VOV4.K’ho- Kòp sởi tàm Dăk Lăk neh geh ală bơta gơbàn kal ke ngan tu\ khà cau kòp tus piam kòp tàm hìu sơnơm ngai sơlơ gơguh. Mơya, tài bơh jơnau gi\t wa\ ci\t sơnơm rcăng sơndră kòp sởi bơh làng bol dê gam ờ hềt wa\ den tàng broă lơh rcăng sơndră mờ kòp sởi tàm do kung gam tìp kal ke uă ngan sơl.

Lam kòn klau 14 nhai mu\t tàm Hìu sơnơm [òn dờng Buôn Ma Thuột kham kòp tàm bơta să ja` sau dềt gơtìp duh să uă ngan, mờ gơtìp è gơjroh, bi H’Blanh Êban mè sau Nguyễn Hoàng dê ơm tàm thôn 7, xã Cư Êbur, [òn dờng Buôn Ma Thuột, càr Dăk Lăk pà gi\t: Tu\ go\ kòn gơtìp duh să, hìu bơnhă tồn lah sau gơtìp kòp tài bơh trồ tiah den tàng hìu bơnhă lòt blơi is sơnơm tơrmù duh să kòn in hùc, tơnơ\ bàr ngai go\ ờ gơmù duh, hìu bơnhă hơ\ sồng jun sau lòt hờ hìu sơnơm.

                                             Kơnòm dềt gơtìp kòp sởi gam piam kòp tàm hìu sơnơm

Tu\ bác sĩ kham kòp mờ pà gi\t sau gơtìp kòp sởi, hìu bơnhă hơ\ sồng wờl să ngan tài bơh lài do ờ go\ ci\t sơnơm rcăng sơndră kòp sởi ai kòn in. Bi H’Blanh Êban đơs:

Bơh ngai dơ\ 6 poh lài sau gơtìp duh să uă ngan, bơsiă, gơ hòr dà muh geh bal è gơjroh, jơh dùl hìu bơnhă tus hờ hìu sơnơm kham kòp, bác sĩ đơs là kòp sởi, piam kòp tàm hìu sơnơm neh bàr pe ngai do rau, să jan neh bời sơl dùl êt. Geh uă ngan sau gơtìp kòp do, tài bơh uă cau ờ go\ lòt ci\t sơnơm gơ dê, cau ngòt kòn he gơtìp jê, gơtìp duh să den tàng cau ờ khin lòt ci\t.

Ơm bi\c ngài mờ jơnờng kòp bơh mè mờ kòn bi H’Blanh Êban dê ờ go\ ngài là jơnờng piam kòp bơh sau dềt Nguyễn Minh Thuật dê, deh nam 2016, ơm tàm sơnah [òn Tân Lập, [òn dờng Buôn Ma Thuột. Bi Nguyễn Minh Phương, bèp sau Thuật dê yal, lồi poh lài, hìu bơnhă sền go\ sau gơlik toh pơrhê tàm să den tàng sơrbăc mhar ngan jun sau mu\t hờ hìu sơnơm [òn dờng Buôn Ma Thuột nàng kham.

Tơnơ\ mờ tu\ kham, bác sĩ ai sau Thuật in rê hờ hìu mờ tơngkah cau tàm hìu bơnhă gròi sền bơta tam gơl tàm să jan bơh sau dê, dilah sền go\ sau gơtìp duh să uă, mat pơrhê den pal jun mhar tàm hìu sơnơm. Rê hờ hìu dùl ngai, hìu bơnhă pal jun sau tus hờ hìu sơnơm nàng piam kòp. Bơh ală tu\ sền mhàm kham kòp, bác sĩ kham đơs là sau gơtìp kòp sởi gơlơh aniai mờ gơbàn kòp as sồt klờm soh. Bi Nguyễn Minh Phương đơs:

Lài do mu\t tàm do neh dùl dơ\, geh tềl tơngo\ tuh pơrhê gơlik tềng să mơya ờ hềt gơbàn duh să, gơ hòr dà muh, ờ hềt bơsiă, bác sĩ sồr rê tàm hìu dilah sền go\ geh ală bơta gơ tơngo\ bè mat pơrhê, duh să uă, è gơjroh den pal jun mhar hờ hìu sơnơm. Mu\t tàm ngai dơ\ 7 den ơm piam kòp tus tu\ do tơn. Bác sĩ kham kòp đơs là gơtìp kòp sởi gơlơh aniai tus klờm soh, sơm kòp digơlan là jo\ sơl, dilah ờ hềt gơlơh aniai tàm klờm soh den sơm mhar bời, mơya tu\ do den ờ hềt gơtùi.

{òn dờng Buôn Ma Thuột là tiah geh khà cau bơtờp kòp sởi uă ngan rlau jơh tàm càr Dăk Lăk bal mờ 22 nă cau bơtờp mờ virus sởi. Gơbàn uă ngan là tàm xã Cư Êbur bal mờ 21 nă cau.

                        Ci\t sơnơm rcăng sơndră kòp sởi kòn dềt in là broă lơh niam ngan rlau jơh

Ồng Nguyễn Ngọc Thịnh, Phó Kuang atbồ Hìu sơnơm [òn dờng Buôn Ma Thuột, càr Dăk Lăk pà gi\t, tềng đap jơnau geh ngan gơguh uă cau kòp mu\t piam kòp tàm hìu sơnơm tàm tơngai rềp ndo, hìu sơnơm neh lơh tiah cah ơm is nàng sơm kòp ai ală cau kòp gơtìp kòp sởi in, mơkung ai tai cau lơh broă, phan bơna ai gah kòp kơnòm dềt in nàng lơh niam broă kham sơm kòp ai cau kòp in dùl bă niam ngan rlau jơh:

Tàm hìu sơnơm [òn dờng Buôn Ma Thuột bol a` kung rcăng gùng dà broă lơh nàng sơrlèt gan mờ kòp sởi gơguh nisơna. Dơ\ dùl là bol a` sơlơ lơh tai tiah ai cah ơm is nàng sơm kòp sởi tàm gah kòp kơnòm dềt, mơkung ai tai cau lơh broă bơh khoa lâm sàng ndai tus tàm gah kòp kơnòm dềt mờ bol a` kung geh gùng dà broă lơh nàng pleh ală bơta gơ aniai bơh kòp sởi dê, ngan là ală khoa lâm sàng mờ khoa măt mờ bol a` kung tơngkah gah kòp kơnòm dềt sùm lơh jat broă pơlam sơm kòp nàng sơm kòp dipal, pleh gơlơh aniai kơn jơ\ gơlik geh tàm kơnòm dềt gơtìp kòp sởi.

Jat khà kờp bơh Hìu sơnơm Dự phòng càr Dăk Lăk dê yal, bơh bồ nam tus ngai 21/2 pa do, jơh gùt càr Dăk Lăk neh sền go\ 60 nă cau bơtờp mờ virus sởi tàm 8 kơnhoàl mờ [òn dờng Buôn Ma Thuột. Pal sền ngac là uă ngan khà cau bơtờp kòp sởi tài bơh ờ hềt ci\t sơnơm vaccine rcăng sơndră kòp sởi.

Bác sĩ Phạm Văn Lào, Kuang atbồ Hìu sơnơm Dự phòng càr Dăk Lăk pà gi\t, tơnơ\ tu\ sền go\ ală cau bơtờp kòp sởi tơn, gah lơh sơnơm càr Dăk Lăk neh ai cah ơm is cau kòp gơtìp kòp sởi, [ồm sơnơm kơryan kòp tàm tiah geh cau kòp bơtờp mờ virus sởi mờ ci\t sơnơm rcăng sơndră kòp sởi ai kơnòm dềt ờ hềt geh ci\t sơnơm in.

Jat ồng Phạm Văn Lào yal, nàng kơryan bơta bơtờp uă bơh kòp sởi dê, bal mờ bơta lơh bal bơh gah lơh sơnơm dê, làng bol pal tơnguh uă jơnau gi\t wa\ rcăng sơndră kòp bơh broă ai kơnòm dềt tàm sơnam ci\t sơnơm rcăng sơndră kòp tus tàm ală hìu sơnơm nàng ci\t sơnơm rcăng sơndră kòp. Bác sĩ Phạm Văn Lào đơs bè do:

Tu\ do, bol a` gam lơh dùl ròt ală broă lơh. Dơ\ dùl là mblàng yal; dơ\ bàr là tơrgùm kờp wơl ală cau ờ hềt geh ci\t sơnơm rcăng sơndră kòp sởi den tus ci\t; dơ\ pe là lơh tiah ai cah ơm is tàm hìu sơnơm; lồi du\t là bơto pơlam wơl broă lơh sơm kòp ai kuang bàng lơh sơnơm in. Bơdìh mờ ală tiah digơlan lơh bơtờp uă kòp den geh rcăng lài ai ci\t sơnơm lài. Bè hơ\ den ală cau lơi ờ hềt geh ci\t sơnơm rcăng sơndră kòp sởi den pal tus te\ tàm ală hìu sơnơm nàng ci\t sơnơm, hơ\ là broă lơh niam ngan rlau jơh nàng rcăng sơndră kòp sởi.

Cau mblàng Lơ Mu K’Yến