VOV4.K’ho – Ủy ban Nhân dân càr Lâm Đồng neh ring bal gùng dà bơyai lơh dơ\ lơh chờ bơkàu anh đào nam 2018 tàm [òn dờng Dà Làc.

Pơn jat hơ\, Ủy ban Nhân dân càr Lâm Đồng jàu Ban atbồ Tiah nhơl chờ tơnau dà Tuyền Lâm in drơng lơh, pơ gồp bal mờ ală sở, gah sơnah lơh broă geh gơrềng mờ Ủy ban Nhân dân [òn dờng Dà Làc in lơh broă rơndăp lơh lam mu\t lơh.

Bơkàu anh đào Dà Làc

Lài hơ\, dơ\ lơh chờ bơkàu anh đào Dà Làc dơ\ dùl rơcang lơh tàm bồ nam 2017, lồi du\t pal ơm te\ ờ lơh tai, tài bơh bơkàu anh đào lì bơkàu dùl ết ngan. Mơya, tơnơ\ dơ\ sa Tềp bơhiàn lơgar he dê, bơkàu đào gơ lì uă ngan wơl, gơhòi gơ jà uă ngan năc lòt nhơl tus còp sền.

Tu\ do, tàm tiah tàm dơlam [òn dờng Dà Làc neh geh rlau 3 rbô tờm bơkàu anh đào, geh uă ngan tàm gùt dar tơnau dà Xuân Hương. Mờ rơndăp broă lơh ù tiah bơkàu anh đào tàm tiah nhơl chờ dà lơgar tơnau dà Tuyền Lâm Dà Làc geh lơh bơh nam 2009, bal mờ ù tiah ơnàng rlau 100 lồ. Kơno yal, jơh ală priă tă lơh dơ\ lơh chờ bơkàu anh đào ndrờm geh ai bơh priă mpồl bơtiàn tă pơgồp.

Cau cih mờ yal tơngi\t- Lơ Mu K’ Yến