VOV4.K’ho- Drim ngai 22/12, Mpồl VinaCapital Foundation (VCF) pơgồp bal mờ kes priă dong kờl bơsram Vừ A Dính bơyai lơh broă lơh jàu ală măy lơh sàng dà mờ jàu priă dong kờl bơsram pờ gùng tus rài tơnơ\ ai kơnòm bơsram jơi bơtiàn kòn cau tàm ù tiah kơnhoàl Cư Mgar, càr Dăk Lăk in. Mò Trương Mỹ Hoa Phó Chủ tịch lơgar lài do, Kuang ătbồ Kes priă dong kờl bơsram Vừ A Dính tus mờ jàu phan ai ală kơnòm bơsram in.

Broă lơh neh jàu pà 3 nơm măy lơh sàng dà drơng ai rlau 2 rbô 600 nă kơnòm bơsram mờ kuang bàng, cau pơgru tàm 3 hìu bơsram tàm ù tiah kơnhoàl Cư Mgar in, tàm hơ\ geh: Hìu bơsram Kấp dùl Lê Thị Hồng Gấm; Hìu bơsram Kấp 2 Lê Hồng Phong mờ Hìu bơsram Kấp pe Lê Hữu Trác. Mờ broă lơh do kung neh jàu pà 22 bơnah priă dong kờl bơsram ai ală kơnòm bơsram jơi bơtiàn kòn cau geh cồng nha bơsram sră jak ngan in tàm 3 hìu bơsram pa yal.

Cau mblàng Lơ Mu K’Yến