VOV4.K’ho-Gi\t nđờ rbô lồ rơmi\t tàm càr Dak Lak kung gam gơtìp lời sơrbì tềng sươn sơl, bulah neh mu\t tàm tơngai tơnhàu di rlau 2 nhai. Khà priă rơmi\t tăc mìng ndrờm mờ 20% bơh nam lài dê lơm tàm tu\ khà priă apah cau tơnhàu rơmi\t gơguh uă ngan gam lơh uă cau lơh broă sa gơlơh dil ngan…

Jơnau geh ngan tàm kơnhoàl Ea Kar, càr Dak Lak, tiah geh rlau 1.400 lồ rơmi\t.

Bè uă hìu bơnhă ndai sơl tàm xã, hìu bơnhă mò Phạm Thị Thắm, ơm tàm thôn Đoàn Kết, xã Cư\ Huê, kơnhoàl Ea Kar kung gam lời sơrbì sơl rơmi\t tàm sươn, bulah kàl tơnhàu digơlan neh sơnđờm geh lơh bơh tàm dơ\ sa tềp bơhiàn tơn. Mò Thắm pà gi\t, khà priă rơmi\t nam do gơmù uă ngan ờ jai kơryan, tu\ do mìng gam 2 rbô đong lơm tàm dùl ki\, den tàng hìu bơnhă mò gơlơh pơlai tu\ jiơ tơnhàu:

Rơmi\t hìu a` nam do là pơgăp 2 lồ, tu\ do khà priă gơmù uă ngan tàm tu\ hơ\ priă apah cau tơnhàu rơmi\t gơguh tus 200 rbô đong dùl nă dùl ngai, sền go\ ờ go\ geh priă cồng den tàng hìu bơnhă ờ hềt tơnhàu.

Xã Cư\ Huê là dùl tàm ală tiah geh bă ù tam rơmi\t uă ngan rlau jơh bơh kơnhoàl Ea Kar dê. Tờm rơmi\t lài do neh geh tu\ geh sền là tờm chi tam gơcèng wơl cồng nha lơh sa uă, uă hìu bơnhă neh lơh ngan klàs bơh r[ah kơnờm bơh tờm chi tam do.

Ồng Nguyễn Văn Non, Chủ tịch Mpồl cau lơh broă sa xã Cư\ Huê, kơnhoàl Ea Kar pà gi\t, nam 2017 pa do, jơh gùt xã geh rlau 900 lồ rơmi\t, gơguh 400 lồ pơndrờm mờ nam 2016. Bulah gam mu\t tàm kàl tơnhàu uă mơya dilah kờp priă tăc rơmi\t kung ờ tơl sơl nàng tơm priă apah cau lòt tờ, priă sơngka sền gàr mờ priă tă blơi phơng sih, tuh dà.

Ală nam lài, rơmi\t tăc yòm ngan, bơh 9 rbô tus 13 rbô đong dùl ki\, làng bol tàm xã tàm đòm jat gơ\p ur ar tam gơl bơh tam tơngời tus tam rơmi\t. Nam do, khà priă rơmi\t gơmù uă ngan, mìng gam bơh 2 rbô tus 3 rbô đong lơm tàm dùl ki\. Kờp jơh priă tă blơi sơntìl, phơng tuh den tơl lồ cau lơh broă sa mìng lơh geh mờr 20 tơlak priă lơm ai jơh dùl nam sơngka sền gàr in:

Pơndrờm mờ khà priă lài, khà priă nam do lơyah ngan, den tàng bè hơ\ gơrềng uă ngan tus mờ jơnau tờ tơnhàu. Bal mờ hơ\, khà priă apah cau lòt tờ kơnuh rơmi\t jơnhoa pơndrờm mờ rơmi\t tăc geh. Den tàng bă ù tam rơmi\t uă bè hơ\ mơya drà kă bro kal ke ngan.

Ồng Hồ Tấn Cư, Trường Phòng Nông nghiệp mờ Phát triển nông thôn kơnhoàl Ea Kar pà gi\t, broă bơtàu tơnguh tờm rơmi\t tàm kơnhoàl là lơh is, gơguh uă ngan tàm 2 nam rềp ndo. Nàng pleh rề ơnàng bă ù tam uă dùl bă ur ar ir, lơh gơlik jơnau jơngkah, tăc ờ yòm, kơnhoàl neh geh uă jơnau bơto yal lài, mơya srơh tam rơmi\t kung gam gơrề uă mờ bă ù tam rơmi\t tàm nam 2017 pa do tàm kơnhoàl kung gơguh tus 1.400 lồ sơl:

Bơh bồ kàl tơn, bol a` kung neh bơto yal lài làng bol in drà kă bro ờ hềt gơtùi pin dờn ngan mờ đơs lài digơlan gơtìp kal ke, ngan den tàng bè hơ\ neh bơto yal lài mờ pơlam gùng dà ai cau lơh broă sa in, sồr ba` tam uă dùl bă ur ar, dơ\ bàr là lơh bal mờ công ty solavina, công ty mìng lơh broă gah rơmi\t lơm, lơh bal mờ cau lơh broă sa nàng tam, mơya công ty do kung ki\ sră pơrgon mờ bă ù dùl êt ngan sơl. Ngan den tàng bè hơ\ mờ tus tu\ do, drà kă bro rơmi\t kung kal ke sơl. Khà priă gơmù uă ir kung gơlơh aniai sơl tus priă lơh geh bơh cau lơh broă sa dê.

Bulah là tờm chi tam pa, mơya bơta tung lơtăng bơh tờm rơmi\t dê là jơnau ờ go\ gơlơh pa tàm càr Dak Lak đơs is mờ tàm Tây Nguyên đơs bal. Broă ntoăt jat priă cồng tềng đap mat mờ ur ar rề ơnàng bă ù nàng tam is dùl bă khat gơboh ờ lơh jat bơta rơndăp ù tiah ai tam neh lơh uă dơ\ cau lơh broă sa pal kong.

Pal sền gròi là tung lơtăng bơh tờm rơmi\t dê gơlik tàm tơngai tu\ do lơh cau lơh broă sa neh kal ke sơlơ kal ke uă ngan tai. Tài bơh dùl tu\ bal, làng bol pal à` ơnòng uă bơta kơ` jơ\, bè jơnau tu kòp lơh aniai mờ gơmù khà priă ờ jai kơryan geh bơh tờm tiêu dê, bơta du\t gùng du\t dà bơh tờm tàu sơdàng dê mờ gah ròng phan gơtìp hoàc hươr uă sùm 3 nam, tu\ do kung gam ờ hềt jai sơl bơtàu tơnguh wơl!

Cau mblàng mờ yal tơngi\t- Lơ Mu K’Yến