VOV4.K’ho- Lơh jăt jơnau sồr bơh Chính phủ dê bè broă pà phe bơh bơnah phe ơn prăp dà lơgar dê dong làng bol gơtìp gơrềng tài bơh kòp Covid-19 nam 2021, bơh ngai 23 tus 29/8 do, Cục Ơn prăp Dà lơgar tiah đah jum Tây Nguyên lam lơh pà rlau 1 rbô 100 tấn phe ai rlau 73 rbô nă làng bol tàm 2 càr: Dăk Lăk mờ Dăk Nông in.

Jăt mờ hơ̆, cau geh pà phe là ală cau gơwèt hìu bơnhă rƀah, hìu bơnhă mờr ndrờm bè hìu bơnhă rƀah, hìu bơnhă chính sách, hìu bơnhă cau geh màng mờ dà lơgar; cau lơh broă khăt gơboh is gơtìp roh broă lơh tài gơrềng bơh kòp Covid-19...tàm 11 kơnhoàl bơh càr Dăk Lăk dê mờ 8 kơnhoàl, ƀòn dờng tàm càr Dăk Nông dê. Tơl nă làng bol geh pà 15 kĭ phe. Broă pà geh lơh tàm hìu duh broă Ủy ban Nhân dân xã, sơnah ƀòn, thị trấn dê.

Cau mblàng Lơ Mu K’Yến