VOV4.K’ho -  Ngan ngồn  gờm chờ ngai chài rgơi ala\ kòn cau Việt Nam (19/4), Bảo tàng Dak Lak neh bal mờ  cau chài Võ Văn Hải  bơyai lơh ràng tơlik rùp rài trah mòn chi bè chài rgơi Tây Nguyên mờ sơnđan: ‘’Tây Nguyên tàm  plai nùs a`’’.

Ràng tơlik ‘’Tây Nguyên tàm plai nùs a`’’ geh 44 nơm rùp trah mòn tàm chi, yal tơnggit bè dùl Tây Nguyên brê dờng bal mờ rài chài rgơi niam ngan, geh ai go\ bơta yal yau. Tơl nơm rùp la cồng nha bơh broa\ jòi git,  ai go\ bơta sra\ nggal, rùp bơh ala\ cau cùp rùp bal mờ bơta ngui bơta chài trah mòn rùp  tàm  chi  (ngui rùp 3D) nàng prap gàr,  mờ jờng bơta niam chài bơh ala\ kòn cau Tây Nguyên.

Ala\ rùp geh ràng jat 4 bơta sơnđan: Dùl tu\ Tây Nguyên, ờ ua\ bơta lơh yàng- bơhìan bơh mpồl bơtìan Tây Nguyên, Tây Nguyên ù tiah gơ niam  kòn bơnus’’ mờ rài  kah yau. Bal mờ hơ\,  gam ràng tơlik ala\  rùp niam chài geh dờp ký lục Guinness Việt Nam, sra\  yal bè  ala\ cau khin cha jak chài.

Cau mblàng K’ Brọp