koah kơmhò, tah dềt; dâu tâu rào kloh, sơbì boai. Ai măy tơrdih gơs dà 2 bơta phan do, hơ\ sồng klài bal mờ sơdàng mờ dà plai ca`, tam pà bal hùc 2, 3 dơ\ tàm ngai. Broă lơh do di pal ngan mờ ală cau gơtìp gơguh mhàm, ờ niam leh, kòp đồm mhàm, kòp kòl è, cau ùr pàl să mờ ra`.

Broă lơh dơ\ 4: Ai càrốt 500gram, plai lê ris 500gram, dà tru\ sin neh lời ngềt 1 rơbô ml, dà lơwe 20ml. Plai lê rào kloh lời ra` dà, tram mờ dà boh 3% tàm 15 phút, tơnơ\ mờ hơ\ tah gơs pơnai, ai măy tơrdih gơs dà; càrốt rào kloh, koah kơmhò, tah gơs pơnai, ai măy tơrdih gơs dà; klài 2 bơta dà do bal, te\ tai dà lơwe, wơr ndrờm bal hơ\ sồng tam pà hùc 2, 3 dơ\ tàm 1 ngai. Do kung là 1 bơta dà hùc geh uă bơta niam ngan, geh lơh să jan he pràn, lơh niam să mờ so\, sơndră niam ngan mờ kòp ồm sa ru\, kuơ màng ngan là di pal mờ ală cau dờng sơnam mờ cau kra.

Broă lơh dơ\ 5: Ai càrốt 100gram, tào 500gram, plai ca` 80gram, dà sin neh lời ngềt di mơ. Càrốt rào kloh, koah kơmhò, tah gơs pơnai, tru\ sin tus lề hơ\ sồng ai chèo păt ai dà; tào neh tì kơmhò, blah dềt, ai măy tơrdih ai dà; klài dà càrốt mờ tào bal, păt dà plai ca`, wơr ndrờm bal hơ\ sồng tam pà bal hùc 2, 3 dơ\ tàm 1 ngai. Geh ngui hùc bè dà niam ngan, dà hùc do geh sơndră mờ kòp ồm sa ru\.

Broă lơh dơ\ 6: Ai càrốt 250gram, plai quất 100gram, prìt dềt neh dum 150gram, sơdàng pơnai 2, 3 nai. Càrốt rào kloh, koah kơmhò, tah dềt, ai măy tơrdih ai dà; plai quất păt ai dà; prìt tì kơmhò, klài ndrờm bal hơ\ sồng tuh tàm dà càrốt mờ dà plai quất, wơr ndrờm bal, te\ bal sơdàng pơnai, hùc 2, 3 dơ\ tàm ngai. Dà do geh niam ngan tus mờ bơta pràn kơl dang să jan, kuơ màng ngan là di pal mờ ală cau gơtìp gơguh mhàm mờ ờ gơbài sào.

Broă lơh dơ\ 7: Ai càrốt 1 rơbô gram, trám ris 250 gram, sơdàng bò di mơ. Càrốt rào kloh, tah gơs sơnề dềt; trám tă gar, tah lơhơ ai 2 bơta do cèng tơrdih mờ măy ai dà, hơ\ sồng tru\ duh là di, te\ bal sơdàng bò, tam pà bal hùc 2, 3 dơ\ tàm ngai. Do là dà hùc geh lơh niam să, kuơ màng ngan di pal mờ ală cau gơtìp jê rơnồng dờ, jê amidal, sa jê tàm klờm.

Broă kơlôi sơnơng pà go\, càrốt là phan geh uă bơta niam, bơdìh mờ protid, lipid, glucid mờ jrao, gam geh uă bơta vi lượng mờ ală vitamin, tàm hơ\ khà carotene là uă ngan. Bè broă kờ` lơh sơnơm, càrốt geh lơh niam ală bơta tàm să, tơnguh pràn, tơnguh bơta pràn sơndră mờ kòp, lơh jơh khih, lơh tơmù sơdàng tàm mhàm, rơcang sơndră niam mờ ală kòp ờ tơl vitamin A, gơguh mhàm, bơcah gùng mhàm, gơsăp ntơh mờ dồr mhàm tàm nùs. Bơdìh hơ\ tai, càrốt gam geh sơndră mờ kra să mờ sơndră niam mờ kòp ồm sa ru\.

                                                                        Cau mblàng Ndong Brawl.