Tơnơ\ 10 nam lơh jat adat sền gàr mờ bơtàu tơngguh brê, broa\ lơh sền gàr brê mờ bơtàu tơngguh brê tàm Dak Lak kung gơtìp ua\ ngan kal ke, brê gm gam pơnjat tai gơtìp roh mờ broa\ dong kờl ai ala\ cau lơh broa\ lơh sền gàr brê ờ hềt di pal.

Brê dà lơgar Cư\ Yang Sin tu\ do gam sền gàr rơlao 59 rơbô 500 lồ brê. Jăt ồng Lương Hữu Thạnh gơnoar jăt jơng atbồ brê dà lơgar sền gàr, den tàm brê do mùl màl mìng là 1 tiah prăp gàr ờ hềt lơh jăt gơnoar prăp gàr, tơnguh bơtàu lơh sa-mpồl bơtiàn tàm do. Nam 2004, càr Dak Lak neh k^ rơndăp broă tơnguh bơtàu tiah jăt gah brê, mơya tus tu\ do kung gam ờ hềt bơcri priă. Bơdìh hơ\ tai, khà priă kờ` drơng tàm broă lơh brê dà lơgar sền gàr kung mìng rơ\p tơl 43%. Cư\ Yang Sin là brê dà lơgar sền gàr gơwèt càr dê, mờ càr ờ hềt geh sră nggal tơl^k mùl màl kuang bàng sền gàr brê tàm brê dà lơgar là kuang bàng ha là cau lơh broă sa priă nhai, den tàng, ală dong kờl ờ hềt geh lơh tơl, ală broă dong kờl ndrờm ờ geh. Tơngai pa do neh geh rơlao 10 nă kuang bàng lơh broă tàm brê dà lơgar sền gàr. Tàm 2, 3 nam pa do neh geh tai broă tơm priă sền gàr brê bơh kes priă tam brê càr Dak Lak, bu\ lah bè hơ\, broă tơm priă do kung ờ hềt lơh di mờ kơrnoăt. Ồng Lương Hữu Thạnh pà g^t:“Tàm jơnau sồr sồ 625 ngai 6 nam 2013, đah sền gàr mờ tam brê gơwèt gah lơh sa mờ tơnguh bơtàu [òn lơgar mờ kes priă sền gàr mờ tơnguh bơtàu brê càr tus bal pơlam anih duh broă càr in bơtơl tai khà priă di lah kes priă sền gàr mờ tơnguh bơtàu brê càr hờ đơm 200 rơbô. Bè nam lài, tàm càr Dak Lak là 150 rơbô, dan mờ càr dong kờl tai 50 rơbô tai bơh kes priă càr, mơya càr Dak Lak ờ geh”.

            Kung gơrềng tus mờ broă tơm priă sền gàr brê, ồng Trần Mậu Quyết kuang atbồ anih duh broă ntum Yang Mao, kơnhoàl Krông Bông đơs la, khà 150 rơbô priă tàm 1 lồ 1 nam là ờ uă ngan:“Tu\ do, gam geh dờp broă lơh tiah kis tàm brê, dan tơnguh khà geh ờ go\ di là 150 rơbô priă den kung ờ uă ngan. Bè 1 nă làng bol geh jàu jăt mờ kơrnoăt là ờ uă ir 30 lồ, den di pơgăp 4 tơlăk tàm 1 nam ờ tơl kờ` đơs là geh gơrềng tơn, lơh tam gơl rài kis làng bol”.

Ntum Yang Mao tu\ do sền gàr 6 rơbô 800 lồ brê, ntum neh crơng gơs mpồl sền gàr 90 nă, là ling gàr bòn, mpồl ơruh pơnu bal mờ làng bol tàm ờ uă bòn. Broă sền gàr brê gam ờ geh cồng nha tài ờ geh kơrnoăt lơh glài lơi. Mờ ală khà ù brê gơtìp làng bol tam gơl tam phan den ntum kung mìng lơh glài mờ bơr. Broă jàu brê mpồl bơtiàn in sền gàr kung geh lơh bơh nam 2004 ai 9 bòn tàm ntum Yang Mao in mờ 3 rơbô 300 lồ ù lơh sa, tàm hơ\ geh 1 rơbô 500 lồ brê, tus nam 2012 sền wơl den mìng gam 910 lồ brê. Bi Y Thiếp Dhiêng atbồ bòn Tul, ntum Yang Mao pà g^t:“Ală [òn ndai tu\ do kung neh sơgràm uă ngan, broă lòt sền gròi kal ke ngan, sơlơ ngai sơlơ geh uă làng bol sơgràm ù brê bòn lơgar dê, gơnoar [òn lơgar den ờ geh pràn”.

            Kơnhoàl Krông Bông geh rơlao 85 rơbô lồ brê mờ ù brê, mơya geh priă bơh sền gàr brê ờ hềt tơl tus mờ rài kis làng bol dờp sền gàr brê. Ồng Văn Phú Hồng, kuang atbồ anih lơh broă phan geh is mờ tiah kis kơnhoàl Krông Bông pà g^t: kơnhoàl neh jàu 11 rơbô lồ brê ai mpồl hìu, mpồl bơtiàn in sền gàr jăt broă jàu brê geh dờp bơta kuơ. Mơya tus tu\ do, mìng rơ\p lơh geh 104 lồ brê geh [òn Tul sền gàr, neh geh 567 khối chi geh lơh, geh rơlao 1 tơmàn 300 tơlăk priă, tàm hơ\ mpồl bơtiàn geh dờp bơta kuơ rơlao 400 tơlăk priă. Kal ke bơh mpồl bơtiàn dê là ờ hềt geh lơh jơh, dờp bơta kuơ là ờ hềt geh anih lơh broă lơi dờp kơnòl sền bè broă kờ` g^t khà chi brê lài mờ tu\ lơh. Kờ` làng bol geh dờp sền gàr brê, geh dờp bơta kuơ uă rơlao, ồng Văn Phú Hồng đơs la:“Tu\ do, he neh geh adăt ù tiah nam 2013, tu\ do he ai bơh tàm adăt hơ\ lơh bơta tòm kờ` tu\ bơ\t bơtàu adăt sền gàr brê den pal geh pơgồp bal mờ broă jàu brê mờ broă jàu gơnoar ngui ù kờ` làng bol geh dờp bơta kuơ tàm ù tiah hơ\. Di lah ờ, mùl màl tàm adăt sền gàr brê mờ tơnguh bơtàu brê mìng đơs là jàu mờ ờ hềt đơs bơta lơi bè ù. Den tàng pal geh broă lơh pơgồp bal bè ală kơrnoăt geh tơl^k tàm adăt sền gàr mờ tơnguh bơtàu brê”.

                                                                                    Cau mblàng Ndong Brawl.