VOV4.K’ho - Ngai òr (03/02), kuang đơng lam Tỉnh uỷ, HĐND, UBND, UBMT dà lơgar càr Dak Lak geh ồng Bùi Văn Cường, Uỷ viên Đảng dà lơgar, Bí thư Tỉnh uỷ lam bồ neh tus còp mờ pà phan làng bol geh rài kis gơtìp rềs àr, mìu càl dờng lơh aniai tàm kơnhoàl Buôn Đôn mờ kơnhoàl Lăk di satềp nam pa Tân Sửu.

                         Ồng Bùi Văn Cường, Bí thư Tỉnh uỷ pà phan làng bol geh rài kis gơtìp rềs àr in

Tàm ală anih tus còp, ồng Bùi Văn Cường neh còp să, lam sồr, pà 200 pò phan tơl pò phan geh 1 tơlăk đong ai ală hìu nhă geh rài kis gơtìp kal ke mờ nùs nhơm kơ\p kờ` pơgồp bal mờ ală hìu nhă sơrlèt mờ kal ke wă rò nam pa pràn kơl dang, hờm ram, niam ờ do ờ dă sơndră mờ kòp.

Di satềp nam pa Tân Sửu 2021, Mật trận dà lơgar Việt Nam càr Dak Lak neh lam sồr ală mpồl lơh broă, ală cau geh nùs nhơm niam tă geh rơlao 8 rơbô pò phan mờ kòp jơh khà geh 4 tơmàn đong nàng tus bal tàm broă drơng gàr satềp cau rơ[ah, hìu nhă geh rài kis kal ke, ba` lời geh cau gơtìp lời is hờ tơnơ\.

Cau mblàng Ndong Brawl