VOV4.K’ho- Tŭ do, tàm càr Dăk Lăk mìng rơp pa geh 7 tàm khà rlau 800 mpồl lơh sa kă bro geh kờp sền neh gơtùi càn priă geh dong kờl priă cồng jat Nghị quyết sồ 68 bơh Chính phủ dê bè broă lơh dong kờl cau lơh broă mờ cau ngui cau lơh broă gơtìp kal ke tài bơh kòp dờng Covid-19. Jơnau là tài ală mpồl lơh sa kă bro ờ huan tă priă blơi bảo hiểm ai cau lơh broă in, dùl bơta pal geh nàng geh càn priă.

Mùl màl, Dăk Lăk mìng rơp pa geh 4 mpồl lơh sa kă bro tàm ƀòn dờng Buôn Ma Thuột mờ 3 mpồl lơh sa kă bro tàm jơh ală kơnhoàl, thị xã geh càn priă tàm sơnĕ Ngân hàng Chính sách xã hội mờ kờp jơh priă càn là 1 tơmàn 42 tơlak đông. Kuang bàng lơh sră càn priă bơh ngân hàng dê neh sền 800 mpồl lơh sa kă bro geh tă priă blơi bảo hiểm xã hội ai cau lơh broă tàm càr in, mờ gŏ khà cau lơh broă geh tă priă blơi bảo hiểm dùl êt ngan pơn drờm mờ khà cau lơh broă ngan ngồn, lơh gơbàn bơta khà priă geh càn jat jơnau sồr kung dùl êt ngan.

Cau mblàng K’Duẩn