Nam do pơnjat tai mut lơh jat kơrnuat sồ 35 bơh gơnoar ala mat dà lơgar dê, mpồl duh broă ala mat làng bol ală kơnă mut lơh ai sră đùh pin dờn gơnoar broă tus mờ ală gơnoar broă geh pồ mờ ki\ kơrnuat pồ. Pơrjum mpồl duh broă ala mat làng bol càr Dak Lak kung pa bơyai lơh ai sră đùh pin dờn gơnoar broă tus mờ 16 nă cau at gơnoar broă bơh mpồl duh broă ala mat làng bol pồ, tơngai lơh broă bơh nam 2011 tus nam 2016 mờ dờp geh bơta ringbal bơh cau te\ khà dê. Tu\ do, mpồl duh broă ala mat làng bol kơnă kơnhòal, kơnă ntum bơh càr Dak Lak dê gam mut lơh ală sră nggal ai sră đùh pin dờn gơnoar broă tàm dơ\ pơrjum tus bơh bòn lơgar dê.

Cau te\ khà càr Dak Lak đơs niam cồng nha ai sră pồ pin dờn tus mờ 16 nă cau at gơnoăt geh mpồl duh broă ala măt làng bol càr Dak Lak pồ, tơngai lơh broă bơh nam 2011 tus 2016. Cau te\ khà đơs la, cồng nha do neh tơl^k di pal bơta ngăc ngar, pràn kơl dang tàm broă sền gàr đơng lam tus mờ tơl groăt dê: ală cau đơng lam groăt dờng ờ di là geh sră pồ pin dờn uă mờ kuang bàng đơng lam ală gah lơh broă, mpồl lơh broă tàm càr tìp mờ làng bol den geh khà sră pồ pin dờn kung ờ uă. Bơta do pà go\, kuang bàng tàm mpồl duh broă ala mat làng bol càr Dak Lak neh ring bal tu\ đùh sră, ờ ngòt cau do, cau ndai, mờ kơ\p kờ` tus mờ ală cau geh khà sră pồ pin dờn ờ uă geh uă geh lơh ngan rơlao tai. Ồng Nguyễn Vừa cau te\ khà tàm sơnah [òn Thắng Lợi, [òn dờng Buôn Ma Thuột đơs:“Bơh tàm broă sền den a` go\ là broă ai sră pồ pin dờn di pal ngan mờ nùs nhơm làng bol dê. Cau hơ\ go\ bơta ờ niam, ờ pràn den lơh niam wơl, mờ di lah lơh niam wơl di pal den a` kơ\p kờ` ngan. Broă ai sră pồ pin dờn pal geh lơh. Bơh tàm jơnau đơs mpồl cau bal bè hơ\, den a` go\ là pal geh lơh, pal lơh sùm broă ai sră pồ pin dờn”.

Ồng Niê Thuật kuang atbồ đơng lam Đảng càr mờ là kuang atbồ anih duh broă ala măt làng bol càr Dak Lak đơs la:“Ală kuang bàng geh ai sră pồ pin dờn dơ\ do là dơ\ kờ` sền wơl broă lơh să tòm tàm broă đơng lam, kờ` tơnơ\ do lơh broă niam rơlao mờ să tòm kung pal lơh ngan ơ\t ơl, bơsram bal kờ` tơnguh niam. Mờ ală broă lơi tàm tơngai pa do ờ hềt lơh geh cồng nha, gam kal ke tus mờ să tòm ờ hềt lơh gơs, den pal tơnguh niam rơlao. Mờ kung kơ\p kờ` ală kuang bàng pơn jăt tai sền gròi mờ kung ai tơl bơta niam ală kuang bàng hơ\ in pơn jăt tai tơnguh gơnoar, kơnòl, ai jơh nùs nhơm pràn să tòm kờ` lơh gơs ală kơnòl geh jàu”.

Tu\ do, mpồl duh broă ala măt làng bol kơnhoàl, ntum tàm càr Dak Lak gam lơh jăt ală broă rơcang ai sră pồ pin dờn tàm pơrjum tus do, ai tơl jơnau tơng^t ală cau geh ai sră pồ pin dờn nàng ală kuang bàng in g^t kờ` sền wơl tơl ală bơta, mờ di pal. Ồng Nguyễn Hồng Khanh kuang jăt jơng atbồ mpồl duh broă ala măt làng bol ntum Hoà Hiệp, kơnhoàl Cư\ Kuin đơs:“Ntum tu\ do den neh lơh jăt tus mờ ală kuang bàng đơng lam tòm mpồl duh broă ala mat làng bol, anih duh broă, ală kuang bàng tàm anih duh broă geh mpồl duh broă ala măt làng bol pồ; bơyai yal tơl^k phan bơna, hơ\ sồng lơh sră yal jăt jơnau bơto sồr mpồl duh broă ala măt làng bol ală kơnă neh ai. Bơh tàm pơrjum tìp mờ cau te\ khà mờ pơrjum pờ ơnàng den bol a` neh yal rơndăp broă ai sră pồ pin dờn tus mờ gùt làng bol tàm pơrjum dơ\ 9, mpồl duh broă ala măt làng bol ntum kơnă 10 tus do. Cau te\ khà kung kờ` ngan broă lơh do. Tài bơh tàm anih yal tơng^t, bơh tàm [ăo den cau te\ khà go\ broă ai sră pồ pin dờn ală kuang bàng tàm Gơnoar ala mat dà lơgar, mpồl duh broă ala măt làng bol den cau te\ khà ring nùs mờ kờ` bal”.

Do là nam dơ\ 2 Gơnoar ala mat dà lơgar, mpồl duh broă ala mat làng bol ală kơnă bơyai lơh ai sră pồ pin dờn tus mờ ală groăt geh Gơnoar ala mat dà lơgar, mpồl duh broă ala mat làng bol pồ mờ k^ pồ. Mờ tơl nă kuang bàng dê, do là dơ\ kờ` pơn jăt tai sền wơl bơta pràn, kơnòl bơh ală cau gam at gơnoar kuơ màng tàm ală gah, mpồl lơh broă ală càr, [òn dờng dê; mờ să tòm ală cau geh ai sră pồ pin dờn geh sền wơl cồng nha broă lơh să tòm kờ` lơh ngan rơlao tai. Ồng Đỗ Kim Sơn kuang jăt jơng atbồ anih duh broă ntum Hoà Hiệp, kơnhoàl Cư\ Kuin đơs:“Broă ai sră pồ pin dờn den a` go\ di ngan. Mờ nùs nhơm làng bol tàm do, den làng bol kung di nùs nhơm mờ broă lơh do sơl. Tài dà lơgar là dà lơgar làng bol dê, gơnoar atbồ tài làng bol, drơng làng bol in. ai sră pồ pin dờn kờ` sền go\ broă lơi lơh neh geh cồng nha, broă lơi lơh ờ geh cồng nha kờ` lơh niam wơl, lơh bè lơi kờ` geh 1 gơnoar atbồ drơng làng bol in niam ngan”.

                                                           }au mblàng Ndong Brawl.