VOV4.K’ho- Ngai 28/10, Mpồl kuang bàng gròi sền bơh Bộ Lao động, Thương binh mờ Xã hội dê neh geh dơ̆ lơh broă mờ Ủy ban Nhân dân càr Dăk Lăk bè broă lơh dong kờl làng bol, mpồl lơh sa kă bro, cau lơh broă mờ cau ngui cau lơh broă gơtìp kal ke tài bơh kòp Covid-19. A

Ồng Vũ Trọng Bình, Kuang atbồ Cục broă lơh, Bộ Lao động, Thương binh mờ Xã hội đơs tàm dơ̆ lơh broă

la mat Cục broă lơh, Bộ Lao động, Thương binh mờ Xã hội đơs, uă broă lơh dong kờl tàm càr Dăk Lăk gam lơyài lam lơh, ờ geh bơta pơgồp bal. Lam lơh jat Nghị quyết sồ 68 bơh Chính phủ dê, kờp tus ngai 26/10, Dăk Lăk neh ring bal ai mờr 3 rbô nă cau ngui cau lơh broă, mờr 55 rbô nă cau lơh broă geh dờp broă dong kờl mờ khà priă rlau 29 tơmàn đong. Bơh hơ̆, neh tă tong ai jơh ală cau ngui cau lơh broă in, mờr 48 rbô nă cau lơh broă in bal mờ rlau 21 tơmàn đong. Bàr, pe mpồl broă lơh dong kờl càr Dăk Lăk neh lam lơh niam, mơya 2, 3 mpồl broă lơh neh ring bal uă mơya khà tă dong kờl lơyah ngan bè: broă lơh dong kờl cau lơh broă ờ geh kĭ sră pơrgon lơh broă, neh ring bal rlau 9 rbô 400 nă cau, mơya mìng rơp tă dong kờl geh mờr 3 rbô nă cau mờ rlau 3 tơmàn 800 tơlak đong, khà tă dong kờl geh 35%; broă lơh dong kờl cau lơh broă ơm ing lơh jat sră pơrgon lơh broă, ơm rlô lơh broă ờ sa priă nhai neh ring bal 357 nă, rơp pa tă dong kờl ai 173 nă cau in, khà tă dong kờl geh 47%. Mpồl neh sồr càr Dăk Lăk pal bơsong nàng di tŭ dong kờl ală cau gơtìp gơ rềng tài bơh kòp Covid-19.

Cau mblàng K’Duẩn