VOV4.K’ho - Geh uă cau mờng hùc dà tơrdih plai chi, tài dà bơkah is mờ geh kuơ tus mờ bơta pràn kơl dang să jan, geh ai uă vitamin C. Mờ dà tơrdih plai chi kung geh tannins, flavonoids mờ phan sơndră mờ kra geh kuơ cau gơbàn kòp cholesterol tàm mhàm uă mờ kră kơl dang, bơcah gùng mhàm in. Tơm bơta plai chi ndrờm geh tơl bơta phan bơkah krơi is, geh uă Vitamin mờ khoáng chất kơrian ală kòp mờng geh mờ kòp ngòt rơngơ\t krơi is. Den tàng, di lah pơgồp bal uă bơta biăp, kơnuh, plai chi tơrdih tàm ală dơ\ sào sa pah ngai, geh lơh să jan he pràn kơl dang. Tơnơ\ do là ờ uă dà tơrdih bơh biăp, kơnuh, plai chi [uơn jòi mờ [uơn lơh pah ngai:

Blơn su\t: ai dà neh tơrdih bơh plai blơn su\t hùc geh lơh tơmù duh, tơmù khih tàm să, lơh niam tàm mhàm. Lycopen geh tàm plai blơn su\t lơh kơrian ală bơsềt mờ vi khuẩn. Bơdìh hơ\ tai, gam geh cồng nha tàm broă lơh gơs bơta pràn sơndră, tơn jơh tơhìr dà, dong kờl tơrdih phan sa mờ [uơn đồm.

Rơpung: plai rơpung sa mrềt niam, geh lơh tơmù duh, [uơn đồm, tơmù jê. Ngui dà tơrdih bơh plai rơpung geh uă vitamin mờ chất khoáng. Propaoic poison geh tàm rơpung lơh kơrian gùng pơn diang gơs chất béo, den tàng rơpung kung là phan sa niam kờ` tơmù lơmă ir să jan. Plai rơpung geh uă dà, tàm hơ\ di pal ngan mờ broă lo\ lề lơh gơs dà hùc, do là 1 tàm ală bơta dà hùc niam ngan kờ` sơndră mờ duh. Dà bo\ lề bơh plai rơpung ir gơtùi lơh phan bơka să geh cồng nha ngan tàm broă lơh kloh să jan.

Cà rốt: Ai dà tơrdih cà rốt geh lơh niam gùng mhàm, pràn nùs, lơh jơh as mờ sơndră mờ gơbàn dră wơl. Klài bal dà cà rồt mờ dà toh kơnrồ tơl bơta ndrờm bal, geh lơh gơs 1 bơta dà hùc kờ` tơnguh pràn kơl dang să jan, mờ geh uă vitamin, mờ geh uă protid bal mờ calsi.

Dà biăp cần: Biăp cần sa lơngồt, mrềt niam, geh lơh [uơn đồm, niam mhàm mờ soăt mhàm tềng sồt. Là dà hùc geh tơnguh broă gơdan sa, dong kờl tơrdih phan sa, tơmù gơguh mhàm. Hùc dà tơrdih bơh biăp cần tus mờ ală cau gơbàn gơguh mhàm, jê bồ, kơrwài đồm duh, gơlik dà kơlhề mpàng jơng, mpàng tê, cau ùr gơbàn kòp gơrềng tus să jan cau ùr dê… Tu\ ngui biăp cần bo\ lề ai dà, pal kah sơbì nha kờ` tơmù bơtang; pal rơwah biăp cần geh tòm jù den phan bơkah sơlơ geh uă.

Dà kơnuh năng: Kơnuh năng sa lơngồt, geh lơh tơmù duh, tơmù gơguh mhàm, [uơn đồm. Dà bơh kơnuh năng geh uă phan sơndră mờ vi khuẩn tus mờ staphyloccocus aureus, E-coli, pseudomonas aeruginosa.

Dà bơh biăp, kơnuh plai chi tu\ lơh gơs pal hùc mơ tàm ngai, tài di lah lời jo\ geh tam gơl, gơbàn ờ niam, lơh gơbàn khih.

Jăt jơnau kơlôi sơnơng bơh ală cau jăk chài dê, di lah pah ngai 1 nă cau geh bơtơl 8 tàm 10 bơnah phan sa là biăp mờ dà biăp, plai chi, den broă gơbàn kòp tàm nùs ha là gơbàn gơpừ tài kòl, bơcah gùng mhàm geh tơmù 30% jăt mờ ală cau mìng sa ờ uă rơlao 2 bơnah tàm 1 ngai, mờ broă kơrian ală bơta kòp ndai să jan dê kung geh tơnguh tai 12%. Den tàng, hùc dà tơrdih plai chi pah ngai ờ mìng dong kờl tơnguh bơta pràn să jan mờ gam là broă sơndră mờ kòp geh is bal mờ bơta niam ờ do ờ dă tus mờ ală cau tàm hìu nhă, tàm hơ\ uă ngan là cau ùr mờ kòn dềt.

          Cau cih mờ yal tơng^t Ndong Brawl